فؤاد __________________________________
اخر مرة شفت فيها انيس فالبيتزيريا من تم رجع يتهرب مني كل مرة يلقا سبة باش مانتلاقاوش و هذا زاد فالشك ديالي بلي عندو حاجة راهو مخبيها عليا قررت نستناه فاليل قدام دارو حتى يدخل لدار و نحكمو كانت حداش تع الليل كي شفتو جاي ماحبيتش نبينلو روحي حتى يحبط من طوموبيل كي خرج منها و كان راح يجبد مفاتح تع الدار خرجتلو
انا : عاش من شافك
انيس : يعطيك ضربة خلعتني واشبيك خرجتلي كي لجن
انا : انت لي وصلتني باش نخرجلك هكذا
انيس : علاه واش درت انا
انا : حل الباب ندخلو و انا تحكيلي واش درتلي
دخلنا للدار و ريحنا انا وانيس انا ماقدرتش نزيد نصبر دخلتلو فالموضوع ديغاكت
انا : ايا انيس الزرع ينبت احكيلي واش راك مخبي عليا
انيس : واش راك تهضر واش راح نخبي عليك
انا : انيس ماتكوفش روحك احكيلي علاه ديك الخطرة جبدتلي على نجمة
كي قلت لانيس هكذاك وجهو تبدل و بدا يخلط فالهضرة
انيس : قلتلك واش حسيت برك هذا ماكان
انا : شوف انيس والله مانسمحلك لوكان نفيقلك كاشما راك مخبي عليا
انيس : علاش هاذي الهضرة.دوك يا خو خلاص دوك نحكيلك كلش
انا : اياا ابدا
انيس : اوووف درتلي حجرة فسباط حرام عليا وعدت نجمة باش مانقولكش
انا : وعدتها !!!!!
بدا يحكيلي انيس على حكاية اسماء و كفاش نجمة دارت كلش باش تعاوني و خبات عليا حكالي كفاش راحت لجارتو ووصاتها باش تعسنا و كفاش ردت شهرة هي لي دارت كلش حبس مخي كي كان يحكيلي و ماقدرتش نآمن
انا : مكاش منها ماتدخلش في راسي كامل هاذي الحكاية
انيس : هذا لي صرا فؤاد لي وقف معاك نجمة لوكان ما هي وصات الجارة تعسكم كون راك دوك مظلوم مرمي فالحبس قلي انت دخلت في راسك شهرة وصات الجارة و عيطتلها و هي ماعلابلهاش ڨاع وين نسكت انا زيد كفاش تروح لنجمة و تقولها مديلي نعيط لجارة اسما وين علابالها اصلا شكون هاذي اسما خدم راسك فؤاد مافهمتش كفاش تغيبلك حاجة كما هاذي
كي قالي انيس هكذاك بداو يولولي حوايج صراو هذاك نهار تعميت عليهم تفكرت كي نجمة و اسماء كانو يضاربو شهرة ماكانتش معاهم كامل لتم فهمت تاني علاه كي خرجت من البيرو نجمة لي كنت بهدلتها و عيطت عليها هزت براسها لالا كان قصدها ب لالا ماحبتش نروح مع اسما كانت حاسة بلي راح ديرلي مصيبة لتم آمنت واش حكالي انيس قتلو كلش واش تفكرت
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
