______________________________
فؤاد
كنت أنا و انيس قاعدين نفطرو كان يحكيلي على اسماء لي راحت تحلل فيه باش يسمحلها بعد مالحقتها ورقة الطلاق
انا : راك سور انيس حاب طلقها انا من جيهتي كون مهني راك مسامح
انيس : واش خلات حاجة حلوة بيناتنا وليت مانحملهاش كرهتها لاقصى درجة
انا: شوف لي يساعدك
وانا غايس مع هدرة انيس شفتها دخلت من لباب هي ووحدة كي ميزتها مليح عرفتها بلي اختها فايزة اول مرة نشوفها كانت تحكيلي بزاف عليها وشحال متعلقة بيها قعدو مقابلينا و كي طلعت راسها شافت من جيهتي درت روحي ماشفتهاش انيس مرڨلي بلي سكت ضربة وحدة
انيس : واشبيك هو صرعتك واقيل
انا: لالا خسارة عليك سكت برك
انيس : هاذيك ماشي نجمة ؟؟
انا : اممم وين راهي
انيس : وين راهييي ايا بركا ماتكوف في روحك بصح نقولك حاجة فؤاد طفلة هاذي لا علاقة مع صحبتها باينة بلي قلبها مليح
انا : راك تتمسخر بيا تقولي قلبها مليح نسيت كفاش خلاتني وراحت تزوجت بشيخ
انيس : راني نقلك وراني سور من كلامي ماعلباليش السبة لي خلاتك على جالها بصح راني حاس بلي الطفلة تحبك
انا : واش خو علاش راك تاكد كاشما علابالك و راك مخبي عليا
انيس : لالا و انا واش علاقتي بيها
انا : انيييس مارانيش حابس واش كاين
شفت انيس وجهو تبهدل كلي كان مخبي حاجة و خايف يقولها بصح انا حلفتلو بلي مانيش طالقو حتى يقولي و كي جا راح ينطق سمعت السارفور يعيط لقيت نجمة و ختها رايحين صونالي تيليفون يعطولي من الخدمة لقيتو طبيب خالد لي وصيتو يستكلف بيمات نجمة و يدير لي عليه باش يداويها
انا : وي خالد
خالد : فؤاد راني مزروب بصح حبيت نعلمك بلي المراه لي وصيتني عليها راهي عيطتلي و قاتلي بلي راح تحبس الدوا و ماتزيدش جي هكذا و مارانيش ضامن طول المرا علاخاطر المرض مشا كامل فيها دوك كي حبت تحبس راهي تلعب بروحها حبيت نقولك على خاطر وصيتني عليها و قتلي دير بالك عليها
انا : صح خو بارك الله فيك
كوبيت نضت نجري نحوس على نجمة باش نقوللها عيطتلها ماسمعتنيش زدت قربت ليها و عيطتلها
انا : نججججمة
دارت اختها فايزة شافت فيا و قاتلها راهو يعيطلك بصح كيف كيف ماحسبتنيش كامل تقلقت بزاف انا خايف على يماها راح نقولها و هي تلعبها عليا
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
