حليت الباب لقيت فؤاد وقف و متكي راسو على الحيط و عينيه حمورة باين عليه بلي كان يبكي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
فؤاد وليدي واشبيك واش صرالك واش هاذي الحالة لي راك فيها ؟؟؟
فؤاد: منك صح راكي تسقسي فيا خالتي سامية كلي ماعلابالكش واش بيا واش لي وصلني نكون في هاذي الحالة بصح مادامك تسقسي ماعليش نقولك سبابي بنتك الخداعة لي لعبت بيا حتى شبعت امبعد سمحت فيا باش تتزوج واش لقات فيه خير مني ياك انا كنت ناويها لزواج كنت كل مرة انا نقولها نجمة وقتاش نجي نخطب و هي تتهرب مني كنت كي الجايح ماكانش علابالي بلي كانت توجد لعرسها وهي معايا و ماصدقت لقات سبة باش نحبسو
مدام سامية: لالا ياوليدي ماشي كيما راك حاسب كامل ماتظلمهاش
فؤاد: عاودي !! مانظلمهاش !!! تع الصح توقفي مع بنتك ماشي غريبة و انا شكون لي يوقف معايا مكاش الله غالب يتيم ماتت لي توقف معايا و تصبرني بصح نقولك و مادابيك تلحقيهالها قوليلها يجي نهار و تخلصي كامل فعايلك عمري ما راح نسمحلها
مادام سامية: تعيش وليدي ماتحقدش عليها نجمة حباتك من قلبها
قلتلو هكذاك شاف فيا خزرة باردة و راح
حسب راني نتمسخر بيه شحال كنت حابة نقولو الصح نقولو نجمة مازالها تحبك تزوجت بشيخ غير باش تسلك يماها تعيش يافؤاد ماتكرهاش
**************************
نجمة
حليت عينيا صباح دايخة لقيت روحي في بيت غريبة عليا حتى تفكرت الكابوس لي راني فيه تقعدت من لفراش و حاكمة راسي من السطر حتى شفتو راقد قدامي حكمتني الخلعة نضت نجري من الفراش نرعش و نحاول نتفكر الا كاش مادارلي و ولاتلي هاذيك الحالة تع القيا رحت نجري للصال دو بان نرد كلش
مع لي طلعت راسي لقيتو قدامي بلا تريكو بعدت نجري عليه
سي محمود : صباح الخير يا عروستي الشابة لبارح فهمتك كنت مخلوعة كما كامل العرايس بصح انا مانقدرش نصبر عليك ليوم نفروها يا حبيبتي الصغيورة
انا: نموت و مانخليكش تحط يدك عليا فهمت نموت
سي محمود : هههههه واقيل حسبتي جبتك شباح للدار يا صغيورتي ياو ديري في بالك هذا حقي نديه برضايتك ولا بلا بيها
