نجمة_________________________________
جيت راح ننطق لقيت سي محمود مورايا و يشوف فيا بخزرة تخلع خفت منو بزاف سكت مرة وحدة
ريان : قولي فواش حبيتي نعاونك
سي محمود : ماديرش عليها هكذا دير كل مرة لي يجي عندي تطلب منو يعاونوها بالدراهم باش داوي يماها
كل مرة يخلعني بالرخس تاعو قد مانقول خلاص شبعت من ذل تاعو يزيد يفاجئني
ريان : ايه معليش نعاونك بواش قدرت
تعمرو عينيا بدموع بعد ما قطعت لياس خلاص كرهت هاذي لمعيشة كرهت هاذي الحڨرة
انا: يعطيك الصحة
رحت للبيت مكسورة فاشلة ماكاين حتى حل يخرجني من هذا الحبس يادرا كفاش رآهم دارنا سور رآهم مقلقين عليا و فؤاد زعما يكون حس بغيابي زعما سقسا عليا كي فطن بقيت هكذاك نخمم حتى دخل عليا سي محمود كي الكلب المسعور حكمني من شعري و رماني فالارض و بقا يضرب فيا
سي محمود : حبيتي يعاونك اه يالكلبة مازالكي ديري لي في راسك راكي حابة نجيبهولك هاذي المرة مكسل و ميت قدامك
انا : علااااه واش درتلك انا باش راك تعذب فيا فواش اذيتك واش هي لغلطة تاعي
سي محمود : غلطة تاعك جيتي بنت هاذيك الكلبة سامية من لي خسرت خدمتي و عايلتي كنت نستنا فهاذي اللحظة بعشرة عينين
انا : راك تهضر كلي انت كانت بلاصتك نقيا الا نسيت نفكرك راني عارفة بخرايبك كلمة مني تباصي
ضربني سي محمود بكف و تالمون وجعني سالي الدم خرج من البيت و غلق الباب بالمفتاح وانا بقيت نبكييي على حالتي هاذي
فؤاد______________________________
من لي وصلني ميساج و انا نخمم شكون هذا لي بعتو بصح ماشي وقتو رحت للعنوان لي بعتوهولي و كي وصلت و سقسيت قالولي بلي هذا وليد الكلب رآه مسافر 3 ايام و يرجع
انا : انيس واش يصبرني مانقدرش راني خايف عليها لوكان بعيد الشر كاشما يصرالها نموووووت مانتخيلش حياتي بلا بيها كي كنت حاسب خدعتني كنت صابر على خاطر كنت عارف بلي راهي مليحة
انيس : ماتقلقش روحك خو نصيبوها ان شاء الله اصبر هذا هو الحل لي بقالنا
كل يوم كان يجوز كان قلبي يتقطع عييت بزاف من التخمام و خالتي سامية كانت كل يوم حالتها تزيد خفنا بزاف عليها حتى فايزة اخت نجمة كانت جسم بلا روح من جيهة يماها و من جيهة ختها اما انا كنت مازالني نحس بالوجع في كامل جسمي حتى واحد فينا ماكان مليح كي بقا نهار على رجوع ريان عيطولي لابوليس يديرو معايا تحقيق على لاكسيدون
البوليسي : مازالنا نحققو فالحادث و نسبة 70٪ حادث مقصود
انا : بصح انا ماراني شاك فحتى واحد و ما عندي حتى عدو كفاش يكون مقصود
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
