نجمة________________________________
كي قالي فؤاد هكذاك حسيت الارض تزعزعت بيا
انا : كفففففاااااش واش راك تقول واش بيها ماما
كي سقسيتو فؤاد بقا ساكت ماجاوبنيش
انا : جاوبني واش بيها ماما
انيس : نجمة يماك راهي في ساعاتها الأخيرة
نضت نبكي كي قالي انيس بخبر ماما امبعد جيت خارجة من الدار وقفلي سي محمود في وجهي
سي محمود : واش قتلك ماتفهميش
فؤاد : بعد عليها ماسمعتش يماها.راهي فالممات و مازالك تتفرعن
سي محمود : مايهمنيش انا هضرت مانعاودش
كي قال سي محمود هكذاك راح فؤاد يضارب معاه و كان سلاح مازال في يديهم حسيت قلبي راح يطيح لوكان غلطة صغيرة تصرا مصيبة حكمو فؤاد من يديه و قال
فؤاد : انيس شد نجمة و اديها ليماها
انيس : فؤااد و انت
فؤاد : علاه راك تعطل قتلك روح
انا : فؤاد مانقدرش نروح بلا بيك لازم تكون معايا
فؤاد : روحي نجمة و نوعدك بلي نلحق بيك
دخل ريان و شاف هاذيك الحالة لي رانا فيها و كان وجهو مبدل و كي شافو سي محمود قدامو تخلع
ريان : باااااابااااا ارمي السلاح من يديك و خليهم يروحوا
سي محمود : ريان وليدي استنا نفهمك هما هجمو عليا
ريان : باااااابااااا لوقتاش تبقى تكذب عرفت كلش عرفت بلي راك متزوج بيها و خاطفها من فوق
شاف ريان فينا و قاللنا
ريان : اخرجو في ثلاثة انا ندبر راسي معاه
فؤاد : لحكاية ماتحبسش هنا راني نوليلك
طلق فؤاد سي محمود و اخيرا قدرنا نخرجو من الدار ركبنا فالطوموبيل و قلعنا عقلي كان غير مع ماما حسيت النار شاعلة فيا و واش قالي فؤاد
انا : فؤاد ماما ماتخلينيش ياك نهبل لوكان تروح عليا
فؤاد بقا ساكت امبعد قالي : ماتقلقيش روحك نجمة دوك نلحقو و تشوفك
لحقنا للسبيطار رحت نجري لاشومبغ تع ماما دخلت لقيت les médecins كامل دايرين بيها حكمتني الخلعة و فايزة غير شافتني ناضت تجري ليا عنقتني
فايزة : اختي لعزيزة جيتي ماما ماراهيش مليحة كامل
انا: واش كاين علاش رآهم دايريين بيها
راحت فايزة لماما و قاتلها
فايزة : ماما راهي جات نجمة
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
