اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
************************************ جازو شهرين على زواجي من سي محمود شهرين حسيتهم سنين و سنين يضل حابسني فالدار وماخلانيش نكمل قرايتي لي تعبت حياتي كاملة عليها و حلمت يجي يوم نولي فيه طبيبة كبيرة وليت نخاف يجي ليل علاخاطر مع كل ليلة يجيه هبالو و يحب يدنا ليا و كي مانخليهش يشبعني ضرب لحمي ولا كامل زرق من هذاك العصا لي راني ناخذو حياتي مابقا فيها حتى معنى حتى وليت ساعات نتمنى الموت و نرتاح من المعيشة هاذي
وانا نخمل فالخزانة طاحو واحد الاوراق من تحت حوايج سي محمود رفدت نشوف تع واش
لقيت معاهم تصاور تع ولد و طفلة و شهادات ميلاد فهمت بلي ولادو لي داتهم يماهم باين بلي رآه متوحشهم زدت قلبت و المفاجأة صبت واحد الاوراق قدم يبينوا بلي هو تاني كان عندو علاقات مع جماعة إرهابية كي كان يخدم فالوزارة ؛ الكلب طاح في يدي كان طايحلي بريئ و جامي خان البلاد بديت نخدم راسي كفاش نقدر نهددو بهاذي الحكاية على الأقل يخليني نكمل قرايتي علابالي كون نقولو طلقني ولا نبيع يجبدلي ماما
ديت هاذوك الاوراق و حليت باب الدار لقيت دراري يلعبو برا عيطت لواحد منهم
يا ولد ارواح تعيش
انعم طاطا
نمدلك تروح ديرلي فوطو كوبي و لوكان ماتبطاش نعطيك مصيرفة تشري بيها حلوة ليك و لصحابك
ايه طاطا اعطيني
مديتلو الاوراق كي دارلي فوطو كوبي رجعت الأصليين لبلاصتهم أما الفوطو كوبي عيطت لختي فايزة جي تديهم بعد ماحلفتلي بلي ماتقراهمش وصيتها تخبيهم وين مايصيبهمش الجن الاحمر
فاليل كي جا للدار و كي لعادة جاني بحالتو بصح هاذي المرة ماكنتش خايفة علاخاطر طاح في يدي
سي محمود : توحشتك مرتي لعزيزة
انا: غير ماتخممش تقرب مني
سي محمود : ههه راكي تهددي فيا ياك حذرتك بلي كي تيبسي راسك معايا راح يخلصو ناس عزاز عليك
انا: ماعدتش خايفة منك حتى انا راك طحت في يدي ماتلحقنيش وين نخلي سرك القديم يسمعو بيه كامل الناس
سي محمود : واش من سر راكي تهدري عليه
انا: اتهمت ماما بلي هي خربتلك حياتك بصح نسيت روحك انت تاني بلي كان عندك علاقات مع خاينين البلاد
غير قتلو هكذاك شعل و شدني من شعري
سي محمود : واش راكي تقولي يالكلبة وين رآهم الاوراق
راح يجري للخزانة يحوس عليهم كي لمهبول و كي صابهم نطقت انا
اممم هاذوك صبتهم بصح انا مانيش حابسة نشوفهم و نرجعهم في بلاصتهم كاين خاوتهم رآهم مخبيين
هجم عليا كي لمهبول يضرب فيا
سي محمود: وين رآهم انطقي ولا موتك على يدي
انا: اقتلني بصح دير في بالك الا كاش ماصرالي الاوراق هاذوك يوصلو وين لازم يكونو
طبعني و بقا يكسر واش يشوف قدامو و انا كنت كل مانشوفو هكذاك جي على قلبي
سي محمود : الا راكي راح تطلبي الطلاق انساي علاخاطر نباصي انا و يماك تاني تخلص
انا: تخليني نولي نقرا
سي محمود : هههه تولي تقراي ولا تروحي تشوفي الكلب تاعك
انا : هذا هو شرطي باش نبقا ساكتة
سي محمود : اوكي كما تحبي نخليك بصح ديري في بالك نعسك و كاين لي يجبلي خبرك الا قربتي منو تخلصي انت وهو
انا: تاني ماتزيدش تقرب مني سي نو مانتفهموش
سي محمود : هاذي مانضمنلكش هههه مانقدرش نشوف زين كما تاعك و نحكم روحي
خليتو و دخلت للبيت فرحانة لأول مرة من لي جيت لهاذي الدار و اخيرا راح نولي نقرا و نقدر نشوف فؤاد غير من بعيد بالاك نقدر نحي 0,5 من الوحش تاعو
***************************
فؤاد قدرت ننسى شوية في هاذو الشهرين صبرت روحي غير بالخدمة ...
دخلت للبيرو تاعي باش نبدا خدمتي لقيت سامي السامط يستنا فيا مسكين هو كما انا قرصنا حنش واحد هو سلك و انا لي مشى فيا السم تاعو
سامي : صباح الخير دكتور
انا : صباح الخير
سامي : دكتور ماتلاقيت بحتى واحد و انت داخل
انا: لالا حتى واحد شكون حوس عليا
شفت سامي حبط راسو و سكت شوية امبعد قالي
سامي : جات نجمة لي كانت تقرا معايا واقيل ديسيدات تكمل قرايتها كانت تستنى هنا حتى قلتلها انا بلي تبدل الطبيب لي يقريها دوك برك خرجت شكيت راحت تسقسي المدير حسبتلي تلاقيتها
ماامنتش واش سمعت بعدما واش دارتلي كامل كان عندها الوجه جي تقابلني بيه و جاياا تكمل قرايتها عندي شفت في سامي وقتلو
انا : صحيت عملت مليح
خرج سامي و حسيتو فهمني كي قتلو هكذاك
جاز النهار و كنت مشغول مع الخدمة أما نجمة ماتلاقيتهاش كامل و انا خارج من البيرو شفتها من بعيد جايا كانت وحدها تمشي و غايسة حسيتها تبدلت بزاف وجهها ماولاش منور كما عرفتها شيانت هي ماكان فيها والو زادت كملت عاودت دخلت للبيرو تاعي باش مانتلاقاهاش جازت نص ساعة و كي خرجت من البيرو لقيتها تستنى فيا
