انا نجمة فعمري 22سنة عايشة في مدينة صغيرة مع ماما عندي ختي متزوجة و بابا سمح فينا و خلانا كي كنا صغار المهم نقرى طب متوسطة الزين شعري كحل طويل و بيضا و عينيا كحولا كبار و قصيرة يعايروني بينازة هههههه المهم شخصيتي انطوائية مانحبش نخالط الناس و ماعنديش بزاف صحابات غير وحدة برك تقرى معايا وسمها اسماء .....
اسماء :واش بينازة علاش مارفدتيش عليا لبارح كنت معولة نبشرك بخبر مي دوك بطلت
انا: ايا بركاينا واش من خبر ديجا كنت راقدة ماسمعتوش يالبايرة
اسماء:ههههههه يخي طرشة غير نحي هذه بايرة من نهار الجمعة لجاي يسموني مخطوبة 😄😄
انا: منك صح يا فرحي و سعدي بيك كبرتي و راح تتزوجي و شكون هذا مسود السعد 😁😁
اسماء: يالبڨرة شكون من غير انوسي
انا : مممم ايا مليح الحمدلله لي دار هدا شابة و جا يخطب مبروك عليك غزالتي
اسماء: يسلمك بينازتي لعقوبة ليك ...
فرحت لاسماء من قلبي و من جيهة خرا داقتلي علاخطرش راح تتزوج وتروح للخارج انيس راجلها عايش فالغربة و شحال و هي معاه و ليوم هداه ربي و قرر يديها
المهم جازو ليامات و لحقت الخطبة تع اسماء و عرضتني باش نوقف معاها و نعاونها psq ماعندهاش خواتتها لي يوقفو معاها
اسماء: اسمعي راني شابة ايااه شعري راهو طالع اجري هبطيه الحلوة راهي واجدة ياك
انا: اوووه واش بيك مقلقة راكي كي لبوبية تهبلي ماشاء الله و حاجة واحدوخرا ماتهمكش
اسماء: صحيتي ختي ربي حرمني من نعمة الاخت و عوضني بيك 😢😢 ربي يخلينا لبعضانا حبي و نخلفهالك فعرسك...
انا : امين زينة و خلينا نجوزو عرسك و اومبعد ساهل...
المهم جازت الخطبة و راحو الضياف و حبيبتي كانت طايرة بالفرحة ربي يكمللها 😘😘
انا: ايا انا راح عليا الحال لازم نولي لدار هذاك هو
ام اسماء : يا بنتي باتي عندنا الليلة و غدوة روحي
اسماء: اييه حبي تعيشي باتي معايا
انا: سمحولي مانقدرش ماقلتش لدارنا
اسماء :اوكي كما حبيتي المهم يعطيك الصحة على وقفتك والله ماننساها.....
خرجت انا و كنت لابسة روبة زرقا قصيرة و طالقا شعري و قررت نروح لدار ابيي بيناتنا حبيت نتزعبل شويا ههههههه
جيت قاطعة الطريق و جي طوموبيل تجري و تصوني طيييييييط........
*************
واش رايكم يالبنات في البارتي هذا نكمل ولا لالا
أنت تقرأ
je t'aime à la folie
Roman d'amourقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
