فؤاد : نجمة واش هاذي الهضرة بيبي علابالي مازالكي زعفانة و راكي تخلطي فالهضرة برك
شديتو من يديه و شفت في عينيه و بسيف حكمت روحي باش مانبكيش قدامو قلتلوا :
راهو جا نهار فؤاد
فؤاد : واش من نهار ما فهمتش
تقربت ليه و بستو من فمو كي بعدت عليه شفت في عينيه كلش الحيرة الفرحة مافهم فيها والو ...
انا: كما شفت راك ربحتني بصح خسارة ماكنتش حابتها تكون هكذا راني في عقلي و واش قلتلك موقبيل كلش صح انا و انت خلاصت حكايتنا و مادابيك ماتزيدش تحوس عليا حتى و لوكان تشوفني جزت قدامك دير كلي ماكان والو بيناتنا خممت مع روحي بزاف و عرفت بلي جامي حبيتك كنت كاذبة على روحي
فؤاد بقا يشوف فيا و ساكت هذيك النظرة عمري ماننساها واش درت لحبيبي 😭😭😭
فؤاد : عمرك ماحبيتيني شوفي في عينييا و قوليها عاوديهالي خليني نسمعها مليح
انا: راني قتلك واش كاين و ماحبيتش نزيد نكذب على روحي و لا عليك قلتهالو بصح ماقدرتش نشوف في عينيه علابالي كون نشوف فيهم نتحطم قدامو و نشد فيه و نقولو انت هو روحي اديني منا خبيني عندك سلكني من واش راح يصرا فيا من بعدك
حبط راسو ليا باش يتقابلو وجوهنا و قالي منا و لفوق و نسمع بيك تموتي عمري ماراح نسمحلك على واش درتي فيا صدقيني تتحرقي قدامي و ماتغيضينيش ....
قالي هاذوك الكلمات و راح خلاني واقفة مخلوعة من واش سمعت حسيت الدنيا دارت بيا الارض تزلزلت من تحتي يا ربي خلاص كلش راح فؤاد راح الراجل الوحيد لي حبيتو في حياتي و مانظنش راح نزيد نحب من بعدو
طلعت للدار و انا نكركر في روحي و الدموع يحبطو من عيني ويدان شافتني ماما في هديك الحالة قاتلي نجمة بنتي واش بيك صفرا
انا: مانيش بنتك ماراني بنت حتى واحد حرقتوني حطمتولي حياتي على جالكم جرحت قلب الراجل لي نحبو خلاص راح فؤاد راح لي كنت نحلم ندير معاه الدار راح لي كان يقولي نجيبو بزاف دراري راااااح فؤاد كفاش راااااح نقدر نعيش بلا بيه كفاااااش من موراها ماعلاباليش واش صرا علاخاطر طحت تغاشيت ....
**********************************
فؤاد
خليتها واقفة بعد ماقلتلها هكذاك وبعدت حرت كفاش قدرت نحرك رجليا مور واش قاتلي حسيت في قلبي النار شعلت مافهمتش منين خرجو هاذوك الكلمات كفاش قدرت نقولهم لها اه لوكان نسمع بحاجة ماشي مليحة صراتلها بعيد الشر نهبل ايه نهبل مالڨري واش دارتلي قلتهم غير باش نحرقلها قلبها كما حرقتلي قلبي بقيت نصبر في روحي قلت علابالي تحبني علاش باستني و عقلي بدا يلقا الف سبة و سبة بلا ماحسيت حبطو دموع من عيني اه ياربي انا فؤاد قوجا راجل راني نبكي نشفا اخر مرة بكيت فيها كي توفاو والديا اه يا نجمة عمري ماراح نسمحلك .......
************************★**********
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
