لحق انيس للدار دخلتو قعدنا فالصالون و ريحت ماني معانا بقينا ساكتين un bon moment حتى نطقت ماني
ماني : دخل بيناتكم الشيطان ياولادي كنتو كي لخاوة هذا مايحب على خوه و دوك تخاسرتو على جال وحدة خبيثة نوكل عليها ربي
كي قالت ماني هكذاك انيس بقا ساكت مانطق حتى كلمة ما دافع على مرتو ما ناض يداوس معايا بقا هكذاك يخمم حتى طرطق بالبكا
انا : انيس واشبيك خو
انيس : مازالك تقولي خويا و انا لي ظلمتك انا دخلتك للحبس انا شبعتك ضرب على جال وحدة كذابة و شيطانة دارتها بيناتنا سمحلييي فؤاد سمحلي
ناضت ماني و هي تبكي و خلاتنا وحدنا
انيس : كفاش تعماو عينييا و نسيت بلي انت لي بكيت قدامي على المرأة لي تحبها نسيت بلي مازالك تتعذب على جالها نسيت بلي كنت راح تكسر راجلها لي رفد يدو عليها
انا: خلاص انيس ماصرا والو
انيس : لالا صرا و نوعدك بلي المرا هاذي تخلصها غالية نطلب منك برك السماح علابالي جيك صعيبة بصح تعميت دير روحك فبلاصتي
انا: مكاش على واش نسمحلك زيد قتلك مانزعفش منك انيس علاخاطر اي واحد يطيح فموقف هذاك يدير كما انت ولا اكثر انا واحد لوكان صراتلي بالاك نقتل ڨاع بصح كفاش حتى استعرفت
انيس : مور الشرع كي ولينا لدار كانت بزاف خايفة انا كنت حاسبو الخوف تع واش صرالها كنت نهضر معاها كانت غايسة كي بقيت وحدي نخمم فالشرع و الشك بدا يخدم فيا سمعت الباب يطبطب لقيتو وليد الجارة خالتي بايا قالي ارواح معايا للدار عندي هضرة معاك كي رحت حكالي بلي يماه شافتك كي وصلتها و مادخلتش و شهرة عيطتلها وصاتها تعسكم ويماه خافت تشهد و ماحكاتلوش حتى اليوم حبس مخي هاذيك دقيقة تلفتلي كامل تخلطتلي خرجت من عندهم كي لمهبول بصح شديت روحي رحت ليها قتلها في ميزك واشنو هو الدليل و شكون الشاهد هذا شفتها وجهها تبدل قاتلي كذابين حبو يسلكوه برك من زعاف رحت شديتها من شعرها و ضربتها بلا ما نجيب خبر حتى طرطقت بالبكا و ستعرفت بكلش كانت حاطة عينها فيك دارت هكذاك دايرة في بالها كي نعرف بلي اتعديت عليها نكون رخيس كما بعض الرجال نطلقها و نلومها هي هكذاك تقدر دور بيك ماكانتش نستنى بلي نوقف معاها و توصل للشرع و تتخلط كرهت روحي يا فؤاد كنت حاسبها تحبني كانت تجري مورايا باش نتزوجها و شوف واش دارتلي طيحتلي قدري قدام الناس كامل مابقاليش عقل يا خو خلاص جات الضربة واعرة بزاااف
انا: راني حاس بواش راك تحس انيس راني فاهمك مليح
انيس: لالا حكاية نجمة ماتبانش قدام هاذي المصيبة نجمة صارحاتك من اللول ماخلاتكش كي طنه طيحتلكش قدرك ما دارتش بينك و بين ناس عزاز...
غاضني بزاف انيس كي بقا يبكي هكذاك فكرني فروحي حسيت بالحرقة تاعو واعر بزااف عذاب الحب
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
