******************
فؤاد
جات طبطب المصيبة لي طاحت عليا و في وجهها كانت باينة بلي راهي خايفة مني ههههههه لهذه الدرجة نخوفها
انا: واش يالالة شبعتي رقاد هذا وين جيني
نجمة :اسمحلي مافطنتش لبارح سهرت وو
انا: مانحوسش نفهم حكاياتك خليهم عندك ايا روحي جيبي زميلك لي نتي و هو واحد و ارواحي
خزرت فيا خزرة تخلع ههههههه و يا ڨلبي كي تتقلق 😍😍😍
جاز النهار كانوا قاعدين في المكتب تاعي قلتلهم بلي تقدرو تروحو علاخطرش خلاصت الخدمة
حتى نسمع في سي سامي يقوللها ايا الزينة تاعي اليوم انا نوصلك
كي سمعتو قاللها هكذاك صدقوني حسيت النار شعلت في قلبي حبيت نكسروا هذيك الدقيقة كفاش يقولها هكذا قدامي حتى ....
---------------------------
نجمة :
قالي سامي ايا الزينة تاعي نوصلك
قلقني من الدصارة السامطة تاعو و كفاش يقولي هكذا قدامو سور يكون كشما دار في بالو
قلت لسامي لالا صحة ماتعييش روحك
بصح الرهج يبقى رهج و زاد انسيستا
حتى نطق فؤاد قالنا تقدرو تتفاهمو برا
انا زعفت من هذيك الهدرة لي قالها و انا ماحبيتش نروح مع سامي غير على جالو ايا نضت و خرجت من البيرو و خبطت الباب وصلني سامي لدارنا و انا طريق كاملة ناكل في روحي على جاست لي دارو
بفففف واش راهو حاسب روحو دوك يشوف منا و الفوق الا زدت قيمتوا
وصلت للدار و ماما كيف كيف حالتها هي هي مازال مابراتش
انا :ماما غدوة ارواحي عندي لسبيطار نشوفلك طبيب نشوفو واش بيك
ماما :انشاء الله يا بنتي
من غدوة هذاك نضت الصباح و رحت بكري وصلت قبل سامي و فؤاد و بقيت نسنا قدام البيرو تاعو و هذه المرة هو طول باش جا
كي وصل الميسيو ضحك معايا قالي صباح الخير واش بكرتي اليوم مي انا رجعتلوا صباح الخير تاعو و دورت وجهي ماقيمتوش ڨاع كما بروميت لروحي
كنا قاعدين قالي واش سامي طول اليوم واش بيه ؟؟؟
قتلو ماعلاباليش ماكنتش بايتة معاه
حسيتو زعف من هدرتي معاه بهذيك الطريقة ناض و جا قعد قدامي قالي واش يالالة غير الخير جاك عليا اليوم واقيلة
انا خزرت فيه و مارجعتلوش و دورت وجهي زاد دنا ليا قالي بالتشناف اييي كي نكون نهضر معاك شوفي فيا اوكي نكره لي تيبس راسها معايا
انا شفت فيه باش نقولو واش راك حاسب روحك مي سمعنا الباب يطبطب جبد هو روحو عليا دخلت وحدة الطبيبة صابغة شعرها صفر و ضاربة الحطة و ريحتها من بعيد تصرع رهجتني بها زدمت ديركت في فؤاد و سلمت عليه زادت قاتلوا واش حنوني كون مانحوسش نشوفك ماجيش ڨاع ليا توحشتك بزاف انا لتم يالبنات حسيت بالنار تحرق قلبي و كلي راح يخرج من بلاصتو و حبيت نشنشفها هذيك الساعة داقتلي بزاف مي ماحبيتش نبين قدامهم نطق هو قاللها الله غالب راني مشغول انا لتم قررت نخرج من البيرو باش مانزيدش نوجع قلبي كثر و كثر ....
***********
يالبنات ديرولي كوراج نكمل و لا لالا
فوطييييييو بليز
الى اللقاء في البارتي القادم انشاء الله
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
