نجمة :
نضت اليوم صباح بكري اول حاجة خممت فيها حبيبي فؤاد و ليلة تع لبارح و بقيت نتفكر كي قالي نحبك راني حابة نطير من الفرحة نضت من فراشي و دخلت درت فيها تحميمة و لبست روبة كحلة قصيرة كي لعادة طميت شعري كنت خارجة شفت روحي في لمراية عاودت طلقتو راني حابة يشوفني عمري شابة اليوم
لحقت لسبيطار تلاقيت سامي جا سلم عليا خرج فؤاد من البيرو و شافو حسيتو زعف مني قتلو صباح الخير رجعلي بالتشناف صباح النور
سامي راح و انا دخلت للبيرو قتلو راك مليح شاف فيا بالزعاف قالي شوفي روحك
قتلوا غير الخير واش صرا
قالي سما
سامي تسلمي عليه و انا لي حبيبك جاية تشوفي فيا شغل كنت بايت معاك
ضحكت و مت بالفرحة كي حسيتو غار عليا رحت ليه باش نسلم عليه بصح راكم تعرفوني قصيرة مانلحقلوش قتلو صحة ماعليش تقربلي خدك ماحبش مع لول حتى بديت نحلل فيه بصح الخبيث تاعي مع انا كنت راح نبوسو في خدو دور وجهو بالزربة و باسني في فمي بوسة خفيفة انا تخلعت قتلو واش
درت قالي ياك نتي حبي و نبوسك وقت مانحب حبطت راسي. من الحشمة و قتلو امممم اوكي سمعنا طبطيب و بعدنا على بعضانا جات شهرة السامطة و كي لعادة زدمت في فؤاد و سلمت عليه انا زعفت بزاف كفاش يخليها تسلم عليه بصح تفكرت سامي مالا قلت نبلع فمي خير
جاز و ليامات و بقينا انا و فؤاد كوبل هايل نضاربو و كل مرة بصح حبيبي يراضيني في كل مرة مالڨري مينذاك انا نكون الغالطة لعلاقة تاعنا واحد ماكان سامع بيها خليناها في الستر حبنا كان كل يوم يكبر و كل يوم نزيدو نتقربو من بعضانا بصح كاينة حاجة يالبنات حتى لدوك مازال ماسمعش من عندي كلمة نحبك .....
راني حابة نقولهالو في فرصة تستاهل بصح الحق راني طولت عليه و راني خايفة يحسبني مانحبوش
عرضتني اسماء لدارها كي بقينا نحكو على زواجها على حياتها
بانتلي ماراهيش فرحانة بزاف مع انيس و ماراهوش يلتها بيها دخل انيس و جا معاه فؤاد انا طرت بالفرحة كي شفتو حتى نسمع في اسماء تقولي شحال زل فؤاد خسارة جيت متزوجة سينو راني لصقت فيه انا تشوكيت واش سمعت منها وجهي تبدل صحبتي انتيم تكحلي في حبيبي
سكت مارجعتلهاش كامل خرجو انيس و اسما من الصالون بقينا غير انا و هو رحت نجري عندو بستو من خدو و عنقتو قتلو عمري توحشتك و هذه اول مرة نقولهالو حسيتو جاتو مغربة
قالي واش صرا اليوم يالالة قتلو واش حبيت يصرا توحشت حبي قالي تعيشي عاوديها ماسمعتش مليح قتلو نحبك صراحة من هضرة تع اسما خفت بزاف خفت يروح من يدي منقدرش نتخيل حياتي بلا بيه ولا يمشي في الدم فرح فؤاد بزاف كي قتهالو قالي و انا نعشقك قالي ماتتصوريش شحال و انا نستنا فيك تقوليهالي دنا وجهو ليا باش يبوسني من فمي حتى سمعنا انيس جاي بعدنا على بعضانا بالزربة دخل انيس صابني قاعدة قدامو قال لفؤاد ياك راك تتهلى فيها
نطق حبي و قالو بلا ماتوصي و شاف فيا انا حشمت بزاف و حبطت راسي حتى انيس حسيتو حس بلي كاين حاجة بيناتنا جازت السهرة و روماركيت اسما مانحاتش عينيها من فؤاد انا ماقدرتش نتحمل نضت و قتلهم لازم نروح نطق فؤاد قالهم انا تاني نوصل نجمة ماجاياش تروح وحدها في هذا الليل
خرجنا انا ووهو و انا كنت زعفانا بزاف من اسما و كفاش كانت تشوف فيه الله غالب لبناات اي وحدة فيكم ماتقبلش تشوف كاش مرا تكحل في حبيبها
+++++++++++++++++++++
فؤاد:
ركبنا في الطوموبيل و حسيت عمري زعفانة قتلها بيبي واش بيك
سكتت سكتت اومبعد طرطقت قاتلي دوك انا واش ندير لبنات هذوا ليضلو يشوفو فيك قوول نعميلهم عينهم انا حيرتني الطفلة هذه واش صرالها واش خداها كانت لاباس بيها قتلها يا عمري انا ماعلابالي بحتى وحدة فيهم عندي غير وحدة ساكنة في قلبي و غير هي لي معمرتلي عيني
حسيتها مآمنتنيش سي نورمال علابالها بيا بلي كنت بو نساوي
شديتها ليا و عنقتها قتلها ياو غير نتي لي نعشق فيها و غير نتي لي عندها الحق دير فيا واش تحب
عنقتني بالزور قاتلي فؤاد نحبك مانقدرش نعيش بلا بيك لوكان تروح عليا نموت
زيرت عليها و قتلها بعيد الشر عليك حياتي موحال نبعد عليك مانقدرش نتي هي الاوكسجين لي نتنفسو ......
***************
ترقبوا صداع الراس فالحلقات القادمة مااااتنسااوش فووطيييو
أنت تقرأ
je t'aime à la folie
Любовные романыقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
