انيس : نجمة استناي دقيقة
انا : انعم انيس غير لخير
انيس: علاش كذبتي ...
انا : كذبت !!! مافهمتش قصدك
انيس: لالا فهمتي و فهمتيني مليح
انا: فواش كذبت واش راك تقول
انيس: صح دوك نقولك مادامك تكوفي في روحك علاش كذبتي فحكاية فؤاد ماقلتيش بلي انت لي حبيتي تعاونيه من الاول و رجعتي الطبيبة لي معاك هي دارت كلش غير ما تتهربيش علاخاطر الجارة حكاتلي كلش
حكمتني الفشلة كي عرفت بلي انيس فاق بالحكاية
انا: انيس ماتقوليش برك حكيت لفؤاد
انيس : لالا مازال ماحكيت حبيت نفهم من عندك قبل بصح راني معول نقولو كلش
انا : تعييييش خويا ماتحكيلوش خليها تموت هنا تعيش ياك المهم تهنا من المصيبة هاذيك عندي سبابي لي خلاتني مانقولش افهمني
انيس : اممم مانقدر نوعدك بوالو بصح معليش نسكت دوك مانقولش
انا : تعيش انيس صحيت ماننساهلكش
انيس: مالڨري واش درتي فيه كرهتك كما كرهت صحبتك دوك بصح كي سمعت الحكاية حسيت بلي قلبك و نيتك صافية الكية لي صرات لفؤاد ماتبانش قدام كيتي
غاضني بزاف انيس كي سمعتو يقول هكذاك حسيت بلي رآه محروق و محطم مايبينش برك مور هاذيك التبسيمة لي وجههو كاين نار راهي شاعلة
انا : راك مليح انيس
انيس: راني لاباس ...
راح انيس بعد طمنني و قالي بلي مايحكيش لفؤاد تفكرت اسماء كفاش قدرت تخدع راجل كما هو واش لي وصلها باش تخرب دارها بعدما كانت تجري هي موراه كانت فرحانة يوم سمعت رآه جاي يخطبها لي يشوفها يحسدها عليه خسارة ماقدرتش تحافظ عليه الله يهديها
جازو يمات و انا بين القرايا و الحبس لي راني فيه سي محمود نساني شوية كان لاتي بخدمتو حتى هبالو نحاه بعد ماهددتو هكذا وليت نقدر نغمض عيني بلا مانخاف
فاليل كي حطيت راسي على المخدة بقيت نخمم فالعرس لي راني معروضة ليه شحال راني حابة نروح نحي على خاطري شوية اخر عرس حظرتو كان عرس انيس و اسماء العرس لي كان سبة باش نزيد نتلاقاه اييه يادنيا كفاش جازو اليامات حاجة مابقات كما هي كلش تحطم كلي طاحت علينا لعنة
تفكرت الفكرة تع المهبولة شهرة كي قاتلي ديري لعجار ضحكت تحيرني المخلوقة هاذيك كفاش جيب الأفكار بصح مادرتلهاش حساب و لاول مرة قلت نسقسي سي محمود بالاك يخليني نروح
نضت صباح وجدت روحي لقيت سي محمود يوجد فالكابة تع حوايجو كي شافني قالي :
سي محمود : ليوم روحي لداركم راح نغيب يامات
أنت تقرأ
je t'aime à la folie
Romanceقصة عشق ابطالها نجمة و فؤاد لي يعشقو بعضاههم بصح تخرجلهم مشاكل بزاف و عراقيل زعما رايحيين يحاربو على جال حبهم هذا واش راح نعرفوه في بقية القصة
