خرجت من البيرو و انا ماشي مآمن واش سمعت دوك راني نوم بالاك سمحت فيا باش تتزوج كانت معايا و توجد لعرسها لالا ماشي صح بزااف والله بزاااف كية مور ختها غير هاذي لي مادرتلهاش حساب اواه نجمة حبيبتي ماديرهاش
بلا مانفيق خرجت من سبيطار رحت ديغاكت لدارهم حبيت نشوف بعينيا باش نصدق
حبست طوموبيل شوية بعيد على دارهم وبقيت نستنى و ندعي في قلبي يكون لخبر ماشي صح
حتى نشوف طوموبيل جات مشبحة بالورد جات حبست تحت دارهم هاذيك الدقيقة حسيت بقلبي راح يخرج
موراها سمعت زغاريد تع نسا خارجين من باب الباطيما
حتى شفتها بعينيا خرجت ب لغوب بلونش محبطة راسها ماقدرتش نشوف الا راهي فرحانة ولا لالا
هذا نهار لي كنت كل يوم نحلم بيه نهار يجيبوهالي عروسة
هذا نهار هو اسوء نهار في حياتي خدعت روحي و قلت نسيتها و دوك راني نبكي الدم عليهاااا
بصح هاذو اخر دموع يطيحو على جالك يانجمة ...
***********************************
نجمة
وصل الكورتاج و جاو باش يخرجوني وانا قلبي تزير و بدات الدموع تسيل كامل حسبوها دموع فراق دارنا غير ماما و ختي عرفو بلي الدموع هذو غير على جالو هو الوحيد
نهار لي نوغمالمون نفرح فيه ونكون اسعد وحدة راني نبكي فيه كي لمهبولة
ركبت الطوموبيل و انا خايفة من لي رآه يستنا فيا و عقلي غير مع فؤاد
زعما يكون سمع بزواجي
لحقت لدار سي محمود دخلوني ماما و ختي و سلمو عليا و قالولي ماتخافيش رانا معاك و كشما يصرالك عيطيلنا موراها راحو و خلاوني بين أربعة حيوط
قلبي بدا يتزير ياربي كون معايا راني خايفة منو مانقدرش نتخيل واحد شيخ كما هذاك يحط يدو عليا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حتى سمعت لباب تفتح و دخل سي محمود موراها بهاذيك الضحكة الصفرا و جا قعد قدامي قريب مني بقيت نبعد عليه و كل مانبعد يقرب مني هاذيك دقيقة حسيت بجسمي كامل يرعش من الخوف بقيت محبطة راسي ماحبيتش نشوف فيه حتى حسيت بيدو حاكمة وجهي امبعد طلعهولي و قالي واشبيه الزين تاعي حشمان ڨاع هكذا مني الحشمة نحيها دوك راني وليت راجلك
نضت نجري من قدامو و بقيت نشوف فيه كفاش قدر يقول لوحدة قد بنتو بلي راجلي وقف و حكمني من يدي و جبدني للبيت وقد ما حاولت نبعدو ماقدرتلوش رماني فوق البونك و حكملي يديا لزوج باش نهربش حتى بديت نبكي و نعيط و نحلل فيه باش مايدناش ليا بصح كلي ماكنتش نهدر باسني من فمي بالزور حسيت قلبي خرج و موراها بديت نتقيا ماحبستش كي شافني هكذاك نوضني و ضربني بسقلة...
سي محمود : ماتخميش ماراحش تسلكي مني ماشي اليوم غدوة تحبي ولا تكرهي
خرج و خبط الباب وانا تكمشت فوق هذاك السرير نبكي على زهري كارهة روحي عايفتها سوغتو كي قدر يبوسني كنت كل مانتفكر نتقيا
وانا مكسلة بهاذيك الروبة البيضا تفكرت اول بوسة مدهالي فؤاد و شحال كنت فرحانة بيها
اه لوكان كنت معايا هذا الوقت لوكان كنت انت هو عريسي في ليلة هاذي لي كامل حاسبينها ليلة العمر تاعي وهي العكس هي اسوء ليلة عندي ...
***********************
مادام سامية ...
وليت لدار كي هذاك الطير لمكسر بسبتي بنتي راهي مرت راجل قد باباها
وانا قاعدة فالدار سمعت الباب يطبطب نضت نحل لقيت فؤاد متكي على الباب حالتو حالة ...
