تفاجأت منة بتلك الفتاة. التى تمسح الارض بأرهاق شديد واقتربت منها ببطئ وهتفت بصياح: انتى مين يا بت انتى
سلمى بفزع: بسم الله الرحمن الرحيم فجعتينى
منة وهى تلوى فمها بأمتعاض: فجعتك ليه شيفانى عفريت اودامك !!!
سلمى: لا طبعا يا ست هانم اصلك جيتى فجأة وانا مكنتش اخده بالى منك
منة بتأفف: بس بقى بطلى رغى بردو انتى مقولتليش يعنى انتى مين؟!!
سلمى: انا الخدامة الجديدة الى مدام فريدة كانت طلباها
منة: ااه... طيب ماشى قومى بقى اعمليلى كوباية نسكافية لأحسن انا مش فايقة خالص
سلمى: بس انا مش فاضية دلوقتى انا بعمل الحجات الى فريدة هانم قالتلى عليها الاول
منة: فريدة هانم نسيت تقلك انى انا بنتها واول ما اطلب حاجة تعمليها علطول ولا ايه
سلمى: حاضر ثوانى بس اخلص الحتة ديه واقوم اعملك الى انتى عايزاه
منة بتأفف: طيب يختى انا مش عارفة ايه الاشكال الى بتجبها مامى ديه!!
فى احد المناطق الراقية بأمريكا
كان مصطفى الكيلانى يجلس مع زوجته صافى فى احد الكافيهات
صافى : مقولتليش يعنى يا مصطفى مراتك فريدة عملت ايه لما عرفت بموضوعنا
مصطفى بأرتباك: والله يا صافى لسة مقولتلهاش
صافى بعصبية : ليه بقى ان شاء الله خايف منها ولا ايه وبعدين انا بقالى شهر بتحايل عليك ننزل مصر وانت مش راضى
مصطفى ببرود: هدى اعصابك يا صافى انا مش خايف منها ولا حاجة بس المواضيع بتتاخد براحة مش قفش كده وانا قلتلك هخلص أهر صفقة وننزل مصر قريب
صافى وهى تهز رأسها بعصبية: اوووف لما نشوف اخرتها معاك ايه يا مصطفى!!
فى شركة الكيلانى
انهى يوسف الأجتماع وكان فى غاية الأرهاق
كريم: ايه يا ابنى مالك فلسعت ليه كده؟!!
يوسف: معرفش والله يا كريم حاسس ان الضغط جامد اوى لازم بابا يمسك الشركة معايا شويا لأحسن كده الدنيا هتبوظ
كريم: شوف كده امورك واتصل بيه وبعدين بص يا جدع الزفت الوفد طالب فى الثفقة ديه طلبيات ب٦ مليون جنية ليه ان شاء الله مش فاهم
يوسف: بس ثفقة كويسة متنساش كده هو اه المبلغ كبير بس هيعمل شغل كويس اوى
كريم : ربك يسهل الا صحيح يا جوو مش هنسهر النهاردة ولا ايه!!
يوسف: هههههه فكرتنى والله بقالنا اسبوعين ولا حاجة مسهرناش حضرلنا كده مكان حلو واتصل بيا وانا اجيلك
كريم: اشطا
فى النادى
فريدة : الا قوليلى يا شاهى لقيتى البت الى اسمها سلمى ديه ازاى!
شاهى: كانت شغالة فى محل ولقيتها بت محترمة فا عرضت عليها ووافقت
فريدة : اه طيب
شاهى: بقلك ايه يا فريدة سارة كانت عايزة تقابل يوسف بتقول ان بقالهم مده مشافوش بعض
فريدة: اه اكيد يا شاهى بس انتى عارفة ان يوسف مش قاعد معانا فى الفيلا احنا ممكن نعمل بارتى كبير الأسبوع الجاى ولا حاجة عشان الجمعية
الخيرية الى احنا عملناها وبالمرة سارة تكلم يوسف وتعزمة
شاهى: فكرة حلوة اوى يا فيرو انا هظبط البارتى عندى فى بيتى وابقى اقلك على التجهيزات
فريدة: تمام يا شاهى
فى منزل سلمى: عادت سلمى الى البيت بعد يوم مرهق جدا من العمل وتذكرت ان فريدة هانم أخبرتها انها ستمكث فى البيت ولا يحق لها ان تذهب لبيتها كل يوم لأن بهذا الوضع ستتأخر عن العمل وبعد مجادلات كثيرة وافقت سلمى على مضض
