بعد انتهاء اكثر من نصف الحفلة وصل يوسف وكريم الى الفيلا ودخلوا وهم غير مستوعبين هذا الكم الهائل من الناس
يوسف: يااه كل ديه ناس ديه لو حفلة خيرية مش هتبقى بالمنظر ده!!
كريم بخبث: سيبك انت من الهبل الى بتقوله ده شايف كمية المزز الموجودة هنا عاملة ازاى يهبلو يا جو
يوسف : شايفهم يا عم
كريم بلهفة: طب يلا بسرعة قبل ما يطيروا من ادينا
يوسف بثقة: اتهد يا بنى رايح فين دول هم الى هيجوا راكعين تحت رجلى دلوقتى دا انا يوسف الكيلانى يا كيمو
كريم بأبتسامة: انت هتقولى يا جو
فى صباح اليوم التالى فى منزل سلمى
سلمى بصياح : بقلك يا كريمة انا هروح الشغل الجديد النهاردة
كريمة : والله يا حببتى كان على عينى انك تشتغلى كده بس اعمل ايه ما باليد حيلة .وامسكت رأسها وهى تقول: اه يا راسى اه
سلمى بفزع: مالك يا ماما ايه الى حصل
كريمة : راسى وجعتنى فجأة يا سلمى م عارفة ايه الى حصل!!
سلمى وبدت عينها تدمع: سلمتك يا ماما يا حول الله ايه الى حصلنا بس
كريمة : اه يا سلمى
سلمى بفزع:مالك بس يا ماما اجبلك دكتور طيب!!
كريمة بأعياء : متئلقيش يا حببتى انا حبقى كويسة روحى شوفى انتى شغلك عشان متتأخريش
سلمى: بس يا ماما مينفعش اسيبك كده انتى شكلك تعبان خالص
كريمة: يا حببتى انا هبقى كويسة والله هدخل انام علطول اهو متخافيش
سلمى : طيب يا ماما خدى بالك من نفسك بالله عليكى
كريمة بحب : حاضر يا حببتى والله
فى فيلا الكيلانى
وصلت سلمى الى العنوان التى اعطته لها مدام شاهى فى الهاتف
سلمى فى سرها: يارب يكون العنوان صح ومكنش اتلغبطت فى العنوان ولا حاجة
قرعت سلمى جرس الفيلا وانتظرت
الى ان فتحت لها احدى الخادمات وهى تقول: ايوا حضرتك عايزة مين؟!!
سلمى بتوتر: انا كنت جاية هنا عشان مدام شاهى كلمتنى وقالتلى ان صاحبة البيت عايزة خدامة
الخادمة: ايوا ايوا تعالى ادخلى ديه مدام شاهى منتظراكى فى الصالون هى ومدام فريدة
سلمى : طيب شكرا
دخلت سلمى الى الفيلا وهى تنظر حولها بأندهاش وهى تتمتم: ما شاء الله ايه العز ده كله هو انا هخدم فى البيت الحلو ده واما الى كنت قلقانة انى هشتغل خدامة طب الحمد لله انها جت على اد كده
شاهى بأبتسامة: اتفضلى يا سلمى انا ومدام فريدة منتظرينك من بدرى
سلمى: معلش والله يا مدام شاهى المواصلات كانت...
وقعت عين سلمى على تلك الأمرأة التى بجانب مدام شاهى وقالت وهى تفغر فمهما : هى ديه مدام فريدة
شاهى بأبتسامة : اه يا حببتى ديه مدام فريدة الى انا كنت مكلماكى عليها
سلمى وهى تتمتم فى ضيق: هى ديه مدام فريدة الى عجوزة وتعبانة دانا شكلى عجوز اكتر منها اووف
فريدة بأبتسامة مجاملة: ازيك يا حببتى عاملة ايه؟!
سلمى بأرتباك : الحمد لله كويسة
شاهى : موصكيش بقى يا فريدة ديه بنت كويسة جدا جدا وهتعجبك اوى
فريدة وهى تلوى فمها: اه طبعا ما هى باين عليها
شاهى: طيب انا لازم امشى دلوقتى سلام يا فيرو
فريدة: سلام يا شاهى
