#لأني_أحببت
#نادية والحب
الحلقة الأولى / 1/
...
القسم الأول من رواية حب 💘
قصة الحب هذه في الوقت الغير مناسب للشخص الغير مناسب في زمن ما ..
عذاب وفراق وندم ...
لقاء بعد المعاناة والنسيان ...
طوفان وخذلان وعذاب
... «المقدمه» ...
احداث القصة منقولة باللغه العربية بلهجة عراقية شعبية عامية
رتبتها لمتابعيني ومحبين قصصي بنفس اسلوبي السابق بالكتابة
بقصه #الحب_المستحيل وقصه #الضياع ..
وهي الرواية الثالثة على التوالي
تمت الكتابة في شهر يوليو عام ٢٠١٧
...
حتكون الأحداث بشكل مميز ومشوق ودقيق باللهجة العامية والبعض منها باللغة الفصحى .....
اتمنى للجميع المتابعة الشيقة والممتعة
#كاتبه_ملكه_العاشقه ✍️
💘💘💘💘💘💘💘💘
("ناديه" )
بطلتنا اللي نحكي عنها بلسانها مع الإضافات الدقيقة والتصوير المشوق للأحداث على لسانها ولسان الأبطال في الرواية
مثل ماعودتكم بكتاباتي السابقه +18 وأكرر طلبي من القراء والمتابعين التعاون معي وعدم الانفعال أو النقد الجارح وياريت تكون القراءة بتمعن وتتركون بصمه بسيطه من أناملكم الكريمة
تفاعلكم يسعدني ☺️ ..
👇✍️...
متابعه ممتعه مع قصه ناديه
للكتابه #كاتبه_ملكه_العاشقه 😉
مع قلمي عاشق التشويق والخيال 🥰
....
أني أسمي ناديه سلام الـ ...
بدت قصتي من عمر الـ ٨ سنوات ..
كنت في الصف الثالث الابتدائي
انتقلنا للسكن أني وأخويه (نور الدين) وأختنا الصغيرة (شيرين) اللي عمرها 6 شهور مع والدنه (سلام) لمدينه بجنوب السليمانيه بشمال العراق
كننا نسكن بديالى بعد وفاة ماما من ولدت اختي شيرين تمرضت بقت بالمستشفى وتوفت بعد شهور من ولادتها ..
كانت صدمه قاسيه ومؤلمه النه كلنه رغم ماعمري صغير بس كنت احبها لماما وفراقها جدا مؤلم
وصارت اختي الصغيرة من مسؤؤليتي
... بابا كان يشتري حليب وحفاظات وعلب الممّه (قنينه الحليب ) ويعلمني ويساعدني بالبداية جان الموضوع صعب بس بعدها تعودت على كلشي اسوي وحدي ..
نور اخويه اكبر مني ب ٨ سنوات وطلع قبوله كليه طيران بجامعه السليمانية
لهذا بابا انتقل للعمل بدائرة حكوميه هناك حتى نبقى كلنه يمه وقريبين عليّه
نقلنه سكننه للسليمانيه
كنت صغيرة على المسؤولية لكن حملتها لوحدي وجبرت نفسي اصير قويه وكلشي اسوي بنفسي بدون مساعدة من أحد
كنت حتى مااعرف اشغّل طباخ بس بابا ونور علموني شويه شويه اطبخ واسوي جاي وانظف حتى الملابس كننا نغسلها سوة بس التزامات بابا ونور اضطريت وحدي اكمل شغل البيت واعتني بشيرين الصغيرة ..
تركت دراستي علما نستقر هنا وكنت اطبخ واهتم باختي الصغيرة بنفس الوقت واتعاون ويه بابا بنومتهه وغسلها بالحمام
ماكان يعوفني وحدي حتى نور ويانه بكلشي من البداية
اول يوم كعدنه بي بالبيت كان بيت جديد ونظيف وفارغ بدون أثاث بس اللي جبناه ويانه من بيتنه القديم اللي على أساس بابا باعه واتخلص من ذكرياتنه القديمه الموحشه
ذكريات ماما ...
سنه كامله ضاعت من دراستي لحد ماكبرت شيرين وصار عمرها سنه وشهور بدت تتعلم الكلام والمشي شويه ونور تفوق سنه نجح لمرحلة ثانيه
بابا توصل لـمكان حضانه قريب علينه نخلي بي شيرين علما اروح المدرسه ماقبل اترك الدراسه
وفعلا تابعت هالسنه ومرت الأيام صعبه عليه كلش لأن ما اعرف احد هنا وصديقات ماعندي وجبرت نفسي على التأقلم والتكلم ببعض الكلمات الكردية لان كان ويانه معلمين ومعلمات وطلاب أكراد
نجحت للخامس وكنت اتابع شيرين وهيه تكبر گدام عيوني وتصير جميله وشعرها اسود ناعم وعيونها واسعة مثل عيون الغزال ومعانيها تشبها لماما كثير لذلك كان بابا دائما من يشيلها ويحضنها يتذكرها لماما ويبكي بألم وحسرة ....
نور صار شاب جميل وطويل وكنت اراقبه شكد حلو وسيم وجذاب وانتبهت عدة علاقات ويه بنات أشكال
يطلع وياهم كل فترة وحده شكل ومن يخابر يبقى يهمس ويضحك بصوت حنون ومختلف عن كلامه ويانه ويأشرلي اروح حتى مااسمعه ..
بابا الوحيد المسكين اللي كنت اشوف دموعه وحزنه وآهاته على فراق ماما
شيرين تكبر وماليه البيت علينه بصراخها وضحكها ولعبها واني اشغل نفسي بشغل البيت
ومن اخلص شغل وتنام شيرين
اتابع هواياتي
احب المجلات والرسوم اللي بيها تلوين بمرور الأيام تعلمت اطلعها بالكمبيوتر وانزل برامج وارسم وألون واتسلى ..
مرت سنين ...
صرت بالأول متوسط
نجاحي جان بصعوبة بالدفعات موكلش شاطرة وبطيئة بالدراسة وماعدي واهس
لأن مالحگ ادرس واتفوق
يادوب اسيطر على بعض الواجبات ..
كنت اختلط بالبنات عادي مو كلش واشوفهم يراقبون الشباب ويهتمون بالعلاقات والسوالف مالت الحب والأصحاب
اني ماعندي ميول مثلهم اصلا مايهمني أي شاب
نسيت اكللكم اني ضعيفة كلش وطويله خشنه مو ناعمه ورشيقه
يعني شكلي مقبول
وجسمي مخصر وعيوني وسط وحلكي شويه كبير وشفايفي عريضه وشعري تمري ناعم موكلش طويل وسط ...
صوتي خشن بي بحه شويه من احجي بالمدرسه كانوا يصنفون عليه البنات يكلولي خاف انتي ولد وتكذبين علينه بالمزح ..
مستواي بالدراسه نص ونص
...
كانت مدرسه ثانويه الولد قريبه علينه من نطلع البنات يرحون للمغاسل يرتبون شعرهم وقسم يحطون مكياج ويتمشون بمياعه وببطء حتى يلفتون الانتباه
اني ارجع مرات ويه (ضمياء) جيرانه بمنطقتنه ومرات تعوفني تكول بس اتفرج على الحلوين
نور الدين آخر سنه اله وعلى اساس يتعين بشركه طيران بالمطار
بابا بده يكبر واشوفه يراجع أطباء وللمستشفى يروح ويأخذ أدوية باستمرار
ماكنت اسأله لأن ادري بي راح يلحگ ماما بيوم من الايام ويعوفنه وكنت احضر نفسي لهذا اليوم ..
شيرين صار اربع سنوات عمرها وكنت اوديها بيدي للروضه واوصيّ المعلمه تبقيها يم العامله وبابا كان ينطيهم فلوس من يراجعهم كل شهر حتى يكثرون اهتمام بشيرين
من صرت بالثالث متوسط وشيرين
تسلجت بصف الاول الإبتدائي
كنت اوصلها واروح مدرستي ومرات بابا يوصلها
نور الدين عافنه وبده يداوم بالمطار وكل شهرين ثلاثه يجي كم يوم لو أسبوع
يجيبلنه هدايا وملاعيب لشيرين وفساتين حلوة
ويساعد بابا بمصروف البيت
....
ضمياء صديقتي عدها اخت اسمها (ضيّّ)
جميله وناعمه متخرجة من كليه اداب وممتوضفه كانت متخبله على نور عاجبها ومن يجي بإجازة تجينه للبيت وتجيب أكل مخصوص إله
لو كيك وحلاوة وتكول إني سويتهن بيدي مخصوص لـ نور الدين
ومرات اكشفهم بالحديقه بمنظر مخزي تحضنه هاي المجنونه وتبدي تبوس بي وأكثر من مرة متكررة هالموضوع
لحد ما واجهته وصارحته وطلبت منه يحسن التصرف ويبطل عيب هيج سوالف
هددته افضحه كدامه لبابا
لو بعد لايسوي هيج
نور كان يحبنه اني وشيرين ويخاف علينه لذلك فاتح بابا بموضوع خطوبتها وصارت القسمه وانخطبوا بالبداية كانت ضيّ طيبه وتتعامل ويانه بلطف لحد ماتزوجته لنور طلعت طبعها الحقيقي المكروه
قبل لايتزوج نور بابا تخربط ووگع تمرض مرضه قويه هالمرة ودخل مستشفى وصارت بي جلطه وشلل وطلب من نور يعقد على ضيّ ويتزوجون بسرعه وفعلا جهزنه غرفه نور والتجهيزات وتم الزواج 💞
وكننا فرحانين ونركص ونغني وضمياء بدت تجي تنام ويانه بغرفتنا اني وشيرين ونسهر على افلام
تعودنه عليها لمده اسبوع بعد الزواج توفى بابا وبعد موته تغير كلشي بحياتنا ...💔
...
يتبع ..
#قصه_ناديه ...1
