#لأني_أحببت/13
#قصة_حب
... ناديه@
..
علاقتي بسلطان" صارت مثل علاقه الشهيق والزفير متلازمين وواحد مكمل الخ
أحبه حب ما ينوصف
عشقته وصار سلطان" قلبي
علاقتنا لحد الآن سرية ومحد يعرف بيها
بس بعد اللقاء الأخير بيننا بدت تصير بيننا خلافات وزعل بس نتراضى بسرعه ويبّين علينا الشوق واللهفه من نتلاگه بالسرّ بمواعيد ونتعاتب ونتوج حبنا ببوسات وأحضان وتبادل المشاعر والضحكات الممزوجه بالدموع ...
بنفس اليوم بعد ما رجعت من الغدة ويه سلطان جبت وياي غده لشيرين بكيس
تفاجأت نور وضيّ مارجعوا من الصبح !
خفت صاير شي وياهم
ووصيت شيرين منا ورايح تعتمد على نفسها لأن حـ اطلع هواي واعوفها بالجايات
بعد ما وعدت سلطاني كل يوم نلتقي بنفس المطعم كان قريب على الإعدادية اللي حـ داوم بيها
علمتها شلون تتصرف وحدها ومن ترجع من المدرسه تعوف باب المطبخ مردود حتى ادخل إني منه
للعصر اجه نور وضيّ من دخلوا شفت ضيّ كوة تتحرك وتتميع صعدها لفوگ ونزل حضنني وكان فرحان خفت من تصرفه هذا هبطني حتى ماسألني وين كنتي لو ليش طلعتي الصبح !
كلي ناديه حـ تصيرين عمة !
صدگ معقولة ؟!
فرحت هواي وشيرين ركضت باسته لـنور
شعور حلو من يصير عدنه طفل بالبيت رغم ما كنت اتمنى تنفضح ضيّ وتنكشف ونخلص منها بس كلت يمكن يكون هالحمل هدايه الها وتنصلح
...
طلب مني نور اهتم زيادة بضيّ
وإذا صار شي بغيابه اتصل بأمها واختها يجون يمها
شفت الفرحه اللي بعيون نور لأنه حـ يصير أب متنوصف
بعد اليوم ماشفتها لضيّ ولا احتكيت بيها
شيرين تصعدلها الاكل واني متعوده على شغل البيت وشيرين بدت شويه شويه تساعدني وتتعلم
ثاني يوم رحت ملهوفه للدوام باعتبار طالبه بالاعداديه ومتواعده ويه حبيبي بعد الدوام بالمطعم
اخذت شيرين لمدرستها بصف الثاني ابتدائي وعلمتها منين ترجع وتنتظرني بالبيت احتمال أتأخر اليوم ..
اول يوم ثگيل وممل بالدوام
أعد ساعات حتى يخلص واروح لحبيبي أشوفه
كنت لابسه قميص ابيض وصدريه رصاصي وشعري لافته بس من طلعت فتحته وطلعت كحل من الجنطه خليت وشوي باودر وعطر ورحت انتظرته
تأخر !
طلبت بس عصير وبقيت للساعه بال 2 تأخر عليه سلطان
ضجت وتحلفت بي ما أجي بعد
رجعت بسرعه صعدت سيارات ركاب ذبتني رأس شارعنه ورجعت كلش ضايجه ومقهورة شلون هيج فشلني سلطان"
شفت سياره قريبه على بيتنه لزمت قلبي متت خوف لايكون صاير شي لشيرين !
تقربت نزل الجامه هذا الشاب اللي إجه خطبني !
دريد !
كلي شلونج ناديه
كتله شنو حضرتك شتسوي هنا !
اجيت اشوفج
لا بربك !
تشوفني لو تشوف حبيبت القلب
شفت لونه انخطف
فتح باب السياره ونزل
وكف ببوجهي وحجه بصوت ناصي
انتي شنو ششايفه نفسج !
هسه اسحلج من شعرج أمسح بيج الگاع
نزعت حذاءي وكتله هسه اصرخ والم عليك الجيران واسويلك بلاغ بالشرطة ياسافل يبن الـ ....
اكو كم واحد من الجيران شافوني اصرخ اجوي باتجاههي وهذا دريد صعد بسيارته وراح انهزم غضب الله عليه
بقوا الولد جيرانه يصيحون وراه
نزلت حذاءي لبستها وتشكرت منهم كتلهم هذا كان يتحارش بيه
رجعت دخلت للبيت شيرين ماكو بالصاله شمرت جنطتي وصعدت لضيّ فوگ دفرت الباب لكيتها تبجي
نزّت
وجهه صار اصفر وارتبكت
شنو ست ضيّ احجيلي بلكي اساعدج لوتريدين تحجين كدام نور
شنو قصدج ناديه شتريدني احجي !
احجيلي عن دودي حبيب القلب
لطمت على ووجها
انتي منين تعرفين !!
اجت يمي سدت حلكي
سكتي ناديه سكتي لخاطر ربج
وخرت ايدها ودفعتها
اسمعيني ضيّ اني اعرف كلشي واعرف ليش جبتي وردتيني اتزوجه حتى تبقين قريبه منه وتكملين التمثيلية انتي وياه طلعتوا عشاگ ونكشفتوا
كعدت على سريرها وظلت تبجي وتملخ بنفسها
هددتها افضحها كتلها هسه الجيران شافوا ومن يجي نور اشهدهم ضده
جرت ايدي ابوس ايدج ناديه ستري عليه لخاطر الطفل اللي ببطني فدوة
هه ... ومنو يكول هذا ابنه لنور !!
رجعت تلطم وتبجي
بقيت اهددها وكتلها ابقى اراقبج واذا نكرتي أشهد ولد الجيران اللي شافوه بالباب
عفتها ونزلت
ظليت محتاره شسوي هسه
نور كان فرحان لأن حـ يصير أب
وهاي الملعونه تخونه ما اعرف شلون اتصرف وياها هسة افضحها لو اسكت لحد ما الله يهديها لو تنكشف وحدها ماريد أصير سبب بتعاسة نور
ربي دخيلك احتاريت بيمن افكر
سلطان اللي ما ادري وينه ليش مااجه للموعد !
طبخت غده على السريع وكملت شغل البيت ضيّ بقت فوگ مالها عين تنزل وتواجهني بعد ماكشفتها
ونور بالدوام بس من خابر ماحجيت شي وطمنته على ضيّ كتله نايمه
ترددت اخابر سلطان خفت تسمعني ضيّ وتلزم عليه لزمه
كلت بلكي باجر يجي
ثاني يوم وصيت شيرين اذا يجي احد غريب تنتبه وتخابر نور تكله
وصلتها لمدرستها ورحت صعدت سيارة وصلت كبال الإعدادية گلبي يرف على سلطان موتني كأنما مفاركته سنه مو يوم اتلفت وادور عليه بلكي يجي
طلعت من الدوام لكيته واكف كنت مشتاقتله بس تدللت عليه وبينت نفسي زعلانه
شافني ابتسم واشرلي طلع كدامي لحكته
فدوة لطوله ولجسمه وهيبته يجنن
لو عيونه الصفر اللي تتدوخ وتسطر سطر
..
دخل المطعم وكعد بمكان معزول مخلين للعوائل خانات كعدت مغندبه جرني وحضنني وبقه يبوس بيه
وخر سلطان ماا ... زعلانه عليك
بقه ينافت ناديه والله مشتاقلج عذبتيني ولج
دفعته كذاب دخل الصانع طلبنه اكل وعصاير سجلهم وراح يجيبهم
رجع شبكني
سلطان تفضحنه هيج اتدنى شويه
تنحنح واتدنى
احجيلي ليش ماجيت البارحه للـ 2 منتظرتك
صدكيني عندي ضروف
لزم ايدي
ناديه مو دائما اكدر اجي لازم نتفق على حل
وشنو الحل بالله !
نصه صوته نتزوج بالسر ...
يتبع ....
...
#قصه_ناديه@13
