#لأني_أحببت/ 22
#قصة_حب
... ناديه@
القسم الثاني المهم والمتتطور من حياة نادية .. « لا تنسوا المشاركه بتعليق ورأي للاحداث ونقد الوقائع والشخصيات الأكثر حبيتوها أو كرهتوها بالقصة 👍»
....
(راغب) رجل وسيم وشهم ومميز ومختلف عن باقي الشباب
عمره 32 سنه مُطلق ويعمل مصور وكان معانا طول الرحلة بنفس السيارة وبيدة كاميرا ملازمته ولابس شفقة ونظارات شمسيه ومامهتم لأي واحد موجود كأنما عايش بعالم ثاني ..
...
وصلنه للحبانية الأجواء كلش حلوة ومنطقة رائعة ومميزة وحضور كان عوائل وشباب
سايق السياره حددلنه وقت نرجع بي من البحيرات وكانت متوفرة حمامات ومطاعم صدگ تسلينة واستمتعنه وكلشي كان ممتع عدا زين كان متعب لأن كل شويه يريد يروح للحمام لو يجوع ويعطش ويريد يشتري
مرت الساعات الحلوة بسرعه
رغم الحر لكن هواي استمتعنه
تركت شيرين وزين يم البحيرة ناس وعوائل متواجدين هناك بالمكان
رجعت للسيارة اخذ ملابس من الجنط ابدل لزين وبالطريق لكيت شيرين تفتر ولونها مخطوف تتدور على زين مثل المجنونة
صدگ انصدمت انجنيت عليه لطمت على وجهي وگلبي وجعني نهبطنة اثنينة و بقينه ندور سوية بكل مكان
وناس منعرفهم تعاطفوا ويانه وبقوا يدورون ويصيحون بإسمه
فجأة !
شفنة هذا الشاب راغب شايلة مبلل جسمة ولافة بقميصه ومتجه علينه ركضنه بإتجاهه
وعرفنه أنو كان دا يسبح وغركان وملحگ عليه الولد الله ينطي جان هسه غرگ لاسامح الله
بقيت اصرخ و الطم وشيرين بس تبجي
سوالة اسعافات أولية وصار يضغط على صدره صحى زين وظل يبز بالمي ويكح ورجع يتنفس بدلتله ملابسه بسرعه وحضنتة
ياربي دخيلك لو صاير بي شي الطفل اموت وراه الناس بقت ملتمه على الشاب وتتشكر منه
بعدين اني گمت وتشكرت منه كتله الله يوفقك مديونتلك بحياتي ابتسم وصفن ببوجهي وهز برأسه رجعنه للسيارة هدأت شيرين لأن بقت تلوم بنفسها كتلها بعد ماعوفكم سودة ببوجهي من عفتكم بهالـ دقايق
انوب نبقى سوة كلنا منا وجاي
بقينه بالسيارة نرتاح بيها تبريد مشغله السايق لان نهبطنه وزين غفى بحضني
اجت ام همام جابتلنه أكل بالسياره اكلنة وارتاحينة شوي
بليل رجعوا الجماعة وعلى اساس نطلع لبغداد ونبقى هناك
ظليت حاضنتة حبيبي زين
كلي عمه خنگتيني شويه خل اتنفس
جريت آذانه خرب يومك انته شسويت بينه اليوم هبطتنة عليك موتتنه رعب وبقيت بس اشمه وابوسه بكل مكان ببوجهه
صعد هالرجل راغب شيرين ندستني وهمست ... ناديه هذا اللي نقذ زين"
بقه يعاين علينه ويبتسم
شكد كان شهم بس هذا اكيد عنده زوجه واطفال
انتبهت ماشفته تكلم ويه أحد من الناس الويانه
معناهة جاي وحده
حركت السياره واغلب الناس نامت ندست ام همام كدامي وشاورتها سألتها عن هذا الشاب بقت تصرخ هاا و هاا
كتلها اشش فضحتيني سكتي ماكو شي وكمنه نضحك اني وشيرين
وصلنه لبغداد كانت الدنيا ليل بس ليل بغداد نهار يجنن اخذنه السايق لـبرج صدام نزلنه وزين بعده نايم مكدرت اعوفه بالسياره شلته على متني
سمعت صوت نفس الرجل الشهم وراي كلي انطيني الطفل عنج ممكن اساعدج؟!
اول مره اشوف هيج شهامه شيرين بس تندس بيه
ابتسمت وهزيت برأسي اخذه مني ومشى كدامنه شيرين شاورتني ولج ناديه اعتقد هذا معجب بيج
ضربتها على ايدها
شبيج ناديه اقصد معجب بزين
لزمتها من ايدها وكتلها امشي مو تعوفيني واظل ادور وراج خبلتوني
بقينه مبهورين بالمنظر والمكان اول مره نشوف هيج مكانات حتى جو بغداد حلو ومميز قسم من الناس صعدوا لـلبرج احنا كعدنه بكراسي نعاين عليهم
وطلبت منه للرجل يكعد ويانه
كال خاف تتضايقون !
لا بالعكس موكافي محمليك ثقل زين
كعد وشويه زين صحى شيرين تنحنحت وكالت حاخذة اغسللة وجهه
كتلها موتغفلين عنه شيرين فدوه انتبهي
الرجل كال لاتخافين اذا تاه اني موجود
صدگ حسيت بي غيور وعجبني تصرفه
بعد ما كونت نظرة سيئة عن كل رجال بسبب المريض إياد كرهني بالزلم كلهم
تجيت على الكرسي وأخذت نفس قوي
الله شكد حلو الجو بليل فتحت شعري انتبهتله صافن عليه
باوعتله خجل ودار وجهه
بقينه ندردش
كلي زين ابنج وين ابو !
ضحكت لا يمعود هذا ابن اخويه الكبير وابو مسافر
استاذ ....
كلي راغب" ومد ايده دا يصافحني
صافحته حسيت بـأيده دافية
تشرفت استاذ راغب"
لا ... أستاذ شنو كولي راغب وخلاص
ماشي راغب اني ناديه .. ناديه وخلاص
ضحك .. بس ممكن تترك أيدي
سحب ايده وارتبك .. آسف
لا عادي ..
رجعت شيرين وزين يتميع دايخ
كتله زين تدري دا تخرب علينا السفرة هاي آخر مرة نجيبك ويانه
راغب كال لا ليش تعال زين اذا مياخذوك تعالي للمحل بالسوگ
ذكرني انطيك العنوان من ننرجع باسه بخده وعينه عليه شفت شيرين فرحانه ومتفاعله وياهم وفاتحه حلگها
بس كمنا اخذه راغب لزمه من ايده كله الشباب سوة والبنات ورانه
شتكول زين ؟
مشينه وراهم
شيرين شبيج فاتحه حلگج ممصدگه!
ولج ناديه دشوفي يجنن هذا صدگ كل واحد اسمه راغب هيج حلو من راغب علامة وانتي ماشية
شيرين هنا طلعت سوالفج
الظاهر عجبج هذا !
والله يااختي الحبيبة اذا ميفيدج عوفي الي
عضيت شفافي
لج شنو هالسوالف وتحلفت بيها وهيه بس تضحك
قضينه وقت كلش حلو والصدفة الاحلى من التقينة براغب بقى مرافقنة حتى من وصلنه لمدينة الالعاب
تكفل بزين وخفف عننه وخلصنه من عبء دلالة ومياعتة
ورحنا لنصب الشهيد وللزوراء قضينه اليوم الثاني غدانه صار بفندق بالمنصور ارتاحينه وسبحنه شيرين كالت اني اراقب زين ناديه روحي
طلعتلي ثوب ربع ردن وردي شيفون وقصير ناديه انتي مكبرة نفسج روحي لبسي هالثوب وخلي مكياج وهذا الشاب فرصه قبل لايخطفننة البنات منج يله روحي بسرعة دفعتني أمشي يله
بدلت صدگ كنت خافيه انوثتي كل هالسنين فتحت شعري ولبست شفقه وخليت كحل وشويه باودر وطلعت لبرة حدايق تشرح النفس
لكيته بيده الكاميرا مالته ودا يصور
اقتربت منه
ممكن توصورني ؟
شفته فرح وتعجب بشكلي
وبده ياخذلي صور وثوبي كان يتتطاير من الهوة وتطلع رجليه خجلت بقى يضحك عليه
رحنا اشترينه موطه واكلنه طلع ورقه من جيبه كتبلي رقم التلفون وعنوانه حطهم بيدي وبقه لازمها وعصرها سحبتها خفت منه شكد جريئ
أول وآخر واحد تصرف هالتصرف سلطان"
ارتبكت
گلي يمعوده شبيج !
هذا عنوان المحل حتى تجين تاخذين الصور ملاتج
هزيت برأسي ماشي أن شاء اللة أجي
اني رايحه هسه مااكدر اعوف زين وشيرين وحدهم
كمت كام وراي لزم ايدي مرة لخ
بقه يعاين بعيوني توترت
ناديه ...
انتي مرتبطه !!
...يتبع ...
#قصه_ناديه @22
