#لإني_أحببت 3
#قصة_حب
... ناديه @
...
بالمدرسة مسوين دورات تقويه للمواد على حساب الدوله
لمساعده الطلاب بالامتحانات الوزاريه حتى المدرسه تتطلع نسبه عاليه
وهواي طالبات يجون وحتى من غير مدارس يسجلون قبل الامتحانات
واني كنت ضعيفه بالدروس مو شاطرة
ومستواي بالعلميات والرياضيات مو هالكد
ضمياء سجلت وياي ومرت عليه ورحنه وبقت تحجيلي بالطريق عن صاحبها سعد
وعن علاقتها وياه وشلون تعرفت عليه والحب والغزل والغراميات اللي بينهم
اني كنت اسمع واعبر ماهتم ..
شسويلها يعني عادي ميهمني الموضوع ..
بس هيه بقت كل شويه تكرر وتعيد وتتباهى
وتريد تقهرني على أساس لأن ماعدي صاحب مثلها
من طلعنا من المدرسه بالـ 12 الظهر كتلها ضمياء اني حـسبقج لأن بالي عد شيرين وخايفه عليها
مشيت كدامها شفت مجموعة شباب بيهم أربعه واكفين على جهه ويعاينون للبنات ما اعرف يصيدون صاحبات الهم هيج اكو شي جان بكل مكان وخاصة مقابيل مدارس البنات
بس شنو كانوا طوال وجسم هيبة واحدهم
جمال مو طبيعي واحد أحلى من الخ
التفتت لضمياء وكفت وبدت تأشر لي وتغمز بعيونها عرفت صاحبها واحد منهم
بقوا يعاينون عليه حسبالهم مايعه مثل بقيه البنات ويصيدوني
تركتهم ورحت وبالي كله عد شيرين حبيبتي اكيد جوعانه هسه لو تبجي ..
وصلت للبيت ركض لكيت شيرين غافيه بالصاله ومشغله تلفزيون وماحاسه بالصوت
شلتها دخلتها للغرفه وبملابسي ركض للمطبخ كلت اطبخ اي شي شوربه عدس ولا بتيته حمس
المطبخ هوسه كالعاده
مااستغرب من ضيّ حتى مواعين الصبح متغسلهم
باب المطبخ اللي على الحديقه مفتوح اسمعها تخابر بالتلفون الارضي مطلعه الواير ولافته وتفتر وتضحك بالحديقه بصوت عالي سلكت البتيته ودا أعزل انتبهت !
تكول حبيبي دودي !
ياا ... منو هذا دودي !
قللت من الصوت وتقربت اكثر سمعتها دا تحجي ويه واحد غريب توقعت نور معقولة تكون دا تخونه لنور !
لطمت على خدودي وخفت
رجعت كملت شغلي وهيه دخلت انطتني كم أمر من اوامرها كأنما محملتني جميل لأهتمامها بشرين
المسكينه حبيبتي حتى نامت بلا غده
بقيت بوسواس وقررت اراقبها لها الملعونه
نور الدين يجنن شكله
ماكو بطيبته وأخلاقه ورجولته
والغريب يحبها وشكد يداريها يمكن عنده علاقات وصديقات بس اشوفه يعشقها ويهتم بيها
وشكله جذاب طويل ووسيم ومعانيه بنظري أجمل شاب بالدنيا
وزواجهم ماصارله شهور
معقوله !
اغالط نفسي كل شويه
بس صممت اراقبها وافضحها
كملت الغده وكعدت شيرين غديتها
اجت ضمياء سوت نفسها تسألني عن الدروس
كالت وج يحظي ليش رحتي شفتيهم شلون وسامه واناقه ورجوله يخبلون
كتلها باستهزاء وانتي كلهم مصاحبتهم حضرتج !
ضحكت بصوت عالي وبعدين سدت حلكها بيدها
والله ضحكتيني شكد فاهيه
ذولي يجون يصيدون بنات واني صاحبي يمه بعد مهجتي وعشيرتي فديته
يسواهم كلهم سعودي حبيبي
..
بقت تحجيلي عنهم اخوه اثنين
واثنين اصحاب واحد اسمه (سعد) وواحد إسمه (سلطان)
وعلى اساس باجر متروح للدورة بالمدرسة تروح ويه سعد للمنتجع يم الشلال ويغديها سمج على حسابه وكانت مفتخرة ومبهورة وطايرة من الفرحه
محتاره شتلبس وتخلي مكياج
وبقت تحجي عليه يخايبه ابقي بلا صاحب لحد ماتعنسين وتكبرين وتعجزين ومحد يعاين ببوجهج غمتني بيدها وراحت
اني بقيت محتاره مابين كلامها ومابين هاي ضيّ رجعت افكر وقلقه
اذا صدگ دا تخونه لنور شلون اتصرف وشلون اكللة خاف ميصدكني !
بقيت بليل أفكر اتسلل لغرفتها واتصنت واذا حست بيه أسوي نفسي جايه على فراش من الغرفه الثانيه
بعد ما نامت شيرين تسللت بالعشرة بليل وصعدت شفت التلفون مكانه فارغ بالصالة تأكدت انها ماخذته لفوگ
وكفت قريب وسمعت كلامها يخزي
ياربي !
كلام وقح وتضحك بطريقه سافله
تحيرت وماعرفت شلون اتصرف
اذا اكشفها هسهة احتمال تنكر لو تأذي شيرين حتى تنتقم مني سكتت ورجعت لمكاني بلا متحس وكلت لازم افكر شنو ح سوي وشلون اخبره لنور باللي سمعته
...
ضيّ كانت متسلطه ومسيطرة على البيت تدخل وتطلع بكيفها من نور بالدوام بين كل اسبوع ومرات اكثر يجي يومين ثلاثه ويرجع ومرات مالحگ اشوفه واحجيله عن طلباتي لو شنو محتاجه بسبب ضيّ تأخذه طول الوقت وتشغله عني وعن شيرين ..
مده شهر كامل فترة الانقطاع عن الامتحانات والمراجعة والجو صيف وحار كنت اوصي شيرين الف وصيه قبل لااطلع وخصوصاََ هاي ضيّ متهتم بيها وتتصرف بلا مبالاة اصلاََ مامحتاجيها لا اني ولا شيرين
واحاول اتجنبها علما اكمل امتحاناتي واتصرف وياها وخايفه من العواقب وببالي الف حسبه على مشاعر نور واللي ح يصير بعد ما يكشفها تخونه ...
... يتبع ..
#قصه_ناديه 3@
