#لأني_أحببت /31
#قصة_حب
.. ناديه@
... ""
أخاف يموت گلبي ومايصح ملگه"
واخاف يطول عمري وكل شي ماالگه"
حايرة .. والوكت حيرني حيل هواي ..
لا ولفّ اليمرني واحضة بالشبگه"
ولا آخر نفس بيه واموت بالشهگه"
غريبة وجبت عمري اتگلى علة نار"
ردت احباب گلبي وطالت الفرگه "
بروحي شايله گلب نيران تسّعر بي"
شيبرده الگلب متروس بس حرگه"
وشيبردها النفس الـتستلذ بطعم الـ آآه
من راحوا احبابه وضاع كل حگه"
ياريحة هلي وطيب ومحنة وشوگ"
ماظل بالگلب بغيابكم ولا دگه"
قفل وكتي عليّ بيبانه وانته ابعيد
ردت بس باب واحد يصح مامسرگه"
نسيت الفرح كلش فدنوب' ..
بيه اهموم هواي وصلت لحد الـ زهگه"
وصرت مثل الشجر مرت عليه الريح*
هزني ومن طحت ورگه ابأثر ورگه"
****
...
بقيت بليل بالمستشفى وأحسب الدقايق خايفه كلش ..
مااعرف تنجح العملية لو لا
نور عافني انشغل ويه الدكتور وتسجيل بالاستعلامات وروتين العملية
شويه وإجت شيرين وضيّ جابولي ملابس وأكل سألتهم عن راغب شيرين كالت أني راح أخابره وأگله يمكن ما عنده خبر طلعت من الغرفه أشرت لضيّ إجت يمي سحبت ثوبها وهمست بأذنها
ضيّ احلفج بمعزة زين" وياسمين" ونور" إذا صدگ تحبيهم امانة محملتج ...
اخذي جهازي وخابري سلطان واذا ماحصلتي يمكن سافر اكو رقم دولي ثاني خزنته موجود اتصلي بي هسة فدوه اروحلج
كالت ناديه لا تسوين هيج بنفسج ارحمي روحج واقنعي بمصيرج عوفي مو سافر وعافج لو يريدج جان اجه وخطبج
ضحكت بألم وتحسرت ..
لج ضيّ سلطان" بباله اني متزوجه مايعرف كلشي ما گتله فهميني ارجوج
يعني هسه شلون شسوين !
مثل ماكتلج روحي اخذي موبايلي ونفذي الامانة
دفعتها
بقت تهز براسها وطلعت
شيرين إجت وعيونها مورومة من البواجي
كالت راغب" هسه جاي ماكان يعرف حضنتني خطيه وبقت تمسح بكصتي وبس تبجي
شيرين اذا الله كتبلي عمر اوعدج نروح سفره نفتر العراق كله من الشمال للجنوب
ونطلع للخارج ونجدد شبابنة بس اني وياج ونتسلى ونعوض كلشي حضنتني وبجت بالزايد
لا حبيبتي سكتي فدوه هيج تزعليني منج
إجه نور كال دقايق وتتدخلين العمليات ناديه
حضنني وبجة
يالله ...
ليش هيج احسكم دا تودعوني وبعد ما ارجع اصلاََ اني راجعه وباقيه لحد ماتعجزون اثنينكم وتصيرون أجداد
حجيت هالكلام حتى اضحكهم و اخفف عنهم بينما أني بالحقيقة كنت دا اتقطع بداخلي حاسة بـأقتراب الفراگ والوداع والحسرة الأكبر اللي بقت بگلبي لتوديع سلطان "
...
اجوي الممرضات دا يلبسوني ملابس العمليه وياخذوني بالسدية المتحركة
إجه راغب يركض بقه يتوسللهم يحاجيني
كتلهم دقايق بس هذا خطيبي
إجه يمي لزم ايدي سامحيني حبيبتي أن شاء اللة سهله تكومين بسلامه و ..
قطعت كلامه
كتله اششش راغب ... كلامي كان بهمس وبصعوبه يمكن من رهبة الدخول لغرفه العمليات ..
ارجوك راغب إنساني وروح ..
خلي تبقى بيننا ذكرى حلوة لاتخربها بعنادك ..
شفته رجع لورة وغضب وتفشل بس بقه ساكت وعيونه بيها حقد ...
ارجوك ... يمكن تكرهني وتحقد عليه هسه بس لازم تعرف أني كنت احترمك واقدرك ومكدرت اكون الزوجه المناسبه الك صدكني الله يعوضك باللي أحلى وأحسن مني .. بنية صاحية مو مريضه وتتعب وياها وتعذبك
روح سافر وعيش حياتك وعوفني
ولاترجع تسأل عنني أرجوك نزعت الحلقه خليتها بيده وكتله باقي النيشان تاخذه من شيرين وتروح تعيش حياتك ربي يعوضك عن كل السنين الضاعت وياي سامحني أرجوك
أني آسفة
بقى متفشل ومانطق بكلمة وراح طلع ..
يمكن هذا الحل الوحيد حتى تنتهي رغبته بيه وينساني ويعيش حياته واني بكل الأحوال منتهية اذا شلت هاي الكلى الثانيه تتطول كم شهر على العلاج وماعرف شگد راح ابقى عايشة كم سنة بقتلي بالحياة
..
رجعوا الممرضات واجه دكتوري سلم عليه كلي بسيطه تهون ساعات وتصيرين مثل الحصان
غمضت عيوني بعد ماريد اشوف ولا اسمع شي ماادري شنو اللي صار بعدين ..
نغزات مثل نتلت الكهرباء مشت بوريدي ورحت لعالم ثاني
..
مرت ذكريات ماما گدامي بلحظات ..
بابا ...
الله شكد دافي حضنك بابا حبيبي ..
ماما جانت دا تمشطلي وتسبحني بالحوض مليان ميّ
وبعدين نشفتني وبدلتلي لبستني بدلة مدنفشة حلوة طويلة
بقت تصفگ وتغنيلي ...
""البنات .. البنات ..الطف الكائنات غنوا ياتلميذات ...""
غنوا يا تلميذات .. تافاتيفى تاتاتاااااا""
قولوا يابختنا .. يابختنا يابختنا""
قد ايه كلنا .. كلنا كلنا""
فرحانين اننا""
اتولدنا بنااااات""
"""
وإني فرحانة وارگص وافتر وافتر والدنيا بيضة مدايري
---
بابا ...
تعال بابا
شفته راح بعيد ..
ماما عيونها حزينه
ماما فدوة ...سلطان" يحبني خليني اروحله ..
سلطان إجه يتمشى شايل ورد احمر بس وجهه حزين
ماماااا ..
مامااا ..
ليش مترد عليه مامااا !
عفتها وگمت عثرت بثوبي جان طويل
صحت بصوت عالي سلطاااان" تعال لاتروح انطيني الورد ..
هذا الورد الي ؟!
سلطاااان" اشو هم ميرد عليه ميجاوبني !
الدنيا صارت كلها بيضه !!
غوشت عيوني ماشوف شي
التفتت ماكو أحد
الكل راح وبقيت وحدي فد شي خنگني ماشوفه ثگل على صدري
اريد أفتح عيوني
اريد أتنفس ..
اختنگت
شفت نور شكله مغوش مشوش مو واضح !!
... هذا نور أي نور الدين"
تعال گومني
نور" ...نور الدين" ...
شهكت انفاسي وكعدت اصرخ نووووور" ....
شفت شيرين بس مغوش وتأشر عليه وتتلفتت وتحجي بس ماسمع شتگول
تحرك بشفايفها وتضحك وتمسح بدموعها
أني وين ؟؟
صرخت حيييل صوتي ميساعدني ماعندي صوت
إلهي ارحمني دخيلك ...
أني وين ؟!
نور بدة يضحك وشمر نفسه عليه وبقه يبوس بيه ببوجهي هسة يله كمت اتنفس من صدگ
حسيت ببوساته
نور اخويه وحبيبي انتبهت جسمي مربط بالاجهزة واحس بخدر بأطرافي بس ماكو ألم
شيرين حاضنتني من جهه ونور من جهه
دخلت ضيّ هم لاحظت دموعها تصبّ شنو اللي صار فهموني ؟
بعيونهم هواي كلام وسوالف
الفرحه اللي غمروني بيها رجعت بية أمل بالحياة وراحة نفسية وحسيت بطعم العافيه ..
نور كلي ارتاحي هسه حبيبتي بعدين نفهمج ونحجيلج كلشي
بقت عيني على ضيّ ردت اعرف حصلت سلطان خابرته لا .. !
بس انتبهت عليها جانت كلش فرحانة
شيرين كالت ناديه ردت اتبرعلج بالكلى مالتي لكن ماقبلوا بس تبرعتلج بالدم يعني هسه دمي يمشي بعروگج حبيبتي
انتي حبيبتي شيرين اصلاََ من يوم انولدتي دمج سرى بعروگي
حضنتني وهمست بآذاني ..ناديه تدرين منو تبرعلج بالكلى؟!
....
««انطباعكم عن الاحداث»»
...يتبع ..
#قصه_ناديه@31
