#لأني_أحببت / 7
#قصة_حب
... ناديه @ ..
من وگف الدولاب على اساس ننزل
تفاجأت بي أشر لصاحبه مفتهمت شيريد بالضبط !
صاحبه نزّل شيرين وهو طفر أجه كعد يمي وطلع فلوس أنطه الولد وغمزله ..
شيرين صاحت ناديه وين رايحه ؟
حضنني حييل وتحرك الدولاب مرة لخ صعد !
بس ما صعد الدولاب سلطان لف شعري بيده وباسني بشفايفي دفعته
سلطان مو هيج وخرّ
خنزر عليه أحبج ناديه انطيني مجال مو عذبتيني حرام عليج
أسمع سلطان اني اخاف على اختي وين اخذها هذا الولد صاحبك !
أرجوك نزلني ورجعني للبيت
سحبني حيل وكان قوي ورجولي ضعفت كلش كدامه رجفت بين ايديه الاثنين حضن ركبتي ورجع باسني بشفايفي مكدرت اوخرة ومااعرف شسوي يربي شنو هذا !
شدا يسوي !
كوة عافني عركت وجسمي صار نار
بقيت أنافت ودمعت عيوني
سلطان إذا تحبني رجعني حباب
شفته أنقهر عليه ماشي حبيبتي أرجعج بس بشرط
مسحت دموعي حباب سلطان لاتشرط ولا تسوي أي شئ عوفني اللة يوفقك
ظل يضحك شبيج ناديه ليش تخافين مني !
هزيت برأسي أي
بس اني أحبج اموت عليج
ظل يمسح بشفايفي وكلي حبيبتي اني اول واحد يبوس هالشفايف وآخر واحد رجع باسني مره لخ هالمرة تمادى وظل يتلمس بكل جسمي
دفعته بيديه ورجليه رفسّته
مكدرت أفلت منه جان أقوى مني
لحد ما وگف الدولاب عافني
خلصت منه بصعوبة
نزلت ركض
احس الناس كلها تعاين عليه !
لحگني
دورت على شيرين شفتها صاعده على الحصان المتحرك وفرحانه وتضحك
اجه وراي يهمس تبقين بعد لو ترجعين !
سكتت ماجاوبته ريكي نشف وما أكدر احجي بعد من اللي سواه وياي
كتله بصوت يرجف رجعني للبيت سلطان رجاءاََ
نزلت شيرين من الحصان المتحرك وطلعنه من باب الحديقه بعده يعاين ببوجهي بلهفة
بس اني اتجنبت عيونه ونظراته خفت كلش وماريد اقترب منه لو اعاين بعيونه واضعف بعد اللي صار بيننا
بالله لو منطيته مجال جان شسوة !
أجرلي سيارة كتله اني ارجع وحدي لاتصعد
ضحك وكلي اوصلج شلون ترجعين وحدج بليل !
خزرته واشرت بيدي لهنا وكافي سلطان الله وياك
صعدت وطبكت الباب حيل عرفني ضجت منه
حاسب ابو التكسي وكله بالعنوان وعينه بعدها عليّه
رجعت بالطريق افكر بعدني مرعوبه مامستوعبه الصار ومتندمة هواي
مامصدگه شلون خلصت منه ماادري بشنو حسيت لحظتها
إحساس غريب حتى منتبهت لفرحه شيرين اللي لعبت واكلت الآيس كريم وتسلت بالألعاب
ببالي بقى بس اللي سواه سلطان
شلون تجرأ وهيج سوة وياي !
اني اللي غلطانه شلون وثقت بضمياء وشلون وثقت بسلطان ..
اثنينهم سافلين وعدهم تجارب وعلاقات والله يعلم ويه كم وحده هيج مسوي سلطان ..
بعدما رجعت البيت دخلت لغرفتي قفلت الباب ونيمت شيرين بثوبها رحت وكفت كدام المرايه ..
شفت نفسي شلون متأثرة ومتوترة
فتحت شعري وعاينت جسمي
معقوله عجبته لسلطان وصدگ يحبني !
هو أصلا يجنن ماكو بجماله ووسامته ورجولته
ليش عاف كل البنات وظل وراي !
بقيت اتخيل كلشي صار بيننا
بس قررت اكون قويه ومااضعف بعد هالمرة ..
...
مرت الايام بشكل ممل وثكيل حسيت بشوق وفراغ وكل يوم شيرين تتذمر وتكلي خلينه ننروح بعد مرة للملاهي
وصيتها لاتحجي شي كدام ضيّ ونور ووعدتها ننروح بس مو هسه
شغلت نفسي بشغل البيت ومن يدگ التلفون ماارد اخاف يكون سلطان
ضمياء بعد مااجت ولاشفتها الله لايوفقها ورطتني وفلتت
لحد ما بيوم ضيّ عزمت صديقاتها بيهن ست بنات من الكليه واجن من الصبح وبقن للعصر وأكل وشرب واني بالمطبخ تبهذلت وشيرين خطيه ضاجت منهن
وضيّ كل شويه تبدل ملابس وتخلي مكياج والأكل جابته جاهز من المطعم بس المطبخ انكلب وهوسه ولازم ارتبه
اسمعهن يضحكن ويتشاقن بصوت عالي تضايقت منهن بعد ماطلعن
رحت لضيّ وتجادلت وياهه
بقت تصيح وتهجمت عليه وكالت اذا مايعجبج اطلعي منا محد جابرج تتحملين
حسيت بنفسي أريد انفجر من الغضب شنو تطرديني من بيت بابا حضرتج !
هددتها افضحها كدامه لنور
استهزأت وكالت
انتي شدا تكولين اقتربت مني وجرت شعري لاتخليني اطلع سوالفج مالت الحب السري بمدينة الألعاب
فاجأتني !
وخرت ايدها كوة من شعري انتبهت شيرين واكفه ورة الباب وتعاين علينه وخايفه
بقيت انافت كتلها انتي حقيرة ضيّ ماكفاج نور وخنتي وهسة مسويه البيت فندق لصديقاتج وفوكها تتبلين عليه !
كالت انتي تسوين نفسج شريفه برأسي دروحي بابا ضمياء حجتلي كلشي
احترمي نفسج ضيّ ..
اصلاََ انتي سافله انتي واختج ضمياء تسون علاقات مو زينه واذا متصيرين آدميه صدكي افضحجن هجمت عليه وكعتني بالكاع وشبعتني كتل وضرب
شيرين بقت تصرخ بمكانها
دفعتها وانكلبت فوكها وماقصرت بضربها موتتها وملخت شعرها ودفعتها حيل وركضت للغرفه دخلت شيرين وقفلت الباب
... يتبع ...
#قصه_ناديه @ 7
