#لأني_أحببت/12
#قصة_حب
... ناديه@
..
طلعت من المطبخ وايدية ترجف وببالي أسوي فد شي اخرب هـالصفقه هاي ماريد استمر بالتمثيل واظل تحت رحمة ضيّ
الله لايوفقها كانت فرحانه ومنسجمه بالسوالف ومرتاحه حسيت بشئ مو طبيعي من تصرفها واكيد عدها مكيدة مدبرتها حتى تخلص مني
واني ماكلني الخوف والقلق من اللي ينتظرني
كعدتني ضيّ مقابيل الولد
سمعت من كلامهم انه ابنهم الوحيد ويريدون يفرحون بي وعرفت اسمه دريد"
مايهمني أي شيء عنه لا إسمه ولا شغله إذا أني عاشقه سلطان وبس ومستحيل أكون لغيره بقى دريد يعاين عليه يريد ياكلني بنظراته وعيونه الوقحة ونور معاجبه الوضع حسيته ضايج منهم
والنسوان يتشاورن ويباوعن عليه من فوگ لجوه لجسمي وشعري بس أبو يمكن هذا الرجال الوياهم
مبين عليه حباب ومحترم من كلامه وسوالفه متزنة
بقيت كاعده نص ساعة منطقت بكلمه بعدين استأذنت وكمت للغرفه وسديت الباب وبقيت ارجف وشيرين كاعده بالسرير تبجي وتنشغ ركضت حضنتها وشبعت بجي
دقايق واجه نور وسد الباب وراه
مسحت دموعي وجهي تصخم من الكحل
كلي بصوت ناصي ناديه ليش تبجين !
شيرين كالت نور ليش تاخذون ناديه مني ليش ؟
نور كللها اشش شيرين الناس برة عييب لاتفضحينه
ناديه منتظرين ردج
ماموافقه نور ماريد
شنو ؟
مثل ما سمعت لو تريدني أطلع اني اكللهم
لا ... لا وين تتطلعين بعدين نتفاهم وهسه اني اتصرف
طلع نور رجعت حضنت شيرين وهدأتها حبيبتي ماعوفج اصلاََ السنه الجايه اني أوصلج للمدرسه بيدي وبديت اضحكها
ماسمعت كلامهم بعد بس صار هدوء وره شويه دفعت الباب ضيّ وكانت عصبية
كمت وكفت وكنت مأمنه متأذيني لأن نور موجود
كالت انتي شلون ترفضين هو لعب مو على أساس موافقه ليش خليتيني انطي وعد للناس وتصغريني كدامهم ؟
نور اجه وراها ضيّ انتي ليش مهتمه هالكد بالله !
ارتبكت ضيّ هااا ...
لاحبيبي مو انطينه كلمه للناس
جرها من ثوبها معليج بالناس ومرة ثانيه لاتنطين كلمه من كيفج افتهمتي !
ياربي ......
افييييش
شكد حسيت بفخر وراحة
ضيّ تفشلت وطلعت من الغرفه
ركضت حضنته لنور وأبوس بي بخدوده بقه متفاجأ ومسح على راسي وأبتسم وراح
ياربي الف حمد وشكر الك إلهي
شيرين بقت تكمز على السرير واني هم وياهة كمزت ونهوس ونطفر ونرگص بس بعدني خايفه من ضيّ مااعرف شضامتلي بعدهالتحدي اللي تحديته الها
سمعنه صراخ نور طلعنا ركض اني وشيرين
ضيّ تصرخ وتبجي كلش خفنه واتوقع كلشي منها لـهالملعونه
لحد دقايق هدأ الصوت دخلت شيرين للغرفة وطلعت عزلت الصاله والمطبخ
وبقيت منتظرة نور ينزل مانزل رجعت للغرفة وماصدكت الموضوع خلص على خير وخايفه من باجر
...
الصبح من وقت تريكت بسرعة اني وشيرين ونظفت البيت وبقيت منتظرة نور هم مانزل من غرفته
أخذت مستمسكاتي وكلت أروح للمكتبه أستنسخ وأسجل بالاعداديه
وصيت شيرين وشغلت الها التلفزيون ورحت
كان باقي ببوجهي أثر مكياج وكحل من البارحه غسلته بس ماراح بسهوله بقى شوية
تمنيت أشوفه لسلطان اووف شكد مشتاقتله
رحت مدرستي القديمه وجبت وثيقه وبعدين صعدت سيارات باص ورحت للاعداديه وكملت التسجيل هلكت من التعب
الساعه تقريبا فوك الـ 10 الصبح كانت اكو مكتبه
وبيها تلفون أرضي طلبت من صاحبها اخابر وافق
دكيت رقم سلطان يدگ ومحد يرد
رجعت دكيت مرة لخ ردت بنيه كتلها ممكن تصيحين سلطان حسيت بيها ضاجت وبقت تصيح بمياعه سلطان يا ااسلطان
گلبي بده يرجف وعيوني دمعت شكد مشتاقتله حبيبي
رد كال الو منو وياي !
حجيت بصوت ناصي سلطان اني ناديه اريد اشوفك هسه
ناديه !
أنتي وين !
انطيته العنوان وكلي دقايق وجاي لاتتحركين شكد فرحت
المكتبه مقابيل الإعدادية ماتتيه
طلعت برة المكتبه كشك صغير اشتريت بطل عصير ريكي نشف
كعدت عل الصبه بالكاع خفت اتأخر على البيت وبنفس الوقت ملهوفه لشوفت سلطان
تقريبا ربع ساعة نزل سلطان من التكسي
واجه يركض
اخذت جنطتي ونكثت ثوبي وكفت تمنيت احضنه بس خجلت من الناس هواي طلاب وطالبات
بقه يباوعلي مستغرب
لبست نفس لبس البارحه الثوب الاصفر
حسيته ضاج وعيونه بيها كلام وحقد يمكن لأن ببوجهي أثر مكياج
اشرلي مشينه سوة ونحجي بصوت ناصي ونهمس اثنيننه
سلطان شنو مامشتاقلي !
احجيلي شعدج ناديه هوايه شغلات ضامتها عني
مااعرف انتي منو ؟
انتي ناديه اللي حبيتها !؟
لو وحده تتلاعب بيه وبمشاعري
ليش هيج تكول سلطان شنو اللي تغير موخابرتك هسه بس حصلت فرصة وتحملت كلشي حتى أشوفك !
دخلنه بحدايق وشجر لزم ايدي ودفعني على شجرة لزك بيه خوفني
فرك كف ايده ببوجهي وجان غاضب بشكل يخوف
شنو هذا اللي ببوجهج ناديه !
وضحيلي !
اهدأ سلطان لاتفضحنه وخرّ عني شويه مو هيج
تلفت يمنه ويسرة وكان ينافت ومرتبك كلي ماكو أحد هنا لاتخافين ورجع باسني بشفايفي من كثر ما مشتاقتله خدرت ومعت لزمني بده يضحك دكوليها أحبك واموت عليك بنت الأوادم مو دمرتيني خله راسي بحضنه وبقه يشم بيه واني ارجف ولازمه ياخته بكل قوتي وأشم بي ياويلي شكد أحبك واموت عليك سلطان "
بعدها لزم ايدي ورحنه تمشينه لمطعم قريب للعوائل بي مكان خاص كتله سلطان خليني اخابرهم من المطعم للبيت حباب انتظرني دقايق
رحت خابرت ردت شيرين وكالت نور طلع هو وضيّ وراج وماسألوا عنج
واني هسه وحدي
كتلها حبيبتي لاتخافين ما اتاخر عليج نص ساعة لو ساعه
ومن اجي اجيبلج غده ووصيتها متفتح الباب لأحد غريب ولاتطلع ابد
رجعت لكيت سلطان طالب الاكل
الريحه طيبة
الله سلطان صدگ جوعانه لزم ايدي كلي والله متاكلين قبل لاتحجيلي من البداية اريد اعرف كلشي
دنه الكرسي يمي وبقه يعاين عليه بلهفه
لزمت ايده ماشي حبيبي احجيلك
اويلي هسة اصرخ والم الناس علينه
ضحكت ليش يـمجنون !
عصر ايدي وهمس بأذني احبج واعشق كلمه حبيبي بصوتج الرجولي
سلطان شنو هاي كافي تتشاقه ترة ازعل
لا يمعوده دخليج هسه اقتل نفسي ..
سلطان" كلي انته اول منو البنيه اللي ردت عليه بالتلفون ؟
تحسر ...
اااه يـناديه ..
ارجوج ...
لاتغيرين الموضوع وسولفيلي شنو السبب اللي خلاه اخوج يضربج وليش تتهربين مني وشنو هالمكياج اللي مخليته لاتكليلي انخطبتي !
اي سلطان للاسف انخطبت
ضرب الميز وصاح شنو !!
رجع نصه صوته وحق ربج اذبحه
سلطان أهده خل افهمك
رجع لمس شفايفي باصبعه
اني شكتلج ناديه تتذكرين شكتلج
اتذكر سلطان صدكني ما نسيت أي شيء حبيبي اصلاََ اني #لأني_أحبك ضحيت بكلشي وتعذبت علمودك محد يتجرأ يلمسني غيرك حبيبي
اااخ منج ... بس كلامج هذا اللي مطمننّي ومصبرني عليج
شال ايدي وباسها ناديه أوعدج اعوضج حبيبتي بس انطيني وقت هسه مااكدر اجي واخطبج بعد مشوار الدراسه طويل وانتي لازم تحافضين على نفسج ومتوافقين على الزواج من أي واحد افتهمتي !
سلطان اني هم رفضته وارفض كل واحد غيرك
لأني_أحبك يـمجنون ..
آااه منج شكد احبج مووووت ...
ظل يوكلني بيده
كان طالبلي كباب وكبة وسلاطات
تمنيت ابقى وياه عمري كله ومافارگه لحظه
حجيتله مختصر عن اللي صار ووعدني يحميني وميخلي أحد يأذيني
ملكني بغرامه وبكلامه وبشهامته وبكلشي سيطر عليه
خلاني تعلقت بي وصار الهوة اللي اتنفسه ..
ومرت هاللحضات بسرعة وماتهنيت بيها ولاشبعت منه ..
...
يتبع ...
#قصه_ناديه@ 12
