#لأني_أحببت / 9
#قصة_حب
... ناديه @
...
آااااه ....
أبد مايحلالي العشگ والحب ..
دقايق استمتعت بيها بكلام سلطان وغزلة ولهفتة عليه وعيشني سندريلا وبقيت أحلم باللحظه اللي يجي بيها ويأخذني على الحصان الأبيض ..
سرحت بعالم خيالي ...
اندگت الباب حيل .. تكسرت طفرت وطاحت السماعة من أيدي بالگاع
شيرين طلعت من الغرفة ترجف
رحت للباب صحت منو !
كان نور فتحت وابتسمت ببوجهه
دخل عصبي وجرني من شعري وصرخ ببوجهي شيرين ركضت تتدفع بي وتبجي وتصرخ
اني لزمت أيده وصرخت وحسيت بألم مو من وجع الضرب وإنما من تصرفه هذا القاسي المتعصب لأن بعمره وحياته مارفع إيده نور وضربني أصلاََ
ابداََ ماصارخ ببوجهي !!
دائماََ يحترمني ويعاملني بحب وعطف بس هسه صار متوحش وقاسي تغير بسببها
كلي ضيّ ترجع للبيت غصبن ماعليج وتعتذرين منها افتهمتي !
وطلعه من البيت ماكو شلون تخالفيني وتتطلعين بليل وتاخذين شيرين وياج لمدينة الألعاب؟؟!
بقيت بس اتعذر منه وبست ايده رغم ما ايده الثانيه شاد شعري ويحجي وياي بعصبيه دفعني بعدها وگعت بالگاع وبقيت بس ابجي بصوت عالي واشرت لشيرين اجت حضنتني وتبجي بقت
نور گال حـ اروح اجيبها لضيّ افتهمتي
هزيت برأسي أي
مسحت دموعي وكمت وكفت
طلع وعاف الباب مفتوح
شيرين بقت تصرخ
سكتتها ودخلتها للغرفة
هدأتها بالگوه
مااعرف شحاجيتله ضيّ وهيج منفعل عليه ومتحامل
..
شيرين فدوة أهدي هسه هو عصبي وغاضب بس يهدة اشرحلة كلشي
بقيت ابوس بيها واقنعها نسيت سماعه التلفون اللي تركتها مرفوعه رحت ركض رجعتها ثواني ورجع دگ التلفون
عرفته سلطان مارديت مكدرت عفته ورحت غسلت وجهي وشربت مي
وبقيت اتنفس حيل من الشباك حتى ارتاح من صدمة تصرفه لـنور ومن اتذكر ارجع ابجي مرة لخ وامسح بدموعي
لازم اصير قويه واعرف شلون انتقم منها لضيّ مادام الموضوع صار بهالحال وشنت ضدي حرب ودمرت علاقتي بأخوية الوحيد اني اعلمها السافلة
..
بقى التلفون يدگ فصلت الواير من الرئيسي حتى أخلص انسطرت دخت من صوته
بعدني بالصاله رجع نور وجايب ضيّ وبيدها جنطه ملابسها تشجعت وكلت حمد لله على السلامه ودموعي ترس وجهي
شيرين تباوع عليهم بحقد
ضيّ ظلت تتميع وتتعزز
اني لخاطر نور اقتربت منها وكوه حجيت كتلها اعتذر اني اختج الصغيرة وغلطت سامحيني
كالت ايي عادي اصلاََ أني لخاطر حبيبي نور رجعت وتهز بيدها حضنها نور وصعد لغرفته فوگ اني كعدت انهد حيلي
لزمت رأسي لزمني صداع
شيرين خطيه حضنتني وبس تبجي أني لخاطرها هدأت شبعت بجي خطيه شنو ذنبها هالمسكينة
قررت بعد اللي صار اكمل حياتي طبيعي واصير محتالة ومكارة مثلها لضيّ وماخلي شيرين تتعذب وتتألم
لو تشوفني ضعيفه
...
ثاني يوم الصبح كوة كعدت سبحت وسبّحت شيرين ونظفت البيت
ماكو احد العروس ضيّ نايمه والظاهر نور طالع لأن لكيته متسوك لحم وطماطمه ومعجون وخبز
سويت تشريب احمر
سمعت باب الشارع الرئيسي تندگ خفيف
نشفت ايديه ورحت من باب المطبخ فتحتها شفت سلطان !
لطمت على وجهي عزة العزاني سلطان تخبلت شجابك يمعود دخيلك !!
ملابسي مبهذله وشعري منفوش
كمت ارجف حاجيته من ورة الباب
حجه بهمس لج ناديه تخبلت عليج التلفون مفصول والبارحه سمعت صراخج واخوج من ضربج ..!!
ظليت املخ بخدودي
اني فصلته للتلفون سلطان ابوس إيدك روح منا
ناديه سمعي حتى لو اخوج أكسر ايده ومايضربج افتهمتي
..
يربي دخيلك سلطان لخاطر الله روح من احصل مجال أخابرك
جرني من ثوبي سمعي ناديه نص ساعة وتجين منتظرج براس الشارع اذا ماجيتي اني اتصرف
وراح ..
يربي شلون بيه
ربي دخيلك مو وكتك هسه
طبكت الباب لكيت شيرين وراي !
منو هذا نادية !
هاا حبيبتي هذا واحد غلطان بالعنوان يسأل على غير ناس تعالي
.. طببتها
الحمد لله هاي الملعونه ضيّ بعدهي ماكعدت كملت شغلي ركض
شغلت التلفزيون لشيرين كارتون طالع وكتلها اذا تكعد ضيّ لاتحاجيها
بوستها وقنعتها
فدوة شيرين حبيبتي لخاطري
انتي مو تحبيني !
اكيد احبج بس ضيّ ماحبها
اششش ضربت خدي
الله يخليج اسكتي لاتسمعج
شوفي حبيبتي اني رايحه ما اتاخر اذا سالتج ضيّ كولي راحت تجيب لبن من المحل زين ؟
اخذيني وياج
لا حبيبتي وين تجين ابقي هنا شوفي توم وجيري وهسه تطلع بعد مسلسله كارتون حلوه
كوه قنعت دخلت الغرفه ركض مشطت شعري وبدلت ملابسي وطلعت خفت تكعد ضيّ لو أتأخر على سلطان يسوي كارثه
رديت الباب الرئيسي ورحت ركض لراس الشارع سوده عليه حبيبي سلطان واكف بالشمس
💘💘💘💘💘
* عشكتك" ..
وأدري أتعب إبحبّك رضيت" بقسمتي وملهوفه تدريني *
أريد أكضي العمر ويّاك تدري" أنت بغيابك حيل تأذيني*
عيني إلما تشوفك تنعمي" وللدّوم لأن أنت حبيبي فرحة إسنيني *
تعال وخلّ أضمّك حيل يهواي" وأريد إبكلّ حنانك أنت تحويني*
تعال وخلّ نطفي الفُركة والنّار" وعلى صدرك أنام اللّيل خليني*
💘💘💘💘💘
....
ريگي نشف وانافت حضني وبقه يشمني ماكو أحد بالشارع وكان اكو بيوت بعيده والسيارت من بعيد تمر
ماصدكت حضنني بجيت واني بحضنه وحسيت بأمان كلي أهدي حبيبتي وباسني براسي وظل يشمني لزم خدودي أهدي ناديه مدام اني موجود محد يأذيج بس احجيلي شنو اللي صار !
مسحت دموعي بقميصه ورجعت حضنته سلطان خليني اروح فدوة اذا حصلت فرصه اخابرك واحجيلك
حضني مرة لخ حيل
لاتروحين ناديه ماصدگت تجين واشوفج واطمن عليج
ولج خبلتيني انتي شلون اسمعج تصرخين البارحة
معقولة هيج يصير بيج ولج تسودنت
ضحكت وبسته بخده
دفعته كافي روح حباب بعدين نحجي وافهمك
بقه لازم ايدي ورجع سحبني وحضنني
لج آاااااخ منج ناديه وتاليها
. .
بس سلطان لخاطر الله روح باس ايدي
اروح بس تخابرين بسرعه اليوم مكابله للتلفون مااعوفه ظل يبوس بوسات هوائية ويغمزلي صدگ حسيت براحه وتحسنت نفسيتي رجعت ركض دخلت لكيت ضيّ تكلب بالتشريب دخلت من فرحتي بشوفه سلطان حبيبي وموقفه الشهم وياي حضنتها لضيّ وبستها
استغربت !
سامحيني وأوعدج مااتدخل بخصوصياتج ولا اتذمر منج
ضحكت وكالت ماشي متفقين عيني ناديه بس بشرط
شنو ... تشرطين !
اي اشرط ليش لا ... لاتنسين انتي غلطتي وياي ومحترمتيني
وشنو شرطج بالله !
يتبع ...
قصه ناديه@/ 9
