#لأني_أحببت 6
قصة_حب
... ناديه @
...
نزلت ضمياء وسعد من السيارة
شيرين فرحانه وماداريه باللي صاير
تگللي ناديه اشتريلي آيس كريم حبابه
وتجر بقميصي
كنت لابسه قميص ازرگ نص ردن وبنطرون كابوي
بقيت كاعده واخاف أنزل
ماتحركت من مكاني ولزمت أيد شيرين واشرت لضمياء
من راح سعد شفت المكان حديقه قريبه على مدينة الالعاب
ضمياء كالت شبيج ناديه نزلي سلطان متخبل عليج هو طلب نجيبج
ياويلي گلبي نصاب بسهم ورجفت همست وكوه حجيت من الشوگ بلعت ريگي واخذت نفس قوي
ولج ضمياء فدوة اني ماشايله فلوس وشيرين تريد تشتري وماريدها تحس بشيء
ضحكت كالت معليج جيبيها وياي وروحي وحدج
لا :يمعوده ... وين اروح وحدي ...
شيرين متروح وياج ضمياء
ناديه معليج اني اهتم بيها آخذها لمحل الآيس كريم واشتريلها اني
بس روحي وخلصيني منج ...
صدگ خفت على شيرين منها بس لازم اروح اشوفه لسلطان مشتاقتله هواي
اجه من بعيد رحت اتجاهه وشيرين بقت وي ضمياء
من وصلت يمة كان لابس قميص اسود وبنطرون اسود ورفع حواجبه وابتسم فتح ايديه اقتربت اكثر
كلي مشتاقلك ابو ندى
ليش هيج تعوفني
ضحكت وخجلت خله إيده على ظهري وكعدني على كراسي مصطبات
بعدها خله ايده وره متني واقترب مني لدرجه لمس جسمه جسمي توترت
انفاسه وريحته انثولت
مااعرف شنو أگول لو شنو أسوي
كلما اتتدنى عنه يرجع يتدنى بصفي ويقترب ويقترب أكثر لحد مالزمني
بس ناديه لاتتحركين ح توكعين من الكرسي وضحك
سلطان "..
عيون سلطان شگد مشتاق لصوتج الرجولي ضربته على صدره شنو هاي ترة ازعل
لا فدوة اروحلج اتشاقه وياج
شتريد سلطان؟!
اريدج ..
تحسر وشاورني أحبك ابو ندى ياگدع انته
سلطان وتاليها وياك !
حـ اعوفك وارجع
لزم ايدي عصرها واقترب يشمني بلهفه
وين تروحين أموت اذا رحتي
نغزني گلبي لا اسم الله عليك فدوة اروحلك سلطان لاتگول هيج اني هم مشتاقة الك بس ..
... الله .. تعرف تكول كلام حلو ابو ندى دخيلك ورجع يشم بيه وهمس اطيني بوسه ايده كانت تلامس شعري وبده يلعب بترجيتي مااعرف شنو الإحساس جنني وحسيت بمشاعر جاذبيه ومحبه صادقه وياه
بس وخرت ايده خفت
كتله سلطان منا ناس فدوة
وصار الليل واني جيت ويه شيرين اختي الصغيرة وبقت ويه ضمياء وماعدي ثقه بيها ارجوك
وبعدين انته شلون تسوي هالحركات كمت كام وراي وكف ناس شكثر رايحه وجايه وعوائل وشباب ما اهتم لأي واحد وكان ملزگلي كلش فد مرة
رجفت وكتله سلطان عيب من الناس
جرني وحضنني دفعته بس على كيف ودي يبقى حاضنني بس اخجل من الناس
ناديه لعد شوكت ؟
اريد اشوفج وحدنا وعدتيني وخلفتي بالوعد
سلطان صدكني مااكدر اطلع هسة ماادري شلون دبرتها ضمياء وما اوعدك اكدر المرة الجاية رجعت لورة ورحت وعفته
كان ملهوف وعيونه دم من الشوق وبقه يصيح وراي لحظه ناديه انتظري
دا احاجيج ...
رحت بلا مالتفت وراي
ادور على شيرين يربي وين خذتها هاي الملعونه
شفتها من بعيد ركضت
لكيتها وحدهه كاعده يم شجر وتاكل آيس كريم ومدمرة ملابسها وورة الشجر مسافه ضمياء صوتها تضحك بمياعه
عفت شيرين ورحت تفاجأت بمنظرها بحضنه لسعد ويتباوسون وفاتحه قميصها وطالع صدرها منظرهم يخزي !
نظرتلها بأحتقار شگد وقحة
من حست بيه عدلت نفسها وكامت
كلش ضجت منها عفتها ورحت لحكتني
..
لحظه ناديه شبيج
حجيت بهمس لاتسمعني شيرين
وخري ضمياء شلون هيج تسوين !
انتي جبتيني لهنا حتى اسوي مثلج ؟؟!
وبعدين آمنت بيج باختي
بالله لو شايفتج ؟
أهدي ناديه اللي دا اسوي متعوده عليه ويه سعد وانتي شنو تحاسبيني شعليج أنتي؟!
خليج محد يلمسج لأن انتي ولد بالأصل هزت بيدها وغلطت وفشرت عليه بكل جراءة
حجت بغضب وعصبية وعافتني وراحت الملعونه
خلتني مصدومه بيها أكثر من قبل
اتمنى لو اقتلها واملخها هنا بنص الحديقه
بعدها تركتها ورجعت لشيرين اخذتها وغسلتها شفتها نعست وبدت تفرك عيونها
بقيت حايرة شلون ارجع هسة شلون آمنت بضمياء؟!
شلون ارجع للبيتنه يربي وفلوس ماعدي اصعد سيارة
شفت سلطان بعده واكف ويه مجموعة بنات وشباب ويضحكون يم باب الحديقه
لزمت أيد شيرين وردت اطلع انتبهت للبنات كلهم حلوات ومايعات وملابسهم حلوة ومبينه غاليه
ماادري حسيت بغيرة حرگت گلبي ونغزه بداخلي بقيت ارجف وحراره صارت بيه موتتني وربكتني
شفت سلطان اجه باتجاههي ارتبكت اكثر
وكف كبالي وحجه ويه شيرين عمو شنو رايج نصعد دولاب الهوة ؟
شيرين فرحت اي عمو ياريت ندستها
كتلها لا گليله لا عمو شكراََ
أخذ شيرين من ايدها وراح لحگته لحظه وين ماخذها تعال اشرلي بيده اششش
واشر لولد واكف يجي ويانه
وصلنه لدولاب الهوة كلش حلو وعالي ماصاعدته من زمان من كنت صغيره وبابا كان ياخذنه
بقيت محتاره شال شيرين صعدها وربط حزام الامان وكلي ظلت بكيفك ابو ندى تريد تصعد لا !!
اللي حيرني الفرحه اللي بعيون شيرين خطيه كلت آيس كريم وصعدت دولاب الهوة مگدرت ارفض تتفشل خطية
صعدت وكعدت بصف شيرين وسلطان والولد صاحبه كعدوا مقابيلنه حرك الدولاب مد رجله وبقه يتحرش برجلي وكل شويه يغمزلي
ويحجي ويه صاحبه ويسمعّني بصوت عالي
أريد اعرف انته ليش هيج خشمك يابس ولك وتاليها وياك ؟
يتنحنح ويعاين عليه بحقد ورغبه
اني لزمت شيرين ودرت وجهي وكانت تعاين للمكان ملهوفه وممنتبهه لكلام سلطان
وكل شويه يرفس رجلي
ابو ندى اذا تبقى هيج اعوفك وادور على غيرك
خزرته وضجت منه
هاا تغار مو !
ادري بيك تغار اوووف منك اوووف ويضحك
وبقى يحجي ويه صاحبه اللي هلكان ضحك هو هم ويعاين علينه اثنيننه ويسمعّه وكلما أدير وجهي يرفس رجلي
وصلنه جوه وكف الدولاب
..
يتبع..
قصة ناديه@ 6
