#لأني_أحببت/ 23
#قصة_حب
... ناديه@
...
بعد حبي وعشقي لـسلطان" ماتصورت يجي يوم من الأيام بحياتي وأحب شخص غيره لو يلفت انتباهي غير رجل ...
أما التجربة اللي عشتها بزواجي من إياد كانت بسبب سوء التصرف واعتبرها غلطة عمري والشي الوحيد اللي تندمت عليه وتمنيتة ينمسح من حياتي نهائياََ واخجل لمجرد اتذكر اللي صار وياه بذيج الليلة السوده ..
...
رجعنا من السفره للبيت وكانت جداََ مميزة
استمتعنا وتسلينة
الرحلة كلش حلوة لأول مرة نغامر هيج مغامرة
من تعب الطريق زين بقى نايم بملابسة واحنا بقينه متمددين وحدة بحضن الثانيه ونتذكر اللي شفناه واللي عشناه بيومين
ارتاحينه نفسياََ وغيرنه حياتنه بشكل مميز وبقت ذكرى جميلة نتذكرها دائماََ ...
شيرين رغم ما اصغر مني بـ 8 سنوات بس كانت جريئة وذكية وعلمتها من الصغر على الصراحة والثقة
صارت ما تضم عليه أي شئ
بقت ترغبّني وتحببّني بالشاب راغب"
وتغنيلي" سيدتي الجميلة ممكن تسمحيلي .. "
وتتشاقة وياي ونبقى نضحك
گالتلي بصراحة ... ناديه ...
تدرين لو اني رجال اربطج واشيلج للمحكمة واعقد عليج
بقيت اضحك على كلامها واملخ بيها ولج مجنونه شنو هالتفكير !
صدكيني انتي ماعدج حظ رغم مااشوفج أجمل بنيه بالدنيا
لا وداعتج شيرين انتي اللي أجمل بنيه بالدنيا وياحظة وسعدة وهناه اللي يرتبط بيج
وينه يحسره ماكو لسة
حضنتها وبقيت امسح على شعرها وكان طويل وناعم مثل الحرير
سمعيني حبيبتي شيرين .. اريدج تكبرين وتكملين دراستج لآخر مرحلة بالجامعة لأن اني نحرمت من هالشي لازم انتي تحققي وبعدها يله تفكرين بالارتباط وباللي يستاهلج لأن انتي درة ثمينة ومو أي رجل يستحقج مثلاََ مثلاََ أستاذ بالجامعة لو دكتور مهم ومشهور
حسيتها فرحت ودمعت عيونها وحضنتني بقوة
حبيبتي شيرين شكد اتمنى من الله اشوف بيها الفرحة اللي ماشفتها بنفسي ....
بعد ثلاث ايام وصينه زين لا يفتن على سالفة الغرق ولا الشاب راغب" ويكشفنه
شيرين هددته بعد مناخذة بالسفرات الجاية وضيّ تضربه وتعاقبه عاهدنه بس خفنه منه يفلّت بالكلام
رجع نور وضيّ والحمد لله سفرتهم كانت موفقه ومشت حياتنه بشكل عادي
بعد أكثر من شهر مرّ على سفرتنه كنت كل يوم اروح لمشغل ام همام اشتغل على الخفيف بالتطريز والبُلك والنمنم والاكسسوارات الموديل الداير بوقته ومااتعامل ويه الزباين مباشرة كل التعامل كان عن طريقها وبس يصير
سألتها عن راغب طلعت تعرف عنه كلشي جيرانهم من زمان وأمه عاجزة مشلولة ووالده رجل كبير بالعمر يبيع خضروات بالسوگ وحالتهم الماديه ضعيفه وخواته اربعه كلهن متزوجات بالمحافظات وهو كان متزوج ومطلق زوجته بعد سنتين زواج بسبب مايصير عدهم أطفال!
والغريب طليقته بعده تزوجت وصار عدها طفل وهذا سببله صدمه وبعد ماارتبط بغيرها
بقيت افكر بكلام أم همام شغلني
من هذا كان مهتم بزين وتعامله وياه لطيف طلع يحب الأطفال وبنفسه المسكين
رجعت للبيت حجيت لشيرين عنه السالفه كانت سريه بعدها ضيّ ماعرفت بيها
شيرين ظلت تلح عليه اروح لمحل التصوير لراغب لو اخابره
اني كنت خايفه وبعدني ما اثق بأي رجل
شيرين تكلي ناديه حرام عليج فاتج القطار وعمرج ضاع بلا حب والشاب جذاب وفرصة وبلكي الله يقسملج حياة حلوة وياه
اخذت على كلامها وخابرته بليل دكيت اكثر من مرة ماكو رد
بعدها اقترحت عليه شيرين اروحله على العنوان
الصبح سبحت وبدلت ثوب بنفسجي فيزون من ملابسي القديمه موكلش طويل وفتحت شعري اللي رجعت صبغته بني فاتح ما لائمني الاشقر والميش
خليت مكياج خفيف وطلعت وحسيت بشيرين متفائلة فرحانتلي خطية بوستني وكالت اخذي راحتج اني اطبخ الغدة واذا سألت ضيّ اكللها راحت لأم همام
وصلت للعنوان بالسوگ
محل قديم بس عنده ناس هواي وأكثر شئ أطفال الظاهر منسق ويه الأطفال من كثر مامحروم من الأبوة
دخلت انتظرت برة
كان ولد صغير تقريبا 13 سنه
كاعد بكرسي يدخل الناس واحد واحد لغرفه التصوير
ورة نص ساعة وصل دوري دخلت سلمت كان كاعد كام وكف وفتح عيونه واستبشر وفرح
يا اهلاََ وسهلاََ تفضلي استريحي
اجيت اخذ الصور
ماشي تفضلي .. مستعجله !
لا اخذ راحتك ..
استريحي ..
طلع حجه ويه الولد دخل اللي وراي بنوته صغيرة ويه امها
كلي بس اكمل الموجودين
عادي براحتك انتظرك ..
حسيته مرتاح ويمكن كان ينتظرني من زمان اجي وبده يتفنن بالتصوير يمكن حتى يلفت انتباهي تقريباََ ساعه كمل
گلي ناديه ليش تأخرتي يله اجيتي فتح المجرات وطلع صوري
الله شكد حلوات ..
هاي لأن انتي حلوة بالأصل
خجلت من كلامه ..
نعم !
تنحنح ...
حسيت بي جان رومانسي وعمداََ يريد يتقرب مني مااعرف بس اكو بي شئ مميز ..
فتحت جنطتي دا احاسبه طلعت فلوس لزم ايدي
شدا تسوين !
هااا .. شبيك راغب غير انطيك أجور الصور
حرك حواجبه .. لا
مااخذ منج فلس بس ...
بس شنو ..
ممكن تقبلين عزومتي
ماشي راغب بس أني مشغولة هسه وأكيد انته هم مشغول
لا عادي ماعندي شئ والشغل يتأجل ..
وبالنسبه لشغلج شنو ممكن اعرف ؟
يعني تريد تفهمني ماسألت عني هالمدة كلها وبقيت منتظر إلا اجي أني واحجيلك !
شفته نحرج وتلعثم بالكلام
ابتسمت وحسيته نحرج
ماشي راغب اخابر للبيت لو تسمح اكللهم راح اتأخر
هز برأسه واشرلي على التلفون
كعدت بالكرسي خليت رجل على رجل بقه يعاين على رجليه
خابرت شيرين كالت ماكو شئ بس زين خبصنه عليج
حاجاني زين كتله صير مؤدب ولاتزعل عمة شيرين ومن أجي اجيبلك نستلة
طبكت السماعة شفت راغب بعده واكف يعاينلي ومبتسم
كتله شنو !
هاا .. !
لا بس حبيته لزين ياريت لو تجيبي وياج مرة الثانية
لا وين أجيبه يمعود زين ذكي ويفهم الكلام يروح يفضحني كدام أمه وأبو ويسويلي مشاكل
اقترب مني .. وليش يفضحج !
احنا ممسوين شي غلط !
رجعت لورة ولبست الجنطه على متني
ارتبكت ..
راغب ممكن ننروح لو تتأخر ..
وين ننروح !
هاي شنو يمعود توك عزمتني !
اني ... !!
اني عزمتج !
راغب اذا تظل هيج تتصرف تتشاقه ومادري أيش
تره ضجت وصارت بلا ملح واني اعتذر رايحه تأخرت
درت وجهي ركض لزمني وصار وجهه ببوجهي
يمعوده أهدي شبيج
تعالي وين !؟
اني ماصدكت اشوفج وانتظرتج هواي صارلي شگد
دنگت
رفع راسي ..
وروح ابوج اتشاقة وياج وحبيت الطف الجو لاتضوجين
وبالله شمدريك والدي متوفي !
تنحنح ... لأن معجب بيج ووسألت
وعرفت كلشي عنج ...!
...
يتبع ...
#قصه_ناديه@23
