#لأني_أحببت/ 15
#قصة_حب
... ناديه@
/ملاحظة :-
الاحداث القادمة بيها جرأة ومن الواقع +🔞
مع لمسات من خيال قلمي العاشق 👍
...
نظراته كانت تختلف عن كل مرة !
اقتربت منه عاملني ببرود
أخذت نفس عميق وحجيت بهمس
شلونك سلطان ؟
تنحنح وباوع لساعته
اشرلي ندخل للمطعم
حسيت بي مثگل و زعلان مني
دخلنه كعدنه ..
عاينتله صفح حسيته متوتر بس يفرك بيده وكل شويه يعاين بساعته إجه الصانع گله سلطان جيب بس عصير
هالمرة منريد أكل
اقتربت منه سلطان حبيبي شبيك !
هااا ..
ماكو شي .. ودار وجهه عني
جريته من ياخة القميص
لااا اكو شي سلطان
شبيك ياعيني
انته مو سلطاني حبيبي !
عرگ وتوتر وبقه يمسح بكصته
سلطاني ليش تعاقبني حرام عليك
يعني لو نتزوج بالسرّ لو تعوفني !
اقتربت منه اكثر وبديت اشمه من بلعومه تخبل وتصرف بجنون
كومني من الكرسي بسرعة وجرني من متني
ظل يتنفس سريع ويرجف كلي بعصبيه ... ناديه امشي وياي
وين سلطان؟؟!
امشي دا اكولج
مااعرف شحسيت وقتها
بس مبين عليه الشوگ والعشگ بحيث رادني و مات عليه
كان مشتاقلي بجنون وملهوف عليه كلش ولهفته جننتني وياه
اخذت جنطتي وطلعنه بسرعه
لزمني من ايدي ومشى سريع
سلطان على كيفك !
امشي ناديه ما اكدر اشيلج بنص الناس امشي حبيبتي عجلي
مسافه مشينه ..
اكو سياره ولد واكف صعدني بيها بالصدر وأخذ السويج من الولد وصعد اشرله راح
صعد بالسياره وقفل الباب
شنو هاي سلطان !
منيلك هالسيارة ؟!
ووين ماخذني حبيبي ؟!!
ظل ساكت بس ينافت ويسوق سريع
اقتربت منه وحضنت زندة ميهمني وين يأخذني اهم شيء ابقى وياه
كان لابس شيرت بني فاتح ردن طويلة
وانفاسه دافيه تذوّب وحسيت بكل نبضات گلبه
ماهمني شي غير بس ارضيه
باسني برأسي وقللّ سرعه
تحبيني ناديه !
اموت عليك سلطاني وحبيبي انته
ظليت ابوس بزندة وامسحه بخدي
وكف السياره لزمني بيديه من ركبتي ملخني بالبوس بشفافي
...
سلطان اهده فدوة خاف أحد يشوفنه
محد يشوفنه ولج هالمكان آمن
اذا تخافين ارجعج وبعد متشوفيني
سلطان دخيلك اموت والله ما اكدر على فراگك
وبعدين وخرّ عني
دفعته
ضحك شبيج هسه ياا حبيبتي !
ليش انته شنو تعاقبني وتعوفني زعلت منك وخرّ
آاااه منج سحبني وشبكني حييل وبقه يبوس بيه شكد احب دلالج وانوثتج
انتي السبب ماخلتيني اشرحلج واوضحلج وزعلتي وعفتيني
مااكدر اكمل وياج بهالضروف وعلى هالبرود ناديه ارجوج
لا سلطان فدوة اقتلني ولا تعوفني مره ثانيه
آااه يـناديه لو اكدر اعوفج جان عفتج من زمان
احبج ...
آااه من الحب ...
بقينه ساعه ماادري اكثر مندمجين سوة وتوجّنه علاقتنا ببوسات واحضان ولمسات ناعمة ورومانسية عشگ صارت بيننا بدون حساب مسبق
حبيت كلشي منه وكل اللي سواه سلطان لأن هو ملكني ومحد راح يملكني غيرة
....
بعدها گوه عافني هلكني هلاك ...
دفعته بصعوبة
بسسس سلطان رجعني تأخرت فدوه اروحلك ..
...
رجعني للبيت وراح ..
بس اخذ روحي وياه
اتفقنه نتلاگه دائما بس مو كل يوم حسب ما گال عنده ضروف صعبة وماعرفت شنو من ضروف لو من شنو يعاني
أخذ نص گلبي وياه وراح .. لا أخذ گلبي كله
آااه ... شلون عودني عليه هذا
جنني بحبه وسوالفه ورومانسيته ولهفته ...
...
رجعت للبيت سبحت وبدلت ملابسي نسيت سالفه نور وهذا دريد
سألت شيرين كالت نور اليوم عصبي وكل شويه يصرخ على ضيّ ويتعارك وياهه
وهسة ضيّ عند اهلها !
ياربي شصاير وياهم !
يعني ميصير اكمل فرحتي بـفد يوم و اتهنى
كعدت صافنة وافكر وامشط شعري
شيرين اجت يمي وصفنت ببوجهي
ناديه !
فززتني
شنو ؟
شبي حلگج احمر !
ووجهج !!
شنو ماكلة شي لو كنتي حاطه مكياج !
هااا !
صدگ عاينت وجهي بالمراية خرب إبليسك سلطان شسويت بشفايفي ؟!
خليت مكياج خفيف وحمرة شفايف سحرية حتى لايبين شي وكلما اتذكر بوساته احس بلهفه الحب واشتاگ للقاءي بسلطاني وحبيبي
سمعت صوت نور طلعت للصاله
جان معصب و حجالي شلون راح تعارك ويه دريد وهدده يشتكي عليه
ومن رجع بقه يتعارك ويه ضيّ وهسه زعلانه عند اهلها
الحمد لله بعده ما منتبه لعلاقتها بي وخيانتها إله
گلي خليها كم يوم عد اهلها تتأدب وتعرف شلون تتصرف وتفكر بينه وتبطل أنانية
ماشي نور بس أهده إنته
خليني اسويلك هسة لگمه تاكلها لو جاي تشرب
انتبه وصفن ببوجهي
هذا شنو هالمكياج شطالعه أنتي شعدج ناديه گولي ؟!
خجلت منه ودنگت ..
هاا نور ...
والله جنت ضايجه شخبطت ببوجهي شويه شبيك
رحت للمطبخ وخفت يحس بيه
آااخ منك يسلطان وتاليها وياك
...
مرت الايام وكانت علاقتي بسلطان كل يوم احلى من اللي قبله
بالبيت اشغل نفسي أدرّس شيرين
ومرات ادرس ما استوعب دروسنا صعبه
وضيّ بقت عد اهلها
وسلطان كل ثلاث ايام لو اربعه يالله يجي وياخذني من بعد الدوام لو للمطعم نفسه لو بسياره صاحبه نقضي وقت مع بعض بنفس المكان
لحد إمتحانات نص السنه اتفقت وياه بعد الامتحانات نتلاگه حتى نتفرغ ندرس اثنيننه وماننشغل عن الامتحان ومن يروح نور للدوام أخابره بليل ساعات ونبقى نسولف ومرات هوه يدرسّني بالتليفون لأن كان ذكي وشاطر ويساعدني بحل مسائل الرياضيات والفيزياء
...
خلصت الامتحانات بصعوبة وكنت اشوف نور من يجي بأجازته متألم ومهموم بسبب فراق ضيّ
بالعطله اتفقت ويه سلطان" نتلاكه ضروري اشتاقيتله كلش وهو كان مشتاقلي اكثر
بس شيرين شلون اعوفها وصيتها الصبح ألف وصية وطلعت لبست ثوب ردن ابيض وبي نقش احمر ووردي وخليت مكياج وعطر وطلعت على موعدنه اجه بسيارة صاحبه رأس الشارع صعدت ظل يصوفر شنو هاي ناديه شطالعة اليوم كيكه
غمزلي ...ليش هيج تخبليني عليج كل مرة احلى من قبلها
حضنته
حبيبي شكثر مشتاقتلك
وصلنه لمكاننه وكف السياره وهالمرة جان قاسي وياي طفر من مكانه وهجم عليه
يمكن كان ملهوف أكثر من قبل بس سوة أشياء جريئه وراح زايد وياي
تمادى كلش وخوفني منه
لا ... سلطان ... لااا
دفعته وضجت حيل حسيت بي زودها
كتله خلاص بسسس
رجعني سلطان لهنا وبس
عدل ملابسه ورجع بمكانه فتح جام السياره بقه ينافت ويمسح ببوجه اني هم عدلت نفسي وتتدنيت عنه مسافة
آسف ناديه ..
سلطان" ماريدك تتأسف
رجعني للبيت اني اللي غلطانه وثقت بيك هالگد وسمحتلك
درت وجهي وبعد ماباوعت بوجهه
حرك السياره وشغل كاسيت اغنية [جورج وسوف الهوى سلطان" ] وبقه يدحج برجلي
كل شويه يتنحنح
وكف السيارة
زمخت بي سلطان مو گتلك رجعني
هسة ناديه ارجعج شبيج قابل حـ اخطفج !
عايني بعيوني
جرني دا اكولج عايني بعيوني
عوفني سلطان كافي اللي دا نسوي غلط
اذا تريدني تعال اخطبني فاتح أهلك بالموضوع واني اقنعه لأخويه نور الدين"
ناديه شدا تكولين مجنونه انتي ! مو بهالسهولة الموضوع
ششنو أني مجنونه؟!
#لأني_أحبك واريدك تصير زوجي واصير مرتك
اريدك حلالي
هه ... معناها تريد تتسلى بيه !
لاااا ناديه وداعتج ما اتسلى
لعد شنو ؟
اسمعيني
حبيبتي انتي ..
اني كتلج مااكدر هسه صعبة إلا اكمل مشوار الدراسه على الأقل نوصل لمراحل الكلية يابعد روحي انتي فهميني الوضع صعب هسه و مو بيدي
.. ما اعرف سلطان انته دبرها مال تلمسني هيج وتتمادى بدون ارتباط مستحيل
ماشي ناديه
أني غلطان اعتذر منج
دار وجهه عني وحرك السياره
صرخت بي وكتله ياربي سلطان أرجوك انته ليش هيج تعذبني
هسة اكيد تزعل وتعوفني ايام وابقى اتعذب بفراگك !
رجع وكف السياره وصرخ كااافي ناديه ودگ على الـهورن
لزمت ايده طرمني
بسس سلطان ... بس يمجنون
اهده أرجوك
ناديه شتريدن مني هسه ارحميني تعبت !
دمعت عيوني ونهضمت لأن ماعرفت شسوي وسلطان كان كلش عصبي وغاضب
..
يالله ... راح تبجي شلون ناديه وتالي وياج؟!
فتح باب السياره ونزل
نزلت وراه وحضنته حييل
المكان كان قريب من جبال وبارد
خله رأسه على راسي
ومسح دموعي وجر حسرات
..
خليني هسه ارجعج ناديه وبعدين نحجي و نتفاهم انتظر مكالمه منج بليل ماشي؟
هزيت برأسي أي ...
صعدنه بالسياره
رجعني وراح بسرعة ...
حسيت بإحساس غريب ماادري ليش
كأنما بعد هاللقاء حـ يصير شي مختلف وجديد
يغير علاقتنة ويأثر علينه ...
يتبع ...
#قصه_ناديه@15
