AMBER (18+), SEASON 1 & 2. Completed.

CHAPTER 20

Saya keluar ja dari bilik si Cliff, terus saya turun bawah. Masih bingung-bingung lagi saya. First pasal si Sharon. Macam mana saya mau handle roomate saya ni? Second si Cliff, kenapa kami selalu 'gantung' ni, adakah pasal kami sengaja digantungkan? Ada hikmahnya orang bilang. Third? Macam ada something lagi, but I have no idea what is it.

Sampai bawah, si Coll sibuk tengok Facebook. Si Carl pula, dui gia.. Tertidur atas sofa, penat kali membawa si baby Amber meningu '300' kan. Saya pi duduk di sebelah dia. Masih dub dab tu jantung saya pasal babak saya sama si Cliff tadi. Gilak!

"Amb, ko tengok bah ni nah?" Si Coll suruh saya tengok tu screen laptop. Muka si Sharon. Saya diam ja memerhati tu gambar-gambar..

"Gete oh, ni kah si abang Cliff suka. Ew!" Sambil si Coll kasih tunjuk tu gambar satu-satu. Gambar si Sharon hembus asap sigup. Gambar dia bepeluk sama Mat Salleh, gambar dia di pub. Time tu memang fikiran kureng matang sikit, but now, who are we mau judge too much kan?).

"Urang putih oh boyfriend dia..." Saya bisik si Coll.

"Besar lah tu kan!" Si Coll bilang terus kami ketawa 😂.

"Buduh ko Coll..." Saya tulak badan dia. Pelan-pelan kami becakap, takut si Carl tebangun.

Actually, saya mau share bah si Coll pasal si Sharon, tapi saya belum berani, habis melibatkan abang dia kan. Jadi saya belum ready mau cerita sama dia, biarpun hati saya bersorak-sorak sudah mau share sama si Coll. Tiba-tiba si Carl tebangun.

"Eh Amber, you siap mandi sudah pula." Dia bilang. Sambil dia gusuk-gusuk mata dia, terus dia menggeliat sampai terkeluar suara garau dia, punya kuat suara dia sampai bergema tu rumah 😂. Terkejut my heart you know, tapi si Coll relax ja, sudah biasa dengan perangai abangnya.

"Ya, tadi lagi. Why don't sleep upstairs?" Actually masa dia sama parents dorang datang, dorang tinggal di Hotel. Saya pun tidak sure kenapa dorang tidak stay ja di rumah, kici kali tu rumah bagi dorang, atau dorang terlampau banyak duit mau kasih spend, atau dorang mau tempat yang siap bulih order breakfast, lunch or dinner. Setahu sy, parents si Coll sudah balik KK, si Carl pula sepatutnya balik KL.

"Will go back to hotel later. Amber, tomorrow you free? I'll be back to KL sdh..."

"Ya, what time?" Tiba-tiba saya sedih yang si Carl mau balik KL sudah 😟, my other guardian.

"My flight is at 2.00 pm. Around 12.00 pm we meet?" Berehem-ehem sudah si Coll ah, si Carl ni, mau bawa jumpa pun bawalah saya cakap jauh-jauh bah.

"Okay...." Saya kasi panjang okay saya. Mau tidak mau bah tu, tapi sebenarnya mau. Saya punya guardian angel kan😉.

Si Cliff tidak sudah turun, kecewa kali telampau kena gantung. Saya masih fikir lagi pasal dia. Begitukah rasanya bila sudah kena kiss? Awww! My first kiss..

Tidak lama tu si Carl pun balik. Dia kasih remind lagi saya jumpa bsuk jam 12.00 pm. Dia cakap tidak payahlah balik rumah sewa, nanti dia datang sini. Saya pun sebenarnya belum ada hati lagi mau balik, malas saya kena face to face sama si Sharon. Saya mesti fikir dulu apa saya mau buat sama tu perempuan.

Mau kah tidak ni ah kasih cerita si Coll pasal si Sharon? Saya kena ada supporter juga, mesti mau ajar juga si minta puji ni. Dasar gete punya manusia. Mau dapat lelaki pun dengan cara kasih fitnah orang bah. Saya imagine sudah saya pigi gertak dia sambil saya pigang baju dia naik sampai leher, terangkat terus dagu dia, terus saya cengek dia sampai batuk-batuk, terus kasih hantuk lagi kepala dia di dinding, terus berdarah kepala, keteh!