மேரிக்கு நூரை பார்க்கவே பயமாக இருந்தது, குனிந்த தலையை அவள் நிமிரவே இல்லை. அவளின் பயம், அவள் வார்த்தைகளுக்கும் தொற்றிக் கொண்டதோ என்னவோ, அவை தொண்டையில் கிச் கிச்சாக ஒட்டிக் கொண்டு வெளிவர மறுத்தன. ஒரு வழியாக வார்த்தைகளை அப்புறப்படுத்த தொடங்கினாள்.
" நீங்க நேத்து கணேஷ் சார்ட்ட பேசிட்டு இருந்தத நான் கேட்டேன் மேடம், உங்களுக்கு வேனா டாமி வெறும் நாயா இருக்கலாம், ஆனா எங்களுக்கு அது ஆறு வருஷமா எங்க வீட்ல ஒரு ஆள் மாதிரி, நாலு நாளா தான் உங்கள எங்களுக்கு தெரியும் அப்டிபட்ட உங்களுக்கு துரோகம் பண்ணவே நாங்க யோசிச்சோம் , எங்களால எப்டி டாமிக்கு துரோகம் பண்ண முடியும். நாங்க டாமிய கொடுக்க முடியாதுன்னு சொன்னா நீங்க வலுக்கட்டாயமா எடுத்துட்டு போய்டுவிங்க, அதனால தான்.." சொல்ல வந்தவள், நிறுத்தி விட்டு தன் தோழிகளை பார்த்தாள், அவர்களும் ஆமோதிப்பதாக தலை அசைக்க, தொடர்ந்தாள், " அந்த டிவைஸ் நாராயணன்ட்ட கொடுத்துட்டோம், நாங்க செஞ்சது தப்புன்னா ...."
" வாட் த ஹெல்.. " கோபத்தில் கொக்கரித்தாள் நூர், " ஒரு நிமிடம் தன் கோவ கனலை அடக்க முயற்சித்தவள், முடியாமல் மீண்டும் வெடித்தால்,
" நீங்க எல்லாம் லூசா.. கொஞ்சம் கூட அறிவு இல்லை. இது எவ்வளவு பெரிய விஷயம் தெரியுமா. நான் இதுக்காக எவ்வளவு கஷ்டப் பட்ருக்கேன் தெரியுமா ? " மேரி எதோ பேச முயல்வதை கண்டவள், அடிப்பட்ட பாம்பாய் அவள் மீது சீறினாள், " டோன்ட் எவர் ஓபன் யுவர் மௌத், நான் உங்கள சும்மா விட போறதில்ல.. நீங்க பண்ணது கிரிமினல் வேலை, உங்களலாம் உள்ள வச்சு...... ஏன் இவ்வளவு முட்டாளா இருக்கீங்க.. ஆப்டர் ஆல் அது ஒரு நாய், நீங்கலாம் இப்டி இருக்குறதாலதான் ஆம்பளைங்க இப்டி பொண்ணுங்கள மிதிக்குறாங்க. ஒரு தடவ ஒரு பொண்ணு ஜெய்க்க கூடாதா..? .. அதுக்கு பொண்ணுங்களே தடையா இருக்கணுமா.. இன்னும் சீரியல் பாத்துட்டு செண்டிமெண்ட், பாசம், பாவம், அன்பு, காதல்னு" கடைசி வார்த்தையை சொல்லும்பொழுது அவள் குரல் தழுதழுத்தது . குரலை சரி செய்து கொண்டு மேலும் தொடர்ந்தாள்.
ESTÁS LEYENDO
டிடெக்டிவ் திருமதீஸ் (Completed)
Humorமூன்று குடும்ப பெண்மணிகளின் சீரியல்களுக்குள் தொலைந்த வாழ்க்கை, சந்தர்ப்ப சூழ்நிலைகளால் அசாத்திய, அட்வெஞ்சராக மாறுவதை நகைச்சுவை கலந்து தொடுத்துள்ளேன். உங்கள் கருத்துகள் வரவேற்கப்படுகின்றன.
