மேல் மூச்சு கீழ் மூச்சு வாங்கி முடித்து காயத்ரி வந்து நிற்க, நூர் சீரியஸ் ஆக கணேஷுடன் பேசிக் கொண்டிருந்தாள்.
" நான் நெனச்சது கரெக்ட் கணேஷ். நீங்க உடனே இங்க வாங்க, நாம கெளம்பனும் இப்போவே.." போனை மடித்து பாக்கெட்டிற்குள் திணித்தவள், ஸ்டில் இமேஜ் ஆகா உறைந்து நின்ற தோழிகளை பார்த்தாள் . அவள் ஆர்வத்தில் கொஞ்சம் ஓவராக போய் விட்டோமோ என அப்போது தான் தோன்றியது.
" சாரி.. கொஞ்சம் எக்சைட் ஆயிட்டேன், க்ளூ ல இருந்த நம்பர் , சிடிஐ பேங்க் அக்கவுண்ட் நம்பராம் , இப்போ தான் கணேஷ் சொன்னாரு. நாம இப்போ அங்க போக போறோம், ஓகேயா .." என ஒரு மந்திர புன்னகையை வீசி விட்டு நகர்ந்தாள். இவள் தான் சற்று முன் அழுத்தாளா , என தோழிகளுக்கே ஒரு நிமிடம் திகைப்பாக தான் இருந்தது.
காரில் அரை மணி நேரம் உயிரை கை கால் என எல்லாவற்றிலும் பிடித்து வௌவால் போல தொங்கி கொண்டு தான் வந்தார்கள் தோழிகள். இவ்வளவு வேகமாக யாரும் காரோட்டி இவர்கள் பார்த்தது கூட இல்லை. அலமாரியில் நுழைந்த எலி போல கார் ட்ராபிக்கில் புகுந்து புகுந்து, ரெட்-இல் முறைத்த, டிராபிக் சிக்னல்கலை கண்டு கொல்லாமல் ஜுட் விட்ட படி பாங்கை வந்து அடைந்த போது, பேங்க் மூட அரை மணி நேரமே பாக்கி இருந்தது. கார் கதவு திறந்ததும் , ஏஸி காரில் வேர்வையில் நனைந்தவாறு இறங்கினர் தோழிகள்.
நொடி கூட தாமதிக்காமல் பாங்கினுள் விரைந்தாள் நூர். அவள் வேகம் நியாயமானது தான். அது ஒரு கவர்மெண்ட் பேங்க் என்பதால் பணி நேரம் முடிந்ததும் பஞ்சாய் பறந்து விடுவார்களே ஊழியர்கள். நூர் என்குவரி கவுண்டரை அடைந்ததும் தான் மூச்சு விட்டாள். அங்கே மூக்கின் விளிம்பில் தொத்திய கண்ணாடியும், காதோரம் உஜாலாவுக்கு மாறிய நரை முடிகளுமாய் ஒருவர் இவள் வந்ததையும் கவனியாமல் கணினியில் மூழ்கி அல்ல முக்தி அடைந்திருந்தார்.
" சார் சார் " நூர் கவுண்டரை லேசாக தட்டவும், தன் தியானத்திலிருந்து விழித்தவராய் , தன மூக்கு கண்ணாடி வழியே பார்த்தார்.
" சொல்லுங்க என்ன விஷயம்."
" எனக்கு ஒரு அக்கவுண்ட் டீடைல் வேணும், ஐ அம் ப்ரொம் சிபிஐ .."
ESTÁS LEYENDO
டிடெக்டிவ் திருமதீஸ் (Completed)
Humorமூன்று குடும்ப பெண்மணிகளின் சீரியல்களுக்குள் தொலைந்த வாழ்க்கை, சந்தர்ப்ப சூழ்நிலைகளால் அசாத்திய, அட்வெஞ்சராக மாறுவதை நகைச்சுவை கலந்து தொடுத்துள்ளேன். உங்கள் கருத்துகள் வரவேற்கப்படுகின்றன.
