Khuda Rooh aur Khuwaish

Chapter 2

"Hey Humaima! Kya soch rahi ho?" David kamray mein red roses ka ek bokay liye dakhil hoa.
"Kuch nae. Bus aj doctor ke pass gayi thi. Tw she told me that it's a girl."
"Aren't you excited?"
"Hannn.. Nahi obviously I am."
"Tw koi nam socha tumne?"
Nahi is baray mein tw mainay socha hi nahi tha. Uska kya nam hoga? Kya uska nam musalmano wala hoga? Agar David na mana tw kya hoga?
"What are you thinking Humaima? Jab se tum pregnant hoyi ho kisi aur hi duniya mein rehne lagi ho. Is everything okay?"
"Mujhe apni family yaad arhi hai. Mein kitni khudgharz thi na. Sirf apne faiday ke liye sab ko itne dukh dediye."
"Tw kya mainay tumharay liye sab nhi chora. Apne parents apna mulk apni property. Kya mainay apni personal problems ki wajhay se tumhe disturb kiya hai jo tum ne meri Zindagi azaab bna.."
"David yeh tum kya bol rahay ho?" Mein kabhi bhi David se yeh expect nhi kersakti thi. Woh tw meri har problem samjhta tha. Tw ab? Ab usse kya hogaya hai?
"Loook! Yaar I am sorry." Yeh bol ker woh uth ker chala gaya.
Sirf sorry David.

Jab Aapi pregnant thi, tw sab kitna khush thay. Aur mere baray mein koi janta bhi nhi. Aur agar jaan bhi liya tw unhe mazeed takleef hi hogi.
"Sara beta! Tum is waqt mein jitni Allah ki ibadat kero ge, bachay per utna hi acha asar hoga." Ammi kash ap yeh saari batain mujhe bhi bolsakti.

Yeh soch ker mein uth ker Wazoo kerne gayi. Aur mainay apna Quran khola. Woh Quran jo Baba ne meri rukhsati ke liye liya tha. Ghar se bhagtay hoye jo thori si cheezain mainay uthayi theen. Un mein se ek meri rukhsati ke liye rakha hoa Quran bhi tha. Mujhe apne ap se ghin arhi thi, mainay in 2 saalon mein kabhi bhi woh Quraan Pak nhi khola tha.

Jab mainay phela safha khola tw usme ek note rakha tha:
"Meri pyaari beti Humaima!
Mein tumhe is Quraan ke saye mein rukhsat ker raha hoon. Tumhe jab bhi zindagi mein koi bhi masla aye, mein tw tumharay saath khara hoon ga hi. Lekin tumhe apne saaray masloon ka hal is kitab mein mile ga."
Yeh perh ker meri ankhoon mein ansoon agaye. Baba ki support tw mein kho hi chuki thi. Lekin mainay kabhi unke mere liye laye hoye Quran se bhi madad nhi li thi.
Mein thori dair tilawat kerke bed per ja ker lait gayi. David abhi tak ghar nhi aya tha. Mein janti thi ke aaj raat woh bahar hi guzaray ga. Jab bhi hamara phada hota hai woh poori raat bahar hi guzarta tha.

Aaj raat mein sukoon se soyi, mujhe kisi qism ka khaof nhi tha. Aaj roz raat ki tarha is bat ka dar nhi tha ke agar mein margayi tw kafi maroon ge. Lekin ajj dil ko ek ajeeb qism ka sakoon tha.

Jab mein subha uthi tw David mere brabar mein hi so raha tha. Kya yeh raat mein ghar agaya tha? lekin phir isne mujhe uthaya kyun nhi?

*Assalam O Alikum People!!!

Please tell me your views about the novel. Should I continue writing it Or not?

Do Vote and Comment!!!

JazakAllah :) *

June 17th, 2017