Khuda Rooh aur Khuwaish

Chapter 25

"Khud ko kis azmaish mein dal liya hai Maima tumne?" Farasha ne mujhse pocha.
"Kya kerti mein yaar aur? Jo gunah kiya hai uski talafi bhi kerni hai. Aur mein ab ek beti ki maa hoon, mein ab sirf apne baray mein tw nahi soch sakti na!" I sighed.

Farasha's POV
Mujhe Zaid se baat kerni chahiye. Usse Humaima ke baray mein btana chahiye. Hosakta hai ke Zaid ko David kuch samjha sakay.

"Hello!" Mainay himmat kerke Zaid ko call ki. Usne dosri hi bell per call uthali.
"Hello? Farasha yeh tum ho?" Usne hairat angaiz andaz mein pocha.
"Haan! Zaid mein tumse ek baar milna chahti hoon."

Mein usse sirf Humaima ke liye hi nhi, apne liye bhi milna chahti thi. Btana chahti thi ke istiqhare mein uska hi naam aya hai. Btana chahti thi ke mein ab baghair kisi dar aur khof ke uski honay ko tayaar hoon.

"Hellooooo? Farasha tum sun rhi ho?"
"Nahi! Nahi.. Woh awaaz clear nhi thi."
"Achaa. Okay! Phir kal milte hain, tumhari favorite coffee shop per."
"Done!"

End of Farasha's POV

Ammi Abbu ko shadi ke liye haan bol ker mein pachtarahi thi. Mein kaisay khud ko kisi ke naam kersakti thi. Aur Jannat? Jannat ka kya hoga? Kya woh mujhe kabhi bhi maaf kersakay gi? Mere Allah! Yeh mainay kya kerdiya? Sirf ek shkhs ki mohobat mein mainay saari mohobatain qurbaan kerdein. Aur aaj jab mujhe saari mohobatain wapis milne wali hain, tw mein kyun David ki mohobat qurban nahi ker pa rhi. Zindagi kyun ek baar Phir bemayine lagnay lagi hai. Aaj mein phir waheen khari hoon jahan David se shadi kerne phele khari thi.

Mujhe yeh sab nhi sochna chahiye! Mainay David ko Islam ke liye chora tha. Mujhe ab Sirf Allah se mohobat honi chahiye. Mujhe sirf apni beti ki perwah honi chahiye. David meri zindagi se ja chuka hai.

Khaab sab toot gaye
dil se dil door huay
fasalay darmiaaan
waqt se majboor hua
saath tha chal na chale
pal mai hee
bhool gaye
tere liya
mera jeena kya hua
tujhe haasil na kiya
huye khudsay na bata
tu bata thee meri kya kata
tujhe chahaa be panaah
mera dil pe merahmaan

A

fter 2 weeks...

Aaj meri zindagi tabdeel honay ja rahi thi. Newyork ki galiyoon se aaj mera taluq totnay ja raha tha. Jahan mein David ke saath zindagi guzarnay ayi thi. Aaj mein permanently Houston shift honay wali thi. Urosa se dour... Apne maazi se dour... Aur sab se berh ker David ki yadoon se dour. Na janay yeh mera pecha kabhi chorain bhi ya nahi.

"Humaima Khan? Kya apko Waleed Shah wald Abdullah Shah se apna Nikah qabool hai?"
Mere laboon se awaaz nhi nikal rahi thi. Bari mushkil se, kapkapatay hontoon, ankhain band ker ke, mainay kehdiya.
"Qabool hai!"

*A/N:
Assalam O Alikum!!
Sorry for the late update.
*Kaan pakar ker*
Sorryy for such a short chapter.
Please drop down your views.

And Thankyou so much everyone for loving my novel so, Khuda Rooh aur Khuwaish is the winner of THE DESI AWARDS 17. Aur yeh ap sabke baghair possible nahi tha.