ﺍﻣﻲ ...ﺍﻣﻲ ﻭﻳﻦ ﺍﻧﺘﻲ .
.ﺳﺤﺮ ﻋﻠﻲ ﻃﺎﻟﺒﺔ ﻓﻲ ﺳﻨﺔ ﺗﺎﻧﻴﺔ ﺟﺎﻣﻌﺔ ﺑﺖ ﻣﺘﻔﻮﻗﺔ
ﻭﻃﻤﻮﺣﺔ ﺗﺪﺭﺱ ﻓﻲ ﻛﻠﻴﺔ ﺍﻟﻬﻨﺪﺳﺔ ﻭﻧﺎﺟﺤﺔ ﺟﺪﺍ ﻓﻲ
ﺩﺭﺍﺳﺘﺎ ﻭﻧﻔﺴﻬﺎ ﺗﻜﻮﻥ ﺷﺨﺼﻴﺔ ﻣﺮﻣﻮﻗﺔ ﻭﻧﺎﺟﺤﺔ ﻓﻲ
ﺣﻴﺎﺗﺎ ﺭﻏﻢ ﻭﺿﻊ ﺍﺳﺮﺗﺎ ﺍﻟﺒﺴﻴﻂ .. ﺳﺎﻛﻨﺔ ﻣﻊ ﺍﺑﻮﻫﺎ
ﻭﺍﻣﻬﺎ ﻭﺍﺧﻮﺍﻧﺎ ﺍﻻﺗﻨﻴﻦ ﻭﻫﻢ ﺍﺻﻐﺮ ﻣﻨﻬﺎ ﻓﻲ ﻭﺍﺣﺪ ﻣﻦ
ﺍﺣﻴﺎﺀ ﺍﻣﺪﺭﻣﺎﻥ ﺍﻟﻘﺪﻳﻤﺔ ﺗﻤﺘﻊ ﺑﻲ ﻗﺪﺭ ﻣﻦ ﺍﻟﺠﻤﺎﻝ ﻟﻜﻦ
ﻛﺎﻧﺖ ﺷﺨﺼﻴﺔ ﺟﺬﺍﺑﺔ ﻭﺍﻱ ﺯﻭﻝ ﺑﺸﻮﻓﺎ ﺑﻌﺠﺐ ﺑﻴﻬﺎ
ﻭﺑﻲ ﺷﺨﺼﻴﺘﺎ ﻭﻃﻤﻮﺣﺎ ﻭﻓﻲ ﻧﻔﺲ ﺍﻟﻮﻗﺖ ﻣﺎﻛﺎﻧﺖ
ﺯﻭﻟﺔ ﻣﻐﺮﻭﺭﺓ ﻟﻜﻦ ﺑﺮﺿﻮ ﻣﺎﻛﺎﻧﺖ ﺑﺘﺴﻤﺢ ﻟﻲ ﺍﻱ ﺯﻭﻝ
ﻳﺨﺶ ﺣﻴﺎﺗﺎ .... ﺯﻭﻝ ﻭﺍﺍﺍﺍﺣﺪ ﺑﺲ ﺷﺎﻏﻞ ﻗﻠﺒﺎ ﻭﻛﻞ
ﺗﻔﻜﻴﺮﺍ ...ﺯﻭﻝ ﻋﻨﺪﻭ ﻧﻔﺲ ﻃﻤﻮﺣﺎﺗﺎ ﻭﺯﻭﻝ ﻋﻤﻠﻲ ﺟﺪﺍ
ﻭﻭﺿﻌﻮ ﻣﻤﺘﺎﺯ ﻭﻟﻴﻬﻮ ﻓﺘﺮﺓ ﺑﺤﺎﻭﻝ ﻳﺘﻘﺮﺏ ﻟﻴﻬﺎ ﺑﺲ ﻣﺎ
ﺻﺮﺡ ﺑﻲ ﺻﻮﺭﺓ ﻭﺍﺿﺤﺔ ... ﺑﺪﺭﺍﻟﺪﻱﻥ ﺍﺗﺨﺮﺝ ﻗﺒﻞ ﺳﻨﺘﻴﻦ
ﻓﻲ ﻧﻔﺲ ﺗﺨﺼﺼﺎ ﻭﺍﺗﻌﻴﻦ ﻣﻌﻴﺪ ﻓﻲ ﺍﻟﺠﺎﻣﻌﺔ .. ﻭﺑﺮﺿﻮ
ﺑﺘﺎﺑﻊ ﺷﻐﻞ ﻭﺍﻟﺪﻭ ﻭﺍﻣﻮﺭﻭ ﻣﺘﻮﻓﻘﺔ ...ﻣﻦ ﺯﻣﺎﺍﺍﻥ ﻋﻴﻨﻮ
ﻋﻠﻴﻬﺎ ﻣﻦ ﺍﻭﻝ ﻣﺎﺩﺧﻠﺖ ﺍﻟﺠﺎﻣﻌﺔ ﻭﻫﻮ ﻛﺎﻥ ﻳﺎﺩﻭﺏ
ﺧﺮﻳﺞ ... ﺑﺲ ﻻﻧﻮ ﺯﻭﻝ ﻋﻤﻠﻲ ﺍﻭﻝ ﺣﺎﺟﺔ ﺍﺳﺘﻘﺮﺍ ﻓﻲ
ﺷﻐﻠﻮ ﻭﺛﺒﺖ ﺍﻭﺿﺎﻋﻮ ﻭﺑﻘﺎ ﻣﺘﺎﺑﻌﺎ ﻣﻦ ﺑﻌﻴﺪ
ﻗﺮﺑﺖ ﺍﻹﻣﺘﺤﺎﻧﺎﺕ ﺗﺨﻠﺺ ﻭﺑﺪﺭﺍﻟﺪﻳﻦ ﺻﻤﻢ ﻳﻔﺎﺗﺢ ﺳﺤﺮ
ﻓﻲ ﺭﻏﺒﺘﻮ ﺍﻧﻮ ﻳﺮﺗﺒﻂ ﺑﻴﻬﺎ ﻭﻫﻮ ﻛﺎﻥ ﻋﺎﺭﻑ ﺍﻧﻮ ﻣﺎﻓﻲ
ﺯﻭﻝ ﻓﻲ ﺣﻴﺎﺗﺎ ﻭﺣﺎﺳﻲ ﺍﻧﻬﺎ ﻣﻌﺠﺒﺔ ﺑﻴﻬﻮ ﺑﺲ ﻋﺎﺭﻑ
ﻓﻲ ﻧﻔﺲ ﺍﻟﻮﻗﺖ ﺍﻧﻬﺎ ﻣﺎ ﺑﺘﺴﻤﺢ ﻟﻲ ﻣﻮﺍﺿﻴﻊ ﺍﻟﺤﺐ
ﻭﺍﻹﺭﺗﺒﺎﻁ ﺗﺨﺶ ﺣﻴﺎﺗﺎ.. ﻭﺧﺎﻳﻒ ﻣﻦ ﺭﻓﻀﻬﺎ ﻟﻜﻦ ﻫﻮ
ﺍﻧﺘﻈﺮ ﻓﺘﺮﺓ ﻃﻮﻳﻠﺔ ﻭﻫﻮ ﺧﻼﺹ ﺑﻘﺎ ﺯﻭﻝ ﻋﺮﺱ
ﻭﻣﺎﺣﺼﻞ ﻓﻜﺮ ﻓﻲ ﺯﻭﻝ ﻏﻴﺮ ﺳﺤﺮ ﻭﺍﻟﻠﻴﻠﺔﺑﻲ ﺍﻱ ﻃﺮﻳﻘﺔ
ﻻﺯﻡ ﻳﻜﻠﻤﺎ .. ﺑﺲ ﻛﻴﻴﻴﻒ ... ﻭﻫﻮ ﻣﺸﻐﻮﻝ ﺑﺎﻟﺘﻔﻜﻴﺮ
ﻓﻲ ﺳﺤﺮ ﻣﺎ ﺇﻧﺘﺒﻪ ﺍﻧﻬﺎ ﺩﺧﻠﺖ ﺍﻟﻤﻜﺘﺐ ﻭﻣﻌﺎﻫﺎ ﺑﻌﺾ
