ﺩﺍﻧﻴﺔ ﻣﻦ ﺍﺳﺮﺓ ﻏﻨﻴﺔ ﺟﺪﺍ ﻭﻣﻌﺮﻭﻓﺔ ﺍﺗﺮﺑﺖ ﻋﻠﻲ ﺍﻟﻌﺰ
ﻭﺍﻧﻮ ﺍﻱ ﺣﺎﺟﺔ ﻣﺘﻮﻓﺮﺓ ﻟﻴﻬﺎ ﻭﺗﺤﺖ ﻳﺪﻫﺎ ﻭﺍﻟﻴﻮﻡ ﺣﻔﻞ
ﺯﻓﺎﻓﺎ ﻟﻲ ﺍﻳﻤﻦ ﺍﻟﺒﺎﺷﺎ ... ﻣﺎﻓﻲ ﺯﻭﻝ ﻣﺘﺨﻴﻞ ﺍﻧﻮ ﺍﻳﻤﻦ
ﺍﻟﺒﺎﺷﺎ ﻣﻤﻜﻦ ﻳﺮﺗﺒﻂ ﺑﻲ ﺩﺍﻧﻴﺔ ... ﺍﻳﻤﻦ ﻣﻦ ﻧﻔﺲ
ﺍﻟﻤﺴﺘﻮﻱ ﺍﻹﺟﺘﻤﺎﻋﻲ ﻭﺯﻭﻝ ﻭﺳﻴﻢ ﺟﺪﺍ ﻭﺷﺨﺼﻴﺔ ﻣﺜﻴﺮﺓ
ﻟﻠﺠﺪﻝ ﻭﺍﻟﺒﻨﺎﺕ ﺑﺠﺮﻭ ﻭﺭﺍﻫﻮ ﻭﻫﻮ ﺻﺎﺣﺐ ﺍﻟﻜﻞ ﺑﺲ
ﺣﺐ ﻣﺎﻓﻲ ﻭﺍﺣﺪﺓ ﺧﻠﺘﻮ ﻳﻘﻮﻝ ﻛﻠﻤﺔ ﺑﺤﺒﻚ .. ﺍﻏﻠﺐ
ﻋﻼﻗﺎﺗﻮ ﻣﻊ ﺍﻟﺒﻨﺎﺕ ﻛﺎﻧﺖ ﺻﺪﺍﻗﺎﺕ ﻭﻟﻮ ﺍﺭﺗﺒﻂ ﺍﺳﻤﻮ
ﺑﻲ ﻭﺍﺣﺪﺓ ﻻﺯﻡ ﺗﻜﻮﻥ ﺷﺨﺼﻴﺔ ﻣﻠﻔﺘﺔ ... ﺍﻣﺎ ﺩﺍﻧﻴﺔ
ﻛﺎﻧﺖ ﻣﻦ ﻧﻔﺲ ﻭﺳﻄﻮ ﺍﻹﺟﺘﻤﺎﻋﻲ ﻭﺑﺘﻼﻗﻮ ﻛﺘﻴﺮ ﻻﻫﻲ
ﺷﻐﺎﻟﺔ ﺑﻴﻬﻮ ﻭﻻ ﻫﻮ ﺑﻌﺎﻳﻦ ﻟﻴﻬﺎ ﻷﻧﻬﺎ ﻣﺎ ﺍﻹﺳﺘﺎﻳﻞ
ﺍﻟﺒﺠﺰﺑﻮ ﻛﺎﻧﺖ ﻋﺎﺩﻳﺔ ﻓﻲ ﺟﻤﺎﻝ ﻭﺷﻬﺎ ﻟﻜﻦ ﺑﺘﺘﻤﻴﺰ ﺑﻲ
ﻗﻮﺍﻡ ﺟﺬﺍﺏ ﻣﻠﻔﺖ ﻟﻠﻨﻈﺮ ﻭﺍﻧﺎﻗﺔ ﻭﺷﻌﺮ ﻃﻮﻳﻞ ﺍﺳﻮﺩ
ﻭﻧﺎﻋﻢ ﻭﻛﻞ ﺩﻩ ﻣﺎﻛﺎﻥ ﺑﻔﺮﻕ ﻣﻊ ﺍﻳﻤﻦ ﺍﻟﺒﺎﺷﺎ ﻻﻧﻮ ﺑﺤﺐ
ﺍﻟﺒﺖ ﺍﻟﺸﺨﺼﻴﺘﺎ ﻗﻮﻳﺔ ﻭﻓﻲ ﻧﻔﺲ ﺍﻟﻮﻗﺖ ﺭﺍﺳﺎ
ﻣﻠﻴﺎﻥ ... ﺍﻳﻤﻦ ﺭﻏﻢ ﺛﺮﻭﺓ ﺍﻫﻠﻮ ﻭﺍﻟﻌﺰ ﻟﻜﻦ ﻛﺎﻥ ﺍﻏﻠﺐ
ﺍﺻﺤﺎﺑﻮ ﻧﺎﺱ ﺑﺴﻴﻄﻴﻦ ﻭﺑﻠﻘﺎ ﻧﻔﺴﻮ ﻣﻌﺎﻫﻢ ﻭﺟﻨﻮ ﻭﺟﻦ
ﺍﻟﺪﻟﻊ ﻭﺍﻟﻤﻴﺎﺻﺔ ﻭﺩﺍﻧﻴﺔ ﺳﺖ ﺍﻟﺪﻟﻊ ﻛﻠﻮ ..ﺑﺲ ﺍﻟﻤﺎﺑﻌﺮﻓﺎ
ﻣﻦ ﻗﺮﻳﺐ ﻣﺎﺑﻌﺮﻑ ﺣﻘﻴﻘﺘﺎ .. ﺍﻣﺎ ﺷﻠﺘﻮ ﻓﻲ ﺍﻟﻨﺎﺩﻱ
ﻓﻜﺎﻧﺖ ﻣﻦ ﻧﻔﺲ ﻭﻃﺴﻮ . ﺍﻳﻤﻦ ﺍﻟﺒﺎﺷﺎ ﻛﺎﻥ ﻗﺎﻋﺪ ﻓﻲ
ﺍﻟﻨﺎﺩﻱ ﻭﻣﻌﺎﻫﻮ ﺍﺻﺤﺎﺑﻮ ﻭﺩﺍﻧﻴﺔ ﻭﺍﻗﻔﺔ ﻭﻣﻌﺎﻫﺎ ﻭﺍﺣﺪﺓ
ﻣﻦ ﺍﻟﺪﻟﻮﻋﺎﺕ ﺍﻟﺰﻳﻬﺎ ﻭﺟﺎﺕ ﻣﺮﺓ ﺳﻤﻴﻨﺔ ﻣﺎﺷﺔ ﻭﺍﺻﺤﺎﺑﻮ
ﺿﺤﻜﻮ ﻓﻴﻬﺎ ﻭﻋﻠﻘﻮ ﻋﻠﻴﻬﺎ
ﺑﻲ ﺻﻮﺕ ﻋﺎﻟﻲ ﻭﺍﻟﻤﺮﺓ ﺍﺗﺤﺴﺴﺖ ﻣﻨﻬﻢ ﺷﺪﻳﺪ ﻭﻫﻮ
ﻣﺎﻋﺠﺒﻮ ﺗﺼﺮﻑ ﺍﺻﺤﺎﺑﻮ ﻟﻜﻦ ﻣﺎ ﺍﺑﺪﻱ ﺍﻱ
ﺍﻋﺘﺮﺍﺽ .... ﺩﺍﻧﻴﺔ ﺯﻋﻠﺖ ﻣﻦ ﺗﺼﺮﻑ ﺍﺻﺤﺎﺑﻮ ﺷﺪﻳﺪ
ﻭﺟﺎﺕ ﺑﻜﻞ ﺟﺮﺍﺀﺓ ﻭﻭﻗﻔﺖ ﻗﺪﺍﻣﻢ ﻭﻃﺒﻌﺎ ﺍﻏﻠﺐ
ﺍﺻﺤﺎﺑﻮ ﻓﻲ ﺍﻟﻨﺎﺩﻱ ﻫﻲ ﺑﺘﻌﺮﻓﻢ ﻭﻣﻦ ﻧﻔﺲ ﻭﺳﻄﻢ
ﻭﺑﺘﻌﺮﻑ ﺍﻏﻠﺐ ﺍﺳﺮﻡ ﻭﻗﻔﺖ ﻧﺎﺩﺕ ﻋﻠﻲ ﺭﺍﻣﺰ ﺍﻟﻜﺎﻥ ﺍﻛﺘﺮ
ﺯﻭﻝ ﺍﺳﺘﻬﺰﺃ ﺑﻲ ﺍﻟﻤﺮﺓ ... ﻳﺎ ﺭﺍﻣﺰ .... ﺭﺍﻣﺰ ﺑﻲ ﺧﻔﺔ ﻭﻇﺮﺍﻓﺔ
ﻗﺎﻡ ﻋﻠﻲ ﺣﻴﻠﻮ ﻗﺎﻝ ﺍﻟﻠﻴﻠﺔ ﺍﻟﺒﺖ ﺍﻟﺪﻟﻮﻋﺔ ﺩﻱ ﻧﺎﺩﺗﻮ
ﻳﻤﺸﻲ ﻳﺒﺮﻣﺞ ﻣﻌﺎﻫﺎ ﺍﻟﻠﻴﻠﺔ ﻭﺑﻲ ﻧﻔﺲ ﻓﺎﺗﺤﺔ ﻗﺎﻡ ﻣﺎﺷﻲ
ﻋﻠﻴﻬﺎ ﻟﻜﻦ ﺑﻜﻞ ﺍﺳﺘﻬﺰﺍﺀ ﻗﺎﻟﺖ ﻟﻴﻬﻮ .... ﺷﻨﻮ ﻳﺎﺭﺍﻣﺰ
ﻣﺎﺷﻲ ﻭﻳﻦ ... ﺭﺍﻣﺰ ﺍﺿﺎﻳﻖ ﻣﻦ ﺍﺳﻠﻮﺑﺎ ﺍﻟﻤﺤﺮﺝ ﻣﻌﺎﻫﻮ
ﻭﺍﻳﻤﻦ ﻗﺎﻝ ﺷﻨﻮ ﺍﻟﺒﺖ ﺍﻟﻤﻐﺮﻭﺭﺓ ﺩﻱ ... ﻟﻜﻦ ﺩﺍﻧﻴﺔ
ﻗﺎﻟﺖ ﻟﻲ ﺭﺍﻣﺰ ﺍﻧﺘﺎ ﻳﺎﺭﺍﻣﺰ ﺍﻣﻚ ﻭﺍﺧﺘﻚ ﻧﺪﻱ ﻣﺎﺑﺠﻮ ﺍﻟﻨﺎﺩﻱ
ﻟﻲ ﺷﻨﻮ ﺳﺆﺍﻝ ﺩﺍﻧﻴﺔ ﻛﺎﻥ ﻏﺮﻳﺐ ﺑﺎﻟﻨﺴﺒﺔ ﻟﻴﻬﻮ ﻷﻧﻮ
ﻫﻲ ﻣﺎﻋﻨﺪﻫﺎ ﻋﻼﻗﺔ ﺷﺪﻳﺪﺓ ﺑﻲ ﺍﻣﻮ ﻭﻻ
ﺍﺧﺘﻮ ... ﻭﻭﺍﺻﻠﺖ ﺩﺍﻧﻴﺔ ﻛﻼﻣﺎ ... ﺭﺍﻣﺰ ﺍﻧﺖ ﺍﻣﻚ ﻭﻧﺪﻱ
ﻣﻮﺵ ﺑﺮﺿﻮ ﺍﺣﺠﺎﻡ ﻋﺎﺋﻠﻴﺔ ﻭﻻ ﺍﻧﺎ ﻏﻠﻄﺎﻧﺔ ﻃﺒﻌﺎ ﺭﺍﻣﺰ
ﻭﺷﻮ ﺣﻤﺮ ﻭﺍﺗﻨﻔﺦ ﻣﻦ ﺍﻟﺰﻋﻞ ﻭﺍﺗﺤﺮﺝ ﻗﺪﺍﻡ ﺍﺻﺤﺎﺑﻮ
ﻭﺍﺻﺤﺎﺑﻮ ﻗﻌﺪﻭ ﻳﻀﺤﻜﻮ ﻋﻠﻴﻬﻮ ... ﺑﻌﺪ ﺳﻜﺘﻮ ﺷﻮﻳﺔ
ﻭﻫﻲ ﻟﺴﻪ ﻭﺍﻗﻔﺔ ﺑﺘﻌﺎﻳﻦ ﻟﻴﻬﻮ ﻗﺎﻟﺖ ﻟﻴﻬﻮ ﺭﺍﻳﻚ ﺷﻨﻮ
ﺍﻟﻤﺮﺓ ﺍﻟﺠﺎﻳﺔ ﻳﺠﻮ ﻣﻌﺎﻙ ﺍﻟﻨﺎﺩﻱ ﻋﺸﺎﻥ ﺍﺻﺤﺎﺑﻚ
ﻳﻀﺤﻜﻮ ﻓﻴﻬﻢ ...ﻫﻨﺎ ﺍﻟﻜﻞ ﺳﻜﺖ ﻭﻣﺎﻓﻲ ﺯﻭﻝ ﻗﺪﺭ ﻳﺮﺩ
ﻋﻠﻴﻬﺎ ﺑﻲ ﻛﻠﻤﺔ ﻭﻋﺎﻳﻨﺖ ﻟﻴﻬﻢ ﺑﻲ ﺇﺳﺘﻬﺰﺍﺀ ﻣﺎﻟﻜﻢ
ﺳﻜﺘﻮ ﻛﻠﻜﻢ ﻛﻤﻠﻮ ﺿﺤﻜﻢ ﺍﻛﻴﺪ ﺡ ﻳﺠﻲ ﻳﻮﻡ ﻭﺯﻭﻝ
ﻳﻀﺤﻚ ﻓﻴﻜﻢ ﺯﻱ ﻣﺎﻋﻤﻠﺘﻮ ﻓﻲ ﺍﻟﺰﻭﻟﺔ ﺩﻱ ... ﻭﺍﺗﺤﺮﻛﺖ
ﻣﻦ ﻗﺪﺍﻣﻢ ﻭﺧﻠﺘﻢ ﻛﻠﻬﻢ ﺧﺠﻼﻧﻴﻦ
ﻣﻦ ﺍﻟﻴﻮﻡ ﺩﺍﻙ ﻟﻔﺘﺖ ﺩﺍﻧﻴﺔ ﻧﻈﺮﻭ ﻷﻧﻮ ﺗﺤﺖ ﺍﻟﻤﻈﻬﺮ
ﺍﻟﺪﻟﻮﻉ ﺩﻩ ﻟﻘﺎ ﺍﻧﻬﺎ ﺷﺨﺼﻴﺔ ﻻﺯﻡ ﻳﻜﺘﺸﻔﺎ ﻭﻻﻭﻝ ﻣﺮﺓ
ﺍﻳﻤﻦ ﺍﻟﺒﺎﺷﺎ ﻳﺠﺮﻱ ﻭﺭﺍ ﻭﺍﺣﺪﺓ ﻭﺍﻟﻜﻞ ﻣﺴﺘﻐﺮﺏ ﻓﻴﻬﻮ
ﻭﻗﻠﺒﺖ ﺍﻟﺤﻜﺎﻳﺔ ﺑﻲ ﺣﺐ ﺍﻭ ﺭﻏﺒﺔ ﻓﻲ ﺍﻣﺘﻼﻛﺎ ﺍﻟﻤﻬﻢ ﺍﻥ
ﻳﺘﺰﻭﺟﺎ ﻭﻓﻌﻼ ﻭﺻﻞ ﻟﻲ ﻣﺮﺍﺩﻭ ﺑﺲ ﻭﺍﻟﻴﻮﻡ ﺯﻓﺎﻑ ﺩﺍﻧﻴﺔ
ﻭﺍﻳﻤﻦ ﺍﻟﺒﺎﺷﺎ .. ﺛﻨﺎﺋﻲ ﻏﺮﻳﺐ ﺣﻴﺎﺗﻢ ﺡ ﺗﻜﻮﻥ ﻗﺼﺔ ﺍﻟﻜﻞ
ﻣﻨﺘﻈﺮ ﺍﻟﺒﺤﺼﻞ ﻓﻴﻬﺎ ﺷﻨﻮ
يتبع....
