ﺍﻟﺼﺪﻳﻖ ﻛﺎﻥ ﻣﺤﺘﺎﺭ ﻛﻴﻒ ﻳﻔﺎﺗﺢ ﺳﺘﻨﺎ ﻓﻲ ﻣﻮﺿﻮﻉ
ﺍﻟﻤﺸﻴﺔ ﻟﻲ ﺩﻛﺘﻮﺭﺓ ﺇﺧﻼﺹ ﺍﻟﻜﺘﻴﺎﺑﻲ ... ﺍﻟﻤﺶﻛﻠﺔ ﻃﺒﻌﺎ
ﻣﺎﻓﻲ ﺍﻟﺰﻳﺎﺭﺓ ﺍﻟﻤﺸﻜﻠﺔ ﻓﻲ ﻣﻮﺿﻮﻉ ﺍﻟﺰﻳﺎﺭﺓ ﻭﺍﻟﻐﺮﺽ ﻣﻨﻬﺎ
ﻛﻴﻒ ﻳﺸﺮﺡ ﻟﻴﻬﺎ ﻣﻮﺿﻮﻉ ﺍﻟﺰﻳﺎﺭﺓ ﺡ ﻳﻜﻮﻥ ﺷﻨﻮ ﻭﻛﻴﻒ
ﺗﺴﺘﻔﻴﺪ ﻣﻦ ﺯﻳﺎﺭﺗﺎ ﻟﻴﻬﺎ ... ﻭﺍﺗﻮﻛﻞ ﻋﻠﻲ ﺍﻟﻠﻪ ﻣﺸﺎ ﺣﺠﺰ
ﻣﻮﻋﺪ ﻋﻨﺪ ﺍﻟﺪﻛﺘﻮﺭﺓ ﻭﺍﻭﻝ ﺣﺎﺟﺔ ﺩﺧﻞ ﻫﻮ ﺑﺮﺍﻫﻮ ﻋﺸﺎﻥ
ﻳﻤﻬﺪ ﻟﻴﻬﺎ ﺍﻟﺤﺎﺻﻞ ﺑﻴﻨﻮ ﻭﺑﻴﻦ ﺳﺘﻨﺎ ﻭﺍﻧﻬﺎ ﻣﺎﻓﺎﻫﻤﺔ
ﻃﺒﻴﻌﺔ ﺍﻟﻌﻼﻗﺔ ﺑﻴﻦ ﺍﻟﺮﺟﻞ ﻭﺍﻟﻤﺮﻩ ﻓﻲ ﺍﻟﻌﻼﻗﺔ ﺍﻟﺰﻭﺟﻴﺔ
ﺍﻟﺨﺎﺻﺔ ﻭﺍﻧﻮ ﻣﺎﻋﺎﻳﺰ ﻳﻮﺩﻳﻬﺎ ﻟﻲ ﻃﺒﻴﺒﺔ ﺍﻣﺮﺍﺽ ﻧﺴﺎ
ﻭﻭﻻﺩﺓ ﻷﻧﻮ ﺣﺎﺳﻲ ﺍﻧﻬﺎ ﻣﺤﺘﺎﺟﺔ ﻟﻲ ﺯﻭﻝ ﻳﺘﻜﻠﻢ ﻣﻌﺎﻫﺎ
ﻭﻳﻔﻬﻤﺎ ﺍﻛﺘﺮ ﻣﻦ ﻃﺒﻴﺐ ﻳﻔﺤﺼﺎ ﻭﻳﻮﺻﻒ ﻟﻴﻬﺎ ﺩﻭﺍ ..
ﻭﺩﺧﻞ ﻟﻠﺪﻛﺘﻮﺭﺓ ﻭﺍﺳﺘﻘﺒﻠﺘﻮ ﺑﻲ ﺗﺮﺣﺎﺏ ﺷﺪﻳﺪ ﻭﺯﻛﺮﺍ
ﺑﻲ ﻧﻔﺴﻮ ﺍﻧﻮ ﻃﻠﺐ ﻣﻨﻬﺎ ﺍﻧﻮ ﻳﻘﺎﺑﻼ ﻫﻮ ﻭﺯﻭﺟﺘﻮ ﻟﻤﺎ
ﺟﺎﺕ ﺍﻟﺠﺎﻣﻌﺔ ﻭﻋﻤﻠﺖ ﻧﺪﻭﺗﺎ ﺍﻷﺧﻴﺮﺓ .... ﻭﺍﻟﺪﻛﺘﻮﺭﺓ
ﺍﺗﺰﻛﺮﺗﻮ ﺭﺣﺒﺖ ﺑﻴﻬﻮ ﺗﺎﻧﻲ
ﻭﺳﺄﻟﺘﻮ ﻭﻳﻦ ﺯﻭﺟﺘﻮ ﻭﻗﺎﻝ ﻟﻴﻬﺎ ﺍﻟﺼﺪﻳﻖ ﺍﻧﻮ ﺟﺎ ﺑﺮﺍﻫﻮ
ﺍﻟﻤﺮﺓ ﺩﻱ ﻋﺸﺎﻥ ﻳﻮﺿﺢ ﻟﻴﻬﺎ ﺍﻟﻮﺿﻊ ﺍﻟﺤﺎﺻﻞ ﺑﻴﻨﻮ
ﻭﺑﻴﻦ ﺯﻭﺟﺘﻮ ﻷﻧﻮ ﻣﺘﺄﻛﺪ ﺍﻧﻮ ﺯﻭﺟﺘﻮ ﻗﺪﺍﻣﻮ ﻣﺎ ﺡ ﺗﻘﺪﺭ
ﺗﻘﻮﻝ ﺣﺎﺟﺔ ﻭﺍﺣﺘﻤﺎﻝ ﺣﺘﻲ ﻟﻮ ﻫﻮ ﻣﺎﻛﺎﻥ ﻣﻮﺟﻮﺩ ﻓﻲ
ﺍﻟﻤﻘﺎﺑﻠﺔ ﺍﺣﺘﻤﺎﻝ ﺑﺮﺿﻮ ﻣﺎﺗﻘﻮﻝ ﺣﺎﺟﺔ ﻟﻠﺪﻛﺘﻮﺭﺓ ﻋﺸﺎﻥ
ﻛﺪﻩ ﻫﻮ ﺣﺎﺑﻲ ﻳﻮﺿﺢ ﻟﻴﻬﺎ ﺍﻟﻮﺿﻊ ﺑﺎﻟﻀﺒﻂ ﻋﺸﺎﻥ
ﻳﻜﻮﻥ ﻋﻨﺪﻫﺎ ﻣﻌﻠﻮﻣﺎﺕ ﻛﺎﻓﻴﺔ ﻭﺧﻠﻔﻴﺔﺗﻘﺪﺭ ﻣﻦ ﺧﻼﻻ
ﺗﺘﻜﻠﻢ ﻣﻊ ﺯﻭﺟﺘﻮ ﺳﺘﻨﺎ ﻭﺗﻔﻬﻢ ﻣﻨﻬﺎ ﺍﻟﺤﺎﺻﻞ ﻋﻠﻴﻬﺎ
ﺷﻨﻮ ... ﺍﺳﺘﻤﻌﺖ ﺩﻛﺘﻮﺭﺓ ﺍﺧﻼﺹ ﻟﻲ ﻛﻼﻡ ﺍﻟﺼﺪﻳﻖ
ﻋﻦ ﻇﺮﻭﻑ ﺯﻭﺍﺟﻮ ﻣﻦ ﺳﺘﻨﺎ ﻭﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﺠﺎﺋﺮﺓ
ﺍﻟﻠﺴﻪ ﻣﺎﺯﺍﻝ ﺍﻫﻞ ﻣﻨﻄﻘﺘﻢ ﻣﺘﻤﺴﻜﻴﻦ ﺑﻴﻬﺎ ﻭﺍﻟﺒﺘﺨﻠﻲ
ﺍﻟﺰﻭﺟﺔ ﻣﺠﺮﺩ ﻭﻋﺎﺀ ﻟﻤﺘﻌﺔ ﺍﻟﺮﺍﺟﻞ ﻭﻣﺠﺮﺩ ﺍﺩﺍﺓ ﻟﻺﻧﺠﺎﺏ
