ﺳﺤﺮ ﻭﻭﺟﻦ ﺑﻘﻮ ﻳﻬﺪﻭ ﻓﻲ ﺩﺍﻧﻴﺔ ﺍﻟﻤﺴﻜﺖ ﻧﻔﺴﻬﺎ
ﺑﺎﻟﻌﺎﻓﻴﺔ ﻭﺍﺧﻼﺹ ﻋﻤﺘﺎ ﺣﺎﻭﻟﺖ ﺗﻔﻬﻢ ﻣﻨﻬﺎ ﺍﻟﺤﺎﺻﻞ
ﺷﻨﻮ ﻭﺑﻌﺪ ﻫﺪﺕ ﺷﻮﻳﺔ ﻗﺎﻟﺖ ﻟﻴﻬﻢ ﺍﻳﻤﻦ ﺍﻟﻠﻴﻠﺔ ﻧﺴﺎ
ﺗﻠﻔﻮﻧﻮ ﻓﻲ ﺍﻟﺒﻴﺖ ﻭﺍﺗﺼﻞ ﻋﻠﻲ ﻋﺸﺎﻥ ﺍﺟﻴﺒﻮ ﻟﻴﻬﻮ ﻓﻲ
ﺍﻟﺸﺮﻛﺔ ﻷﻧﻮ ﻋﺎﺭﻓﻨﻲ ﺟﺎﻳﺔ ﻫﻨﺎ ﻣﻊ ﻭﺟﻦ ... ﻭﻓﻲ ﺭﻗﻢ
ﻏﺮﻳﺐ ﻭﻣﺎﻣﺴﺠﻞ ﺑﻲ ﺍﺳﻢ ﺍﺗﺼﻞ ﻛﻢ ﻣﺮﺓ ﻭﻟﻤﺎ ﺍﺗﻜﺮﺭ
ﺍﻻﺗﺼﺎﻝ ﻛﺘﻴﺮ ﻣﻦ ﻧﻔﺲ ﺍﻟﺮﻗﻢ ﺭﺩﻳﺖ ﻋﻠﻴﻬﻮ ﻭﺍﺗﻜﻠﻤﺖ
ﻣﻌﺎﻱ ﻭﺍﺣﺪﺓ ﺑﺘﺴﺄﻝ ﻣﻦ ﺍﻳﻤﻦ ﻭﻟﻤﺎ ﻗﻠﺘﺎ ﻟﻴﻬﻮ ﺍﻧﻮ ﺍﻳﻤﻦ
ﻧﺎﺳﻲ ﺗﻠﻔﻮﻧﻮ ﻓﻲ ﺍﻟﺒﻴﺖ ﺑﻘﺖ ﺗﻘﻮﻝ ﻟﻲ ﺍﻳﻤﻦ ﻣﺎ ﻋﺎﻳﺰ
ﻳﺮﺩ ﻋﻠﻲ ﻭﻻ ﺷﻨﻮ ..ﻭﺍﺳﻠﻮﺑﺎ ﻓﻲ ﺍﻟﻜﻼﻡ ﺍﺻﻠﻮ ﻣﺎﻋﺠﺒﻨﻲ
ﻭﺣﺎﻭﻟﺖ ﺍﻋﺮﻑ ﻫﻲ ﻣﻨﻮ ﻟﻜﻦ ﻣﺎﺭﺩﺕ ﻋﻠﻲ ﻭﺳﺄﻟﺘﻨﻲ ﺍﻧﺘﻲ
ﻣﻨﻮ ﻭﻗﻠﺖ ﻟﻴﻬﺎ ﺍﻧﺎ ﺯﻭﺟﺔ ﺍﻳﻤﻦ ... ﻗﺎﻟﺖ ﻟﻲ
ﻟﻴﻨﺪﺍ ... ﻗﻠﺖ ﻟﻴﻬﺎ ﻻ ﺍﻧﺎ ﺍﺳﻤﻲ ﺩﺍﻧﻴﺔ.. ﻗﺎﻟﺖ ﻟﻲ ﻣﺶ
ﺍﻧﺘﻲ ﻟﻴﻨﺪﺍ ﺍﻟﺴﻜﺮﺗﻴﺮﺓ ﺯﻭﺟﺔ ﺍﻳﻤﻦ ... ﻭﺣﺎﻭﻟﺘﺎ ﺍﻓﻬﻤﺎ ﺍﻧﻮ
ﺍﻧﺎ ﺍﺳﻤﻲ ﺩﺍﻧﻴﺔ ﻭﺍﻧﺎ ﻣﺎ ﺷﻐﺎﻟﺔ ﻟﻜﻦ ﻫﻲ ﻗﺎﻟﺖ ﻟﻲ
ﺍﻟﺸﻲ ﺍﻟﺒﻌﺮﻓﻮ ﺍﻧﻮ ﺍﻳﻤﻦ ﻣﺘﺰﻭﺝ ﻟﻴﻨﺪﺍ ﺳﻜﺮﺗﻴﺮﺓ ﻣﻌﺎﻫﻮ
ﻓﻲ ﻧﻔﺲ ﺍﻟﺸﺮﻛﺔ ﻭﻫﻲ ﻣﺘﺄﻛﺪﻩ ﻣﻦ ﺍﻟﻜﻼﻡ ﺩﻩ ﻷﻧﻬﺎ
ﻛﺎﻧﺖ ﺯﻣﻴﻠﺔ ﻟﻴﻨﺪﺍ ﻓﻲ ﻧﻔﺲ ﺍﻟﻤﻜﺘﺐ ﻭﺇﺗﻔﺼﻠﺖ ﺑﻲ
ﺳﺒﺒﺎ ﻭﺍﻧﻬﺎ ﻣﺘﺼﻠﺔ ﻣﺨﺼﻮﺹ ﻋﻠﻲ ﺍﻳﻤﻦ ﻋﺸﺎﻥ ﺗﺒﻴﻦ
ﻟﻴﻬﻮ ﺣﻘﻴﻘﺔ ﺯﻭﺟﺘﻮ ﻭﺇﻧﻬﺎ ﺑﺘﻠﻌﺐ ﺑﻲ ﻭﺭﺍﻫﻮ ﻭﻋﻨﺪﻫﺎ
ﻋﻼﻗﺔ ﻣﻊ ﻭﺍﺣﺪ ﺯﻣﻴﻠﻢ ﺍﺳﻤﻮ ﻣﺠﺎﻫﺪ ﻭﻫﻢ ﺍﻻﺗﻨﻴﻦ ﻟﻤﺎ
ﺷﺎﻓﺘﻢ ﻣﻊ ﺑﻌﺾ ﺑﺎﻟﺼﺪﻓﺔ ﺩﺑﺮﻭ ﻟﻴﻬﺎ ﺧﻄﺔ ﻭﻭﻗﻌﻮﻫﺎ
ﺑﺎﻟﻜﻼﻡ ﻟﺤﺪﻱ ﻣﺎ ﺍﺗﺴﺒﺒﻮ ﻓﻲ ﺭﻓﺪﻫﺎ ﻭﻃﻠﻌﻮ ﻫﻢ ﻣﻨﻬﺎ
ﺯﻱ ﺍﻟﺸﻌﺮﺓ ﻣﻦ ﺍﻟﻌﺠﻴﻦ ... ﺩﺍﻧﻴﺔ ﻛﺎﻧﺖ ﺑﺘﺤﻜﻲ ﻓﻲ
ﺍﻟﻜﻼﻡ ﺩﻩ ﻭﺻﻮﺗﺎ ﻣﺨﻨﻮﻕ ﺑﺎﻟﺒﻜﺎ ﻭﺩﻛﺘﻮﺭﺓ ﺍﺧﻼﺹ
ﻗﺎﻟﺖ ﻟﻴﻬﺎ ﻭﺍﻧﺘﻲ ﺻﺪﻗﺘﻲ ﻛﻼﻡ ﺍﻟﺒﺖ ﺩﻱ ... ﺩﺍﻧﻴﺔ
ﻗﺎﻟﺖ ﻟﻴﻬﺎ ﻣﺎﻗﺎﺩﺭﺓ ﺍﺻﺪﻕ ﺍﻟﻜﻼﻡ ﺩﻩ ﺍﻳﻤﻦ ﺣﺒﻴﺒﻲ
ﻳﻌﻤﻞ ﻛﺪﻩ ... ﺍﻟﺒﺖ ﺩﻱ ﺣﺴﻴﺖ ﺍﻧﻬﺎ ﺣﺎﻗﺪﺓ ﻋﻠﻲ
