ﺭﺟﻊ ﺍﻳﻤﻦ ﺍﻟﺒﻴﺖ ﺑﻲ ﻋﺮﺑﻴﺔ ﺩﺍﻧﻴﺔ ﻭﺍﻣﺎ ﻭﺟﻦ ﻓﺘﻜﺮﻣﺖ
ﻟﻴﻨﺪﺍ ﻭﻭﺻﻠﺘﺎ ﻫﻲ ﻭﺳﺤﺮ .... ﺩﺧﻞ ﺍﻳﻤﻦ ﺑﻴﺘﻮ ﻭﻳﺪﻭ ﻓﻲ
ﻳﺪ ﻣﺮﺗﻮ ﻭﻓﻲ ﺷﻤﺎﺭ ﺣﺎﺭﻗﻮ ﺷﺪﻳﺪ ﻭﺍﻟﺴﺆﺍﻝ ﻓﻲ ﻃﺮﻑ
ﻟﺴﺎﻧﻮ ﻣﻦ ﻗﺒﻴﻴﻴﻞ ﻟﻜﻦ ﻓﻀﻞ ﺍﻧﻮ ﻳﺴﺄﻟﻮ ﻟﻤﺎ ﻳﻜﻮﻥ ﻣﻊ
ﺩﺍﻧﻴﺔ ﺑﺮﺍﻫﻢ .. ﻭﺩﺍﺗﻴﺔ ﺍﻭﻝ ﻣﺎﺩﺧﻠﺖ ﺑﻴﺘﺎ ﻗﺎﻟﺖ ﻭﺍﻟﻠﻪ
ﺍﺣﻠﻲ ﻣﻦ ﺑﻴﺘﻲ ﻣﺎﻓﻲ ﺑﺮﻩ ﺑﻘﻴﺖ ﺍﺣﺲ ﺍﻧﻲ ﻏﺮﻳﺒﺔ
ﻭﻧﻔﺴﻲ ﺍﺭﺟﻊ ﺑﻴﺘﻲ ﻭﺧﺘﺖ ﺭﺍﺳﺎ ﻋﻠﻲ ﻛﺘﻒ ﺍﻳﻤﻦ ﻭﻫﻲ
ﻣﺒﺴﻮﻃﺔ ﻭﺍﻻﺑﺘﺴﺎﻣﺔ ﻣﺎﻟﻴﺔ ﻭﺷﻬﺎ ﻷﻧﻮ ﺍﻟﻠﻴﻠﺔ ﺇﺗﺄﻛﺪﺕ
ﺗﻤﺎﻣﺎ ﻣﻦ ﺣﺐ ﺍﻳﻤﻦ ﻟﻴﻬﺎ ﻭﺇﻧﻬﺎ ﺧﻼﺹ ﺑﻘﺖ ﺟﻮﻩ ﻗﻠﺒﻮ
ﺳﻜﺎﻧﺔ ﻓﻴﻬﻮ ﻭﻣﺎﻓﻲ ﻣﻜﺎﻥ ﻟﻲ ﺍﻱ ﻭﺍﺣﺪﺓ ﺗﺎﻧﻲ ﻏﻴﺮﺍ
ﻭﺍﻳﻤﻦ ﺍﺳﺘﻐﻼ ﺍﻟﻔﺮﺻﺔ ﺩﻱ ﻭﺳﺄﻻ .. ﺣﺒﻲ ﻣﻌﻘﻮﻟﺔ
ﻗﻠﺒﻚ ﻣﺎ ﻗﺎﻝ ﻟﻴﻚ ﺍﻧﻮ ﺍﻧﺎ ﺧﻨﺘﻚ ... ﻭﺩﺍﻧﻴﺔ ﺑﻲ ﻛﻞ
ﻣﻜﺮﻫﺎ ﻓﻬﻤﺖ ﻫﻮ ﻋﺎﻳﺰ ﺷﻨﻮ .. ﻭﺍﻧﻮ ﻋﺎﻳﺰ ﻳﻌﺮﻑ ﺍﺫﺍ ﻫﻲ
ﺷﻜﺖ ﻓﻴﻬﻮ ﻭﻻ ﻻ ... ﻭﻓﻲ ﻛﻞ ﺍﻻﺣﻮﺍﻝ ﺍﻻﺟﺎﺑﺔ ﻋﻠﻲ
ﺳﺆﺍﻟﻮ ﺩﻩ ﻻﺯﻡ ﺗﻜﻮﻥ ﺍﺟﺎﺑﺔ ﺩﺑﻠﻮﻣﺎﺳﻴﺔ ﻭﻓﻲ ﺻﺎﻟﺤﺎ
ﻭﻣﺎﺗﺰﻋﻠﻮ ﻣﻨﻬﺎ .... ﻭﻋﺎﻳﻨﺖ ﻟﻴﻬﻮ ﺑﻲ ﻧﻈﺮﺓ ﻣﺸﺎﻛﺴﺔ
ﻭﻏﻤﺰﺕ ﻟﻴﻬﻮ .... ﺍﻳﻤﻦ ﺍﻟﺒﺎﺷﺎ ﺣﻘﻲ ﺍﻧﺎ ﻭﺣﺒﻴﺒﻲ ﺍﻧﺎ
ﻭﻣﺎﻓﻲ ﺍﻱ ﻭﺍﺣﺪﺓ ﺗﺎﻧﻲ ﺡ ﺗﺴﻜﻦ ﻗﻠﺒﻮ ﻷﻧﻮ ﺍﻧﺎ
ﺟﻮﺍﻫﻮ ... ﻭﻗﺎﻟﺖ ﻟﻴﻬﻮ ... ﺍﻟﺤﻖ ﻳﺘﻘﺎﻝ ﺍﻧﺎ ﻏﺮﺗﺎﻭﻧﻔﺴﻲ
ﻛﺎﻥ ﺍﺷﻮﻑ ﺍﻟﺒﺖ ﺍﻟﻘﺎﻟﺖ ﺍﻟﻜﻼﻡ ﺩﻩ ﻗﺪﺍﻣﻲ ﻭﺍﺧﻨﻘﺎ ﺑﻲ
ﻳﺪﻱ ﻋﺸﺎﻥ ﺗﺒﻄﻞ ﻋﻤﺎﻳﻼ ﺩﻱ .... ﺑﻌﺪﻳﻦ ﺣﺒﻴﺒﻲ ﻋﺴﻞ
ﻭﻛﻞ ﺍﻟﻨﺎﺱ ﻣﺠﻨﻮﻧﺔ ﺑﻴﻬﻮ ﻛﻴﻒ ﻣﺎ ﺍﻏﻴﺮ ﻋﻠﻴﻬﻮ ... ﻟﻜﻦ
ﺍﺷﻚ ﻻﺍﺍﺍﺍﺍ ﻣﺎ ﻋﺎﺷﺖ ﺍﻟﺘﺨﻠﻴﻨﻲ ﺍﺷﻚ ﻓﻲ ﺣﺒﻴﺒﻲ
ﻭﺧﻠﺖ ﺍﻳﻤﻦ ﻳﺒﺘﺴﻢ ﻭﻳﻘﻮﻝ ﻟﻴﻬﺎ ... ﺍﻧﺘﻲ ﺍﺣﻠﻲ ﺩﺍﻧﻴﺔ
ﻓﻲ ﺍﻟﺪﻧﻴﺎ
ﺭﺟﻌﺖ ﺳﺤﺮ ﺑﻴﺘﺎ ﺑﻌﺪ ﻳﻮﻡ ﻋﺼﻴﺐ ﺍﺗﻌﻠﻤﺖ ﻓﻴﻬﻮ ﺩﺭﺱ
ﻣﻬﻢ ﻓﻲ ﺣﻴﺎﺗﺎ ﻣﻦ ﺍﻟﻤﻌﻠﻤﺔ ﺍﻟﻜﺒﻴﺮﺓ ﺩﺍﻧﻴﺔ ﺍﻟﻜﺎﻧﺖ ﺣﻴﺎﺗﺎ
ﺍﻟﺰﻭﺟﻴﺔ ﺡ ﺗﺘﺤﻄﻢ ﻓﻲ ﺛﻮﺍﻧﻲ ﻭﻳﻀﻴﻊ ﺣﺒﻬﺎ ﺍﻟﻜﺒﻴﺮ ﻟﻲ
ﺍﻳﻤﻦ ﺑﻲ ﺳﺒﺐ ﺍﻟﻜﺬﺏ ﻭﺍﻟﻔﺘﻨﺔ ﻭﻟﻮﻻ ﺣﻜﻤﺔ ﺩﺍﻧﻴﺔ
