ﺍﻟﻌﺮﺱ ﺍﻟﺴﻮﺩﺍﻧﻲ ﺑﻜﻞ ﺍﻟﺘﻘﺎﻟﻴﺪ ﻭﺍﻟﻌﺎﺩﺍﺕ ﺍﻟﻔﻴﻬﻮ ﻛﺎﻥ
ﺣﺎﺟﺔ ﻏﺮﻳﺒﺔ ﻋﻠﻲ ﻭﺟﻦ ﻭﺭﻏﻢ ﻛﺪﻩ ﺣﺒﺖ ﻓﻜﺮﺓ ﺍﻟﺠﺮﺗﻖ
ﻭﺭﻗﻴﺺ ﺍﻟﻌﺮﻭﺱ ﺍﻟﺤﺎﻭﻟﺖ ﺗﺘﻌﻠﻤﻮ ﻭﻋﺠﺒﺘﺎ ﺍﻟﻔﻜﺮﺓ ﺷﺪﻳﺪ
ﻟﻜﻦ ﻗﺮﺭﺕ ﺍﻧﻬﺎ ﻣﺎﺗﻌﻤﻞ ﺭﻗﻴﺺ ﻋﺮﻭﺱ ﻷﻧﻮ ﻣﺎﻛﺎﻥ ﻓﻲ
ﺯﻣﻦ ﻛﺎﻓﻲ ﻟﻜﻦ ﺑﺮﺿﻮ ﻻﺯﻡ ﺗﺘﻌﻠﻤﻮ ﺍﺻﻠﻬﺎ ﺳﻤﻌﺖ ﺍﻧﻮ
ﺍﻟﻌﺮﻭﺱ ﻣﺮﺍﺕ ﺑﻄﻠﺒﻮ ﻣﻨﻬﺎ ﺍﻧﻬﺎ ﺗﺮﻗﺺ ﻭﻣﻤﻜﻦ ﺗﻜﻮﻥ
ﻣﺎﻣﺴﺘﻌﺪﺓ ﻭﻫﻲ ﺟﻬﺰﺕ ﻧﻔﺴﻬﺎ ﻟﻠﺤﺎﺟﺔ ﺩﻱ ﻭﻓﻌﻼ ﺑﻌﺪ
ﺇﻧﺘﻬﺎﺀ ﺍﻟﺠﺮﺗﻖ ﺍﻡ ﺧﺎﻟﺪ ﻗﺎﻟﺖ ﻟﻲ ﺍﻣﻬﺎ ﺷﻨﻮ ﻣﺎﺩﺍﻳﺮﻳﻦ
ﺗﺮﻗﺼﻮ ﻟﻴﻨﺎ ﻋﺮﻭﺳﻨﺎ ﺩﻱ ﻭﻻ ﺷﻨﻮ .... ﺣﻨﺎﻥ ﻭﺍﻟﺪﺓ ﻭﺟﻦ
ﻛﺎﻧﺖ ﺣﺮﻳﺼﺔ ﻋﻠﻲ ﺍﺭﺿﺎﺀ ﻧﺴﺎﺑﺔ ﺑﺘﻬﺎ ﻷﻧﻬﺎ ﻋﺎﺭﻓﺔ
ﺍﻧﻬﻢ ﺷﺎﻳﻔﻴﻦ ﺍﻧﻮ ﺑﺘﻬﺎ ﻣﻤﻜﻦ ﺗﻜﻮﻥ ﻣﺎﺑﺘﻔﻬﻢ ﺣﺎﺟﺔ ﻋﻦ
ﺍﻟﺴﻮﺩﺍﻥ ﻭﻋﺎﺩﺍﺗﻮ ﻷﻧﻬﺎ ﻋﺎﺷﺖ ﺑﺮﻩ ﺍﻏﻠﺐ ﻋﻤﺮﺍ ﻭﻗﺎﻟﺖ
ﻟﻲ ﺯﻳﻨﺐ ﻭﺍﻟﺪﺓ ﺧﺎﻟﺪ ﺣﺎﺍﺍﺍﺿﺮ ﺍﺳﻪ ﻋﺮﻭﺳﻜﻢ ﺗﺮﻗﺺ
ﻟﻴﻜﻢ ﺑﺲ ﺷﻮﻳﺔ ﻛﺪﻩ ﻧﻄﻠﻊ ﺍﻟﺮﺟﺎﻝ ﻣﻦ
ﺍﻟﺼﺎﻟﻪ .. ﻭﻣﺸﺖ ﻛﻠﻤﺖ ﻃﺎﺭﻕ ﻭﻟﺪ ﺍﺧﻮﻫﺎ ﻭﻭﺭﺗﻮ ﺍﻧﻮ
ﺍﻟﻌﺮﻭﺱ ﺡ ﺗﺮﻗﺺ ﻭﻻﺯﻡ ﺍﻟﺮﺟﺎﻝ ﻳﻄﻠﻌﻮ ﻭﺍﺻﻼ ﻏﺎﻟﺒﻴﺔ
ﺍﻟﻤﻌﺎﺯﻳﻢ ﻛﺎﻧﻮ ﻣﺸﻮ ﻻﻧﻮ ﺍﻟﺤﻔﻠﺔ ﺍﻧﺘﻬﺖ ﻭﺍﻟﻤﻮﺟﻮﺩﻳﻦ
ﻫﻢ ﺍﻟﻤﻘﺮﺑﻴﻦ ﻣﻦ ﺍﻟﻌﺮﻭﺳﻴﻦ ﻭﺍﺳﺮﻡ ...ﻭﻃﻠﺐ ﻃﺎﺭﻕ ﻣﻦ
ﺍﻟﺮﺟﺎﻝ ﺍﺧﻼﺀ ﺍﻟﺼﺎﻟﺔ ﻋﺸﺎﻥ ﺭﻗﻴﺺ ﺍﻟﻌﺮﻭﺱ ...ﻭﺑﻨﺎﺕ
ﺧﺎﻟﺘﺎ ﻛﺎﻧﻮ ﻣﺠﻬﺰﻳﻦ ﻟﻴﻬﺎ ﻣﺠﻤﻮﻋﺔ ﺃﻏﺎﻧﻲ ﻛﺎﻧﺖ ﺍﺗﻌﻠﻤﺖ
ﺍﻟﺮﻗﺼﺎﺕ ﺣﻘﺘﺎ ﻭﺑﺪﺃ ﺍﻟﺮﻗﻴﺺ ... ﻭﺧﺎﻟﺪ ﺑﻘﺎ ﻣﻨﻄﻂ ﻋﻴﻮﻧﻮ
ﻟﻤﺎ ﻭﺟﻦ ﻓﻜﺖ ﺍﻟﺘﻮﺏ ﻭﺑﺪﺕ ﺗﺮﻗﺺ ... ﺟﻤﺎﻝ ﻭﺧﻔﺔ
ﻭﻟﻴﻮﻧﺔ ﺗﻘﻮﻝ ﻣﻦ ﻭﻟﺪﻭﻫﺎ ﻭﻫﻲ ﺑﺘﺮﻗﺺ
ﺳﻮﺩﺍﻧﻲ ...ﻗﻄﻌﺖ ﻟﺴﺎﻥ ﻧﺴﻴﺒﺘﺎ ﻭﺧﻠﺖ ﺍﻟﻜﻞ ﻳﻘﻮﻟﻮ
ﻣﺎﺷﺎﺀ ﺍﻟﻠﻪ ﻭﺧﻠﺖ ﺧﺎﻟﺪ ﺍﺑﺘﺴﺎﻣﺘﻮ ﻣﺎﻟﻴﺔ ﻭﺷﻮ ﻭﻫﻮ
ﺑﺴﻤﻊ ﻓﻲ ﻏﻤﺰﺍﺕ ﺍﻟﻨﺴﻮﺍﻥ ﻭﺗﻌﻠﻴﻘﺎﺗﻢ ﻋﻦ ﺟﻤﺎﻝ
ﻣﺮﺗﻮ ...ﻫﻮ ﻧﻔﺴﻮ ﻣﺎﻛﺎﻥ ﻗﺎﻳﻼ ﻛﺪﻩ ....ﺍﻓﺘﻜﺮ ﺍﻧﻬﺎ ﺯﻳﻬﺎ
ﻭﺯﻱ ﺑﻨﺎﺕ ﺑﺮﺓ ﺍﻟﻮﺍﺣﺪﺓ ﻋﺎﻣﻠﺔ ﺯﻱ ﺍﻟﺮﺍﺟﻞ ... ﻭﺟﻦ ﺑﻨﻮﺗﺔ
