ﺗﻢ ﺗﻌﻴﻴﻦ ﻟﻴﻨﺪﺍ ﻭﺭﺷﺎ ﻓﻲ ﻗﺴﻢ ﺍﻟﺴﻜﺮﺗﺎﺭﻳﺔ ﻭﻟﻴﻨﺪﺍ
ﻛﺎﻧﺖ ﺟﺪﻳﺮﺓ ﺑﻲ ﺍﻟﻮﻇﻴﻔﺔ ﺍﻣﺎ ﺭﺷﺎ ﻓﺈﺗﻌﻴﻨﺖ ﺑﻮﺍﺳﻄﺔ
ﻭﺭﻏﻢ ﺍﻧﻮ ﺍﻳﻤﻦ ﻣﺎﻛﺎﻥ ﻣﻮﺍﻓﻖ ﻟﻜﻦ ﻣﺆﻫﻼﺗﺎ ﻛﺎﻧﺖ
ﻣﻨﺎﺳﺒﺔ ﻭﺍﺿﻄﺮ ﻳﻘﺒﻼ ﻟﻜﻦ ﺡ ﺗﻜﻮﻥ ﺗﺤﺖ ﺍﻟﺘﻤﺮﻳﻦ ﻟﻲ
ﻓﺘﺮﺓ ﺗﻼﺗﺔ ﺷﻬﻮﺭ ﻭﺑﻌﺪﻫﺎ ﻳﺘﻢ ﺗﻘﺮﻳﺮ ﻣﺼﻴﺮ ﻭﺟﻮﺩﺍ ﻓﻲ
ﺍﻟﺸﺮﻛﺔ
ﺩﺍﻧﻴﺔ ﺍﻟﻠﻴﻠﺔ ﻛﺎﻧﺖ ﻣﺎﺷﺔ ﻟﻲ ﺻﺪﻳﻘﺘﺎ ﻭﺟﻦ ﺍﻟﻮﺻﻠﺖ
ﻣﻦ ﺍﻟﺨﺎﺭﺝ ﻭﺍﺗﺰﻭﺟﺖ ﻓﻲ ﻧﻔﺲ ﺍﻟﻴﻮﻡ ﺍﻟﻜﺎﻥ ﻓﻴﻬﻮ ﻋﺮﺳﺎ
ﻭﻋﺮﻓﺖ ﺍﻧﻬﺎ ﺍﺧﻴﺮﺍ ﺍﺳﺘﻘﺮﺕ ﻓﻲ ﺑﻴﺘﺎ ﻭﺍﺗﺼﻠﺖ ﻋﻠﻴﻬﺎ
ﻭﺟﻦ ﻋﺸﺎﻥ ﺗﺒﺎﺭﻙ ﻟﻴﻬﺎ ﻭﺍﻟﻠﻴﻠﺔ ﻫﻲ ﻣﺎﺷﺔ ﻟﻴﻬﺎ ﻻﻧﻮ
ﻟﻴﻬﺎ ﺍﻛﺘﺮ ﻣﻦ ﺗﻼﻧﺔ ﺳﻨﻴﻦ ﻣﺎ ﻻﻗﺘﺎ ... ﺩﺍﻧﻴﺔ ﻭﻭﺟﻦ
ﺑﺘﻌﺎﺭﻓﻮ ﻣﻦ ﺍﻳﺎﻡ ﺩﺍﻧﻴﺔ ﻛﺎﻧﺖ ﻋﺎﻳﺸﺔ ﻓﻲ ﺍﻟﺨﺎﺭﺝ ﻣﻊ
ﺍﺳﺮﺗﺎ ﻓﺘﺮﺓ ﺍﺭﺑﻌﺔ ﺳﻨﻴﻦ ﻭﺍﺗﻌﺮﻓﺖ ﺧﻼﻻ ﻋﻠﻲ ﻭﺟﻦ
ﻭﻛﺎﻧﺖ ﻋﻼﻗﺔ ﺣﻠﻮﺓ ﺑﻴﻦ ﺍﻻﺗﻨﻴﻦ
ﻭﺻﻠﺖ ﺩﺍﻧﻴﺔ ﻟﻲ ﺑﻴﺖ ﻭﺟﻦ ﻭﺍﺳﺘﻘﺒﻠﺘﺎ ﻭﺟﻦ ﺍﺳﺘﻘﺒﺎﻝ
ﺣﺎﺭ ﻭﺍﻻﺗﻨﻴﻦ ﺑﻘﻮ ﻳﺰﻛﺮﻭ ﻓﻲ ﺯﻛﺮﻳﺎﺕ ﺍﻟﻤﺎﺿﻲ ﺍﻟﺠﻤﻴﻞ
ﻭﻳﺒﺎﺭﻛﻮ ﻟﻲ ﺑﻌﺾ ﺑﺎﻟﺰﻭﺍﺝ ﻭﺩﺍﻧﻴﺔ ﻗﺎﻟﺖ ﻟﻲ ﻭﺟﻦ
... ﺻﺎﺩﻑ ﺍﻧﻮ ﻋﺮﺳﻨﺎ ﻛﺎﻥ ﻓﻲ ﻧﻔﺲ ﺍﻟﻴﻮﻡ ﻭﺑﻌﺪ ﺭﺟﻌﺘﺎ
ﻣﻦ ﺷﻬﺮ ﺍﻟﻌﺴﻞ ﺳﺄﻟﺘﺎ ﻋﻨﻚ ﻗﺎﻟﻮ ﻟﺴﻪ ﻣﺎ ﺭﺟﻌﺘﻮ..
ﻭﺟﻦ ﻗﺎﻟﺖ ﻟﻴﻬﺎ ﺍﻳﻮﻩ ﻭﺍﻟﻠﻪ ﻟﻔﻴﻨﺎ ﺷﻮﻳﺔ ﻓﻲ ﺍﻟﺴﻮﺩﺍﻥ
ﻭﺁﺧﺮ ﺣﺎﺟﺔ ﻣﺸﻴﻨﺎ ﻟﻲ ﺍﻫﻞ ﺍﺑﻮﻱ ﻭﺍﻟﻠﻪ ﺟﻮﻟﺔ
ﺣﻠﻮﺓ .. ﺩﺍﻧﻴﺔ ﻗﺎﻟﺖ ﻟﻴﻬﺎ ﺍﻳﺎﻡ ﺷﻬﺮ ﺍﻟﻌﺴﻞ ﺩﻱ ﺍﺣﻠﻲ
ﺍﻳﺎﻡ ﻳﺎﻭﺟﻦ ﻭﻟﺤﻈﺎﺕ ﻣﺎﺑﺘﺘﻨﺴﻲ ... ﻭﺟﻦ ﻣﺎﺭﺩﺕ ﻋﻠﻲ
ﺻﺪﻳﻘﺘﺎ ﻃﻮﺍﻟﻲ ... ﻻﻧﻬﺎ ﺳﺮﺣﺖ ﻓﻲ ﺍﻳﺎﻡ ﺟﻮﻟﺘﻢ ﻭﺑﺎﻟﺬﺍﺕ
ﺍﻟﻔﺘﺮﺓ ﺍﻟﻘﻀﻮﻫﺎ ﻓﻲ ﻣﺪﻧﻲ ....ﻛﻞ ﺍﻻﻳﺎﻡ ﻛﺎﻧﺖ ﺣﻠﻮﺓ
ﻣﺎﻋﺪﺍ ﺍﻳﺎﻡ ﻣﺪﻧﻲ ﻓﺠﺄﺓ ﺧﺎﻟﺪ ﺑﻘﺎ ﺳﺎﻛﺖ ﻭﻣﺎﻋﺎﻳﺰ ﻳﺘﻜﻠﻢ
ﻣﻊ ﺯﻭﻝ ﻭﺗﺤﺲ ﺍﻧﻮ ﻏﺮﻳﺐ ﻓﻲ ﻭﺳﻂ ﺍﻟﻨﺎﺱ ﻛﺄﻧﻮ ﻓﻲ
ﺣﺎﺟﺔ ﺷﺎﻏﻼﻫﻮ ... ﻭﻗﺪﺭ ﻣﺎ ﺣﺎﻭﻟﺖ ﺗﻌﺮﻑ ﻫﻮ ﻣﺎﻟﻮ
