ﺍﻧﺘﻬﻲ ﺷﻬﺮ ﺍﻟﻌﺴﻞ ﻭﺭﺟﻊ ﺍﻟﻌﺮﺳﺎﻥ ﺍﻟﺴﻮﺩﺍﻥ ﺭﻏﻢ
ﺍﻟﺘﻘﺎﺭﺏ ﺍﻟﻜﺒﻴﺮ ﺍﻟﺤﺼﻞ ﺑﻴﻨﺎﺗﻢ ﻟﻜﻦ ﻟﺴﻪ ﺍﻟﺤﺎﻝ ﻓﻲ
ﺣﺎﻟﻮ ﻭﻷﻧﻮ ﺳﺤﺮ ﺑﺪﺕ ﺗﺘﻌﻠﻖ ﺑﻲ ﺑﺪﺭﺍﻟﺪﻳﻦ ﺍﻛﺘﺮ ﻣﻦ
ﺍﻭﻝ ﺑﻘﺖ ﺧﺎﻳﻔﺔ ﺗﻔﻘﺪﻭ ﻷﻧﻮ ﺻﻌﺐ ﻋﻠﻲ ﺍﻱ ﺭﺍﺟﻞ ﺍﻧﻮ
ﻳﺴﺘﺤﻤﻞ ﺍﻟﻮﺿﻊ ﺩﻩ ﻭﺑﻘﺎ ﺟﻮﺍﻫﺎ ﺍﺣﺴﺎﺱ ﺑﺎﻟﺬﻧﺐ ﺗﺠﺎﻩ
ﺑﺪﺭ ﻷﻧﻬﺎ ﻣﺎﻗﺎﺩﺭﺓ ﺗﺴﻌﺪﻭ ... ﺍﻟﻠﻴﻠﺔ ﻛﺎﻧﻮ ﻣﻌﺰﻭﻣﻴﻦ ﻋﻨﺪ
ﺍﻫﻼ ﻭﻛﺎﻧﺖ ﻣﺒﺴﻮﻃﺔ ﺑﻲ ﻭﺟﻮﺩﺍ ﻭﺳﻄﻬﻢ ﻭﺣﺴﺖ ﺑﻲ
ﺭﺍﺣﺔ ﻛﺒﻴﺮﺓ ﻭﺑﺪﺭ ﻛﻤﺎﻥ ﻟﻤﺎ ﻟﻘﺎﻫﺎﻣﺮﺗﺎﺣﺔ ﻗﺎﻝ ﻟﻴﻬﺎ
ﺍﺧﻠﻴﻚ ﺗﻌﺪﻱ ﺑﻘﻴﺔ ﺍﻟﻴﻮﻡ ﻣﻌﺎﻫﻢ ﻭﺍﺟﻴﻚ ﺍﻟﻤﺴﺎ
ﺍﺳﻮﻗﻚ .. ﺳﺤﺮ ﻋﺎﺭﻓﺔ ﺍﻧﻬﺎ ﺍﻛﺘﺮ ﻣﺮﻩ ﻣﺤﻈﻮﻇﺔ ﻓﻲ
ﺍﻟﺪﻧﻴﺎ ﻷﻧﻮ ﺭﺍﺟﻞ ﺯﻱ ﺑﺪﺭﺍﻟﺪﻳﻦ ﺑﺎﻟﻔﻬﻢ ﻭﺍﻟﺰﻭﻕ ﺩﻩ ﻣﺎﻓﻲ
ﺍﻱ ﺭﺍﺟﻞ ﺗﺎﻧﻲ ﻛﺎﻥ ﺍﺧﺪ ﺣﻘﻮ ﻣﻨﻬﺎ ﺑﺎﻟﻘﻮﺓ ﻭﻻ ﻫﻤﻮ
ﺍﺣﺴﺎﺳﺎ ﺷﻨﻮ ﻭﻻ ﺣﺎﻟﺘﺎ ﺍﻟﻨﻔﺴﻴﺔ ﻋﺸﺎﻥ ﻛﺪﻩ ﻗﺮﺭﺕ
ﺍﻧﻬﺎ ﻻﺍﺍﺯﻡ ﺗﻌﺎﻟﺞ ﻧﻔﺴﻬﺎ ﻭﺗﻄﻠﻊ ﻣﻦ ﺍﻟﺤﺎﻟﺔ ﺍﻟﻨﻔﺴﻴﺔ
ﺍﻟﻬﻲ ﻓﻴﻬﺎ ﺩﻱ ﻭﻫﻲ ﻣﺘﺄﻛﺪﺓ ﺍﻧﻬﺎ ﺑﺎﻟﻌﺰﻳﻤﺔ ﻭﺍﻹﺻﺮﺍﺭ
ﻭﻣﺴﺎﻧﺪﺓ ﺯﻭﺟﻬﺎ ﻭﺣﺒﻮ ﻟﻴﻬﺎ ﺍﻛﻴﺪ ﺡ ﻳﺘﺤﻘﻖ ﺍﻟﻤﺮﺍﺩ
ﻭﺗﻌﻴﺶ ﺣﻴﺎﺓ ﺯﻭﺟﻴﺔ ﻃﺒﻴﻌﻴﺔ ﺑﺪﻭﻥ ﺧﻮﻑ ﻓﻲ ﺍﻻﻭﻝ
ﻛﺎﻧﺖ ﻋﺎﻳﺰﺓ ﺗﺤﻜﻲ ﻟﻲ ﺍﻣﻬﺎ ﻟﻜﻦ ﺍﺗﺮﺍﺟﻌﺖ ﻋﻦ ﺍﻟﻔﻜﺮﺓ
ﻭﻗﺮﺭﺕ ﺍﻧﻬﺎ ﺑﺮﺍﻫﺎ ﺗﻔﺘﺶ ﻭﺗﺸﻮﻑ ﺣﻞ ﻟﻲ ﻣﺸﻜﻠﺘﺎ ﻭﻟﻮ
ﻏﻠﺒﺖ ﺡ ﺗﻠﺠﺄ ﻟﻠﻄﺐ ..ﻭﺩﻩ ﺍﻟﻤﻔﺮﻭﺽ ﻳﺤﺼﻞ ﻣﻦ ﺍﻭﻝ
ﻣﺎﺣﺴﺖ ﺑﻲ ﻣﺸﻜﻠﺘﺎ ..ﻭﺍﺳﻪ ﻣﺎﻓﺎﺕ ﺷﻲ ﻻﺍﺍﺯﻡ
ﺗﺘﺼﺮﻑ ... ﺭﺟﻌﺖ ﺳﺤﺮ ﺍﻟﻤﺴﺎ ﻣﻊ ﺯﻭﺟﻬﺎ ﻭﻫﻲ ﻓﻲ
ﻧﻔﺴﻬﺎ ﻗﺮﺭﺕ ﺍﻧﻬﺎ ﺗﻌﻤﻞ ﺧﻄﻮﺓ ﺗﺎﻧﻴﺔ ﻭﺗﺸﻮﻑ
ﺍﻟﺒﺤﺼﻞ ﺷﻨﻮ ... ﻋﻠﻲ ﻏﻴﺮ ﻋﺎﺩﺗﺎﻗﻌﺪﺕ ﺗﺘﻮﻧﺲ ﻭﺗﻀﺤﻚ
ﻣﻊ ﺑﺪﺭ ﻭﺗﺤﻜﻲ ﻟﻴﻬﻮ ﻋﻦ ﻳﻮﻣﺎ ﺑﻌﺪ ﻣﺎﻫﻮ ﻣﺸﺎ ... ﻭﻛﻞ
ﺷﻮﻳﺔ ﺗﻘﺮﺏ ﻣﻨﻮ ﺍﻛﺘﺮ ﻭﺭﻏﻢ ﺍﻟﺘﻮﺗﺮ ﺍﻟﺒﺠﻴﻬﺎ ﻟﻤﺎ ﺗﻘﺮﺏ
ﻣﻨﻮ ﺍﻭ ﺗﻠﻤﺲ ﻳﺪﻭ ﻟﻜﻦ ﻛﺎﻧﺖ ﺑﺘﺸﻐﻞ ﻧﻔﺴﻬﺎ ﺑﺎﻟﻜﻼﻡ
