ﺍﺧﻼﺹ ﺣﺎﻭﻟﺖ ﺗﻬﺪﻱ ﺩﺍﻧﻴﺔ ﻋﺸﺎﻥ ﻟﻤﺎ ﺍﻳﻤﻦ ﻳﺠﻲ
ﺍﻟﻤﻮﻗﻒ ﺑﻴﻨﻢ ﻣﺎﻳﺘﻄﻮﺭ ﺍﻛﺘﺮ ﻣﻦ ﻛﺪﻩ ﻷﻧﻬﺎ ﺣﺎﺳﻪ ﺍﻧﻮ
ﺍﻟﺤﻜﺎﻳﺔ ﻓﻴﻬﺎ ﺷﻲ ﻣﺎﻣﻈﺒﻮﻁ ﻭﺑﻘﺖ ﺗﻔﻜﺮ ﻓﻲ ﺍﻟﻜﻼﻡ
ﺍﻟﺤﻜﺘﻮ ﺩﺍﻧﻴﺔ ﻋﻦ ﻛﻼﻡ ﺍﻟﺒﺖ ﻣﻌﺎﻫﺎ .. ﻭﻫﻨﺎ ﻗﺎﻟﺖ ﻟﻲ
ﺩﺍﻧﻴﺔ .... ﺩﺍﻧﻴﺔ ﻣﺎﺗﺴﺘﻌﺠﻠﻲ ﻓﻲ ﺍﻟﻜﻼﻡ ﻣﻊ ﺍﻳﻤﻦ ﻋﺸﺎﻥ
ﻧﻘﺪﺭ ﻧﻔﻬﻢ ﺍﻟﺤﺎﺻﻞ ﺷﻨﻮ .. ﻭﻳﺎﺭﻳﺖ ﻟﻮ ﺧﻠﻴﺘﻴﻨﻲ ﺍﻧﺎ
ﺍﻓﻬﻤﻮ ﺍﻟﺤﺼﻞ ﻋﻠﻲ ﻃﺮﻳﻘﺘﻲ ﻭﺣﺎﻭﻟﻲ ﺍﺿﺒﻄﻲ ﻧﻔﺴﻚ
ﻗﺪﺭ ﺍﻹﻣﻜﺎﻥ ﻭﻣﺎﺗﺘﻬﻮﺭﻱ ﻓﻲ ﺍﻟﻜﻼﻡ .. ﻭﻭﺟﻦ ﻭﺳﺤﺮ ﺍﻛﺪﻭ
ﻋﻠﻲ ﻛﻼﻡ ﺩﻛﺘﻮﺭﺓ ﺇﺧﻼﺹ
ﺩﺍﻧﻴﺔ ﻓﻌﻼ ﻫﺪﺕ ﺷﻮﻳﺔ ﻷﻧﻮ ﺩﻩ ﺍﻳﻤﻦ ﺣﺒﻴﺒﺎ ﻭﺭﻭﺣﺎ
ﻓﻴﻬﻮ ﺍﺻﻠﻮ ﻣﺎ ﺑﺘﺼﺪﻕ ﺍﻧﻮ ﻳﻌﻤﻞ ﻛﺪﻩ ﻭﺍﺣﺴﻦ
ﻣﺎﺗﺘﻬﻮﺭ .. ﻭﻭﺻﻞ ﺍﻳﻤﻦ ﻭﻟﻴﻨﺪﺍ ﻗﺎﻟﺖ ﻟﻴﻬﻮ ﺍﻧﺎ ﺡ
ﺍﻧﺘﻈﺮﻙ ﻫﻨﺎ .. ﻃﺒﻌﺎ ﻟﻴﻨﺪﺍ ﻣﺎﺣﺒﺖ ﺗﺘﺪﺧﻞ ﺑﻴﻦ ﺍﻳﻤﻦ
ﻭﺯﻭﺟﺘﻮ ﻷﻧﻬﺎ ﻋﺮﻓﺖ ﻣﻦ ﺍﻳﻤﻦ ﺍﻧﻮ ﺯﻭﺟﺘﻮ ﻛﻠﻤﺘﻮ ﻓﻲ
ﺍﻟﺘﻠﻔﻮﻥ ﻭﻛﻼﻣﺎ ﻛﺎﻥ ﻏﺮﻳﺐ ﻭﻣﺎﻓﻬﻢ ﻣﻨﻬﺎ ﺣﺎﺟﺔ ﻷﻧﻬﺎ
ﻛﺎﻧﺖ ﻣﻨﻬﺎﺭﺓ ﻭﻧﺰﻝ ﺍﻳﻤﻦ ﻣﻦ ﺍﻟﻌﺮﺑﻴﺔ ﻭﺩﺧﻞ ﻋﻠﻲ ﺍﻟﻤﺒﻨﻲ
ﺍﻟﻔﻴﻬﻮ ﻋﻴﺎﺩﺓ ﺩﻛﺘﻮﺭﺓ ﺇﺧﻼﺹ ﻭﻟﻤﺎ ﺩﺧﻞ ﻭﻟﻘﺎ ﺩﺍﻧﻴﺔ
ﻭﺷﻬﺎ ﻣﻨﻔﺦ ﻭﻋﻴﻮﻧﺎ ﺣﻤﺮﺍ ﻭﺷﻜﻠﻬﺎ ﺑﺎﻛﻴﺔ ﺷﺪﻳﺪ ﻭﺣﻮﻟﻬﺎ
ﺻﺪﻳﻘﺎﺗﺎ ﻭﺩﻛﺘﻮﺭﺓ ﺇﺧﻼﺹ ﻣﺎﻗﺪﺭ ﻳﺴﺘﺤﻤﻞ ﻣﻨﻈﺮ ﺩﺍﻧﻴﺔ
ﺍﻟﻜﺎﻧﺖ ﺑﺘﺤﺎﻭﻝ ﺗﺘﻤﺎﺳﻚ ﻓﻲ ﻭﺟﻮﺩﻭ..ﻭﻣﺸﺎ ﻋﻠﻲ
ﺩﺍﻧﻴﺔﻭﻣﺴﻚ ﻭﺷﻬﺎ ﺑﻴﻦ ﺍﻳﺪﻳﻬﻮ ﻭﻫﻮ ﺑﻌﺎﻳﻦ ﻟﻴﻬﺎ ﻓﻲ
ﺣﻴﺮﺓ ﻭ ﻧﻔﺴﻮ ﻳﺨﺖ ﺣﺒﻴﺒﺘﻮ ﺟﻮﺍ ﺻﺪﺭﻱ ﻭﻳﺪﺳﻬﺎ ﺑﻴﻦ
ﺿﻠﻮﻋﻮ ﻋﺸﺎﻥ ﻣﺎﻓﻲ ﺣﺎﺟﺔ ﺗﻮﺟﻌﺎ ﻛﺪﻩ ﻭﺣﻀﻨﺎ ﺑﻘﻮﺓ
ﻭﺑﻘﺎ ﻳﻘﻮﻝ ﻟﻴﻬﺎ ﺣﺒﻴﺒﺘﻲ ﺣﺒﻴﺒﺘﻲ ﻭﺳﺎﻟﺖ ﺩﻣﻮﻋﻮ ﻓﻲ
ﻣﺸﻬﺪ ﻣﺆﺛﺮ ﻭﺩﺍﻧﻴﺔ ﺩﺳﺖ ﺭﺍﺳﺎ ﻓﻲ ﺣﻀﻦ ﺍﻳﻤﻦ
ﻭﺑﻘﺖ ﺗﻘﻮﻝ ﻟﻴﻬﻮ ﺍﻳﻤﻦ ﻗﻮﻝ ﻟﻲ ﺍﻧﻚ ﺑﺘﺤﺒﻨﻲ ﺍﻳﻤﻦ
ﻗﺎﻝ ﻟﻴﻬﺎ ﺍﻧﺘﻲ ﺭﻭﺡ ﺍﻳﻤﻦ ﻭﻧﻔﺴﻮ ﻭﺍﻱ ﺣﺎﺟﺔ ﻏﻴﺮﻙ ﻓﻲ
ﺍﻟﺪﻧﻴﺎ ﻭﻻ ﺗﺴﻮﻱ ﺷﻲ ﻗﺼﺎﺩ ﺩﻣﻌﺔ ﻭﺍﺣﺪﺓ ﻣﻨﻚ ﺍﻭ
