ﺯﻭﺍﺝ ﺩﺍﻧﻴﺔ
ﻭﺍﻳﻤﻦ ﻛﺎﻥ ﺣﺪﻳﺚ ﺍﻟﻮﺳﻂ ﺍﻟﺮﺍﻗﻲ ﺣﻔﻞ ﺯﻓﺎﻑ ﺍﻧﻴﻖ
ﻭﻓﺨﻢ ﻳﻠﻴﻖ ﺑﻤﺴﺘﻮﻱ ﺍﻻﺳﺮﺗﻴﻦ ﻭﺑﻌﺪ ﺍﻟﺤﻔﻞ ﺳﺎﻓﺮ
ﺍﻟﻌﺮﺳﺎﻥ ﻟﻠﺨﺎﺭﺝ ﻟﻘﻀﺎﺀ ﺷﻬﺮ ﺍﻟﻌﺴﻞ ... ﺃﻳﻤﻦ ﻭﺩﺍﻧﻴﺔ
ﺟﻤﺎﻝ ﻭﻭﺳﺎﻣﺔ ﻭﻗﻮﺓ ﺷﺨﺼﻴﺔ ﻭﺇﻣﻜﺎﻧﻴﺎﺕ ﻭﺇﻋﺘﺰﺍﺯ
ﺑﺎﻟﻨﻔﺲ ﺯﻭﺍﺝ ﺑﻴﻦ ﺷﺨﺼﻴﻦ ﻳﻨﺎﻓﺲ ﻛﻞ ﻭﺍﺣﺪ ﻓﻴﻬﻢ
ﺍﻟﺘﺎﻧﻲ ﻓﻲ ﺍﺑﺮﺍﺯ ﺷﺨﺼﻴﺘﻮ ﻭﻭﺟﻮﺩﻭ ﻭﺇﺑﻬﺎﺭ ﺍﻟﻄﺮﻑ
ﺍﻟﺘﺎﻧﻲ ... ﻋﻼﻗﺔ ﻋﺎﻣﻠﺔ ﺯﻱ ﻧﻬﺎﺋﻲ ﻛﺎﺱ ﺍﻟﻌﺎﻟﻢ ﺑﻴﻦ
ﻓﺮﻳﻘﻴﻦ ﻗﻮﻳﻴﻦ ﺻﻌﺐ ﺗﺤﺪﻳﺪ ﺍﻟﻔﺎﻳﺰ ﻓﻴﻬﺎ ﻣﻨﻮ ﺭﻏﻢ ﻛﻞ
ﺍﻟﺘﻮﻗﻌﺎﺕ .. ﺍﻳﻤﻦ ﻻﻭﻝ ﻣﺮﺓ ﻳﺤﺲ ﺍﻧﻮ ﻣﺒﻬﻮﺭ ﺑﻲ
ﺷﺨﺼﻴﺔ ﻟﻠﺪﺭﺟﺔ ﺩﻱ ... ﺗﺤﺖ ﺳﺘﺎﺭ ﺍﻟﺪﻟﻊ ﻭﺍﻟﺪﻻﻝ
ﻛﺎﻧﺖ ﺩﺍﻧﻴﺔ ﺍﺟﻤﻞ ﻭﺍﺭﻕ ﺍﻧﺜﻲ ﻭﺍﺧﻄﺮﻫﻢ ﻋﻠﻲ ﺍﻻﻃﻼﻕ
ﻭﺍﺣﺪﺓ ﻋﺎﺭﻓﺔ ﻫﻲ ﺷﻨﻮ ﻭﻋﺎﻳﺰﺓ ﺷﻨﻮ ﻭﻛﻴﻒ ﺗﺼﻞ ﻟﻲ
ﻫﺪﻓﺎ ... ﻗﻮﺓ ﺷﺨﺼﻴﺔ ﻭﺣﻀﻮﺭ ﻃﺎﻏﻲ.. ﻻﻭﻝ ﻣﺮﻩ ﻳﺤﺲ
ﺍﻧﻮ ﻋﻨﺪﻭ ﻣﻨﺎﻓﺲ ﻗﻮﻱ ﻭﻻﻋﺐ ﺧﻄﻴﺮ ﻧﺎﺯﻝ ﻣﻌﺎﻫﻮ ﻓﻲ
ﻧﻔﺲ ﺍﻟﻤﻠﻌﺐ ﻭﻫﻮ ﻧﻔﺴﻮ ﻳﺠﻴﺐ ﻓﻴﻬﻮ ﻗﻮﻥ ﻟﻜﻦ ﻓﻲ
ﺛﻮﺍﻧﻲ ﺑﻠﻘﺎ ﺭﻭﺣﻮ ﻓﻲ ﺍﻧﺘﻈﺎﺭ ﺍﻫﺪﺍﻑ ﺍﻟﺨﺼﻢ
ﺍﻟﻘﻮﻱ . ﺍﻟﻤﺪﻭﻳﺔ ﻟﺘﻌﻠﻦ ﺍﻧﺘﺼﺎﺭﺍ ﺍﻟﺴﺎﺣﻖ ﻋﻠﻴﻬﻮ.. ﺍﻭﻝ
ﻟﻴﻠﺔ ﺑﻴﻦ ﺍﻟﺰﻭﺟﻴﻦ ﻛﺎﻧﺖ ﻟﻴﻠﺔ ﺭﺍﺋﻌﺔ ﺑﻜﻞ ﺍﻟﻤﻘﺎﻳﻴﺲ
ﺍﻳﻤﻦ ﺣﺒﻴﺐ ﺭﺍﺋﻊ ﺑﻌﺮﻑ ﻛﻴﻒ ﻳﺨﻠﻲ ﺍﻱ ﻭﺍﺣﺪﺓ ﺗﺤﺲ
ﺍﻧﻬﺎ ﺍﺟﻤﻞ ﺍﻧﺜﻲ ﻓﻤﺎ ﺑﺎﻟﻚ ﺑﻲ ﺯﻭﺟﺘﻮ ... ﺩﺍﻧﻴﺔ ﻛﻢ ﻣﻦ
ﺍﻹﻛﺘﺸﺎﻓﺎﺕ ﺍﻟﻤﺒﻬﺮﺓ ﻟﻲ ﺍﻳﻤﻦ ﻭﺍﻧﺜﻲ ﺟﻤﻴﻠﺔ ﻭﻛﺎﻧﺖ ﻧﺪ
ﻟﻲ ﺃﻳﻤﻦ ﺣﺘﻲ ﻓﻲ ﺍﻟﻌﻼﻗﺔ ﺍﻟﺤﻤﻴﻤﺔ ... ﺑﻘﺪﺭ ﺇﻧﺒﻬﺎﺭ ﺍﻳﻤﻦ
ﺑﻴﻬﺎ ﻻﻧﻮ ﻣﺎﻛﺎﻥ ﻣﻜﺘﺸﻒ ﺣﻘﻴﻘﺘﺎ ﺑﻘﺪﺭ ﻣﺎﺧﺎﻑ
ﻣﻨﻬﺎ ...ﻭﺟﻮﺩ ﺍﻟﻤﻜﺮ ﺍﻻﻧﺜﻮﻱ ﻭﺍﻇﻬﺎﺭ ﺍﻟﻀﻌﻒ ﺭﻏﻢ ﻭﺟﻮﺩ
ﻗﻮﻱ ﺩﺍﺧﻠﻴﺔ ﻃﺎﻏﻴﺔ ﺑﺘﻌﺮﻑ ﺑﺘﻴﻦ ﺗﻈﻬﺮ
ﻟﻠﻮﺟﻮﺩ ... ﺻﻔﺎﺕ ﺩﺍﻧﻴﺔ ﺍﻟﻜﺎﻥ ﺷﺎﻳﻔﺎ ﻓﻲ ﺍﻟﺒﺪﺍﻳﺔ ﺑﺖ
ﻫﺎﻳﻔﺔ ﻭﻣﺪﻟﻌﺔ ﻭﻣﺎ ﻋﻨﺪﻫﺎ ﻣﻮﺿﻮﻉ ﺍﻛﺘﺸﻒ ﺍﻧﻬﺎ ﺯﻭﻟﺔ
ﻓﺎﻫﻤﺔ ﻭﺭﺍﺳﺎ ﻣﻠﻴﺎﻥ ﻟﻜﻦ ﻓﻲ ﻧﻔﺲ ﺍﻟﻮﻗﺖ ﻣﺪﻟﻌﺔ
ﻧﻔﺴﻬﺎ ﻭﻋﺎﻳﺸﺔ ﻭﺿﻌﻬﺎ ﻛﻮﺍﺣﺪﺓ ﻣﻦ ﺟﻤﻴﻼﺕ ﺍﻟﻤﺠﺘﻤﻊ
ﺍﻟﺮﺍﻗﻲ ..ﻣﻦ ﺍﻭﻝ ﻳﻮﻡ ﻭﺷﺮﺍﺭﺓ ﺍﻻﻋﺠﺎﺏ ﺑﻴﻦ ﺍﻟﻄﺮﻓﻴﻦ
ﻛﺎﻧﺖ ﺑﺘﺰﻳﺪ ﻭﺑﺎﻟﺬﺍﺕ ﻣﻦ ﻧﺎﺣﻴﺔ ﺍﻳﻤﻦ ﺍﻟﻜﺎﻥ ﻣﻨﺪﻓﻊ
ﺑﻘﻮﺓ ﺗﺠﺎﻫﺎ ﻭﺩﻱ ﺍﻭﻝ ﻣﺮﻩ ﻳﻈﻬﺮ ﻣﺸﺎﻋﺮﻭ ﺑﺎﻟﻘﻮﺓ ﺩﻱ
... ﻟﻜﻦ ﻫﻞ ﺍﻟﻤﺸﺎﻋﺮ ﺩﻱ ﺣﻘﻴﻘﻴﺔ ﺩﻩ ﺍﻟﺴﺆﺍﻝ ﺍﻟﻜﺎﻥ
ﺍﻳﻤﻦ ﻧﻔﺴﻮ ﻣﺎﻗﺎﺩﺭ ﻳﺮﺩ ﻋﻠﻴﻬﻮ ﻻﻧﻮ ﺍﻟﺰﻣﻦ ﺍﻟﻘﻴﺎﺳﻲ
ﺍﻟﻌﺮﺳﻮ ﻓﻴﻬﻮ ﺍﻛﻴﺪ ﻣﺎ ﺧﻼﻫﻮ ﻳﺘﺄﻛﺪ ﺗﻤﺎﻣﺎ ﻣﻦ ﺣﻘﻴﻘﺔ
ﻣﺸﺎﻋﺮﻭ ﺍﻟﻤﺘﺄﻛﺪ ﻣﻨﻮ ﺍﻧﻮ ﺍﺗﺠﺬﺏ ﻟﻴﻬﺎ ﺷﺪﻳﺪ ﻟﻲ ﺩﺭﺟﺔ
ﺍﻧﻬﺎ ﺷﺘﺖ ﺍﻓﻜﺎﺭﻭ ﻭﻗﺮﺭ ﺍﻧﻬﺎ ﺗﻜﻮﻥ ﺯﻭﺟﺘﻮ ﻭﻭﺍﻓﻘﺖ
ﺩﺍﻧﻴﺔ ... ﺩﺍﻧﻴﺔ ﻛﺎﻧﺖ ﺑﺘﻌﺮﻑ ﺍﻳﻤﻦ ﻛﻮﻳﺲ ﺍﻛﺘﺮ ﻣﻦ
ﻣﺎﻫﻮ ﻋﺎﺭﻑ ... ﺍﻏﻠﺐ ﺑﻨﺎﺕ ﺍﻟﻮﺳﻂ ﻛﺎﻧﻮ ﻣﺒﻬﻮﺭﻳﻦ ﺑﻴﻬﻮ
ﻭﺑﺠﺮﻭ ﻭﺭﺍﻫﻮ ﻭﻫﻮ ﻣﺎﺷﻐﺎﻝ ﺑﻲ ﻭﺍﺣﺪﺓ ﻓﻴﻬﻢ ﻭﻛﺎﻥ
ﻋﺎﺟﺒﺎ ﺛﻘﺘﻮ ﻓﻲ ﻧﻔﺴﻮ ﻭﺍﻧﻮ ﺷﺨﺼﻴﺔ ﻣﻤﻴﺰﺓ ﺑﻴﻦ ﺍﺑﻨﺎﺀ
ﺍﻟﻮﺳﻂ ﻭﻣﺎﻛﺎﻥ ﺯﻭﻝ ﺗﺎﻓﻪ .... ﻭﻋﻠﻲ ﻋﻜﺲ ﺍﻳﻤﻦ ﺍﻟﻜﺎﻥ
ﻛﻞ ﺍﻟﺒﻬﻤﻮ ﺍﻧﻮ ﻳﺘﺰﻭﺟﺎ ﻭﺑﺲ ﺑﻐﺾ ﺍﻟﻨﻈﺮ ﻋﻦ ﻣﻌﺮﻓﺔ
ﺣﻘﻴﻘﺔ ﺷﻌﻮﺭﻭ ﺗﺠﺎﻫﺎ ... ﻭﻟﻤﺎ ﺑﺪﺍ ﻳﺘﻘﺮﺏ ﻟﻴﻬﺎ ﻛﺎﻧﺖ
ﺳﻌﻴﺪﺓ ﺟﺪﺍ ﻟﻜﻦ ﻟﻮ ﺣﺎﻭﻟﺖ ﺗﺘﺼﺮﻑ ﺯﻳﻬﺎ ﻭﺯﻱ ﺑﻘﻴﺔ
ﺍﻟﺒﻨﺎﺕ ﺍﻟﺒﺠﺮﻭ ﻭﺭﺍﻫﻮ ﻭﻳﻄﻠﺒﻮ ﻭﺩﻭ ﺍﻛﻴﻴﻴﺪ ﺡ ﺗﺨﺴﺮﻭ
ﻭﺑﺪﻝ ﻣﺎ ﺗﺤﺴﺴﻮ ﺍﻧﻮ ﺍﻳﻤﻦ ﺍﻟﺒﺎﺷﺎ ﺣﺴﺴﺘﻮ ﺍﻧﻬﺎ ﺩﺍﻧﻴﺔ
ﺍﻟﻜﺘﻴﺎﺑﻲ ﻭﻓﺮﺿﺖ ﻭﺟﻮﺩﺍ ﻓﻲ ﺣﻴﺎﺗﻮ ﺑﻲ ﺩﺭﺟﺔ ﻛﺒﻴﺮ
يتبع...
