ﺳﺤﺮ ﺍﺳﺘﻤﺮﺕ ﻓﻲ ﺍﻟﻌﻼﺝ ﺍﻟﻨﻔﺴﻲ ﻣﻊ ﺩﻛﺘﻮﺭﺓ ﺍﺧﻼﺹ
ﻟﻌﺪﺓ ﺟﻠﺴﺎﺕ ﻭﺍﺛﺒﺘﺖ ﺗﻄﻮﺭ ﻣﻠﺤﻮﻅ ﻓﻲ ﺣﺎﻟﺘﺎ ﻷﻧﻬﺎ
ﻣﺎﻛﺎﻧﺖ ﻭﺍﺻﻠﺔ ﻟﻲ ﺩﺭﺟﺔ ﻋﻤﻴﻘﺔ ﻳﺼﻌﺐ ﺍﻭ ﻳﺴﺘﺤﻴﻞ
ﻣﻌﺎﻫﺎ ﺍﻟﻌﻼﺝ ﻭﺍﻟﺴﺎﻋﺪ ﻋﻠﻲ ﺗﺤﺴﻦ ﺣﺎﻟﺘﺎ ﻋﺰﻳﻤﺘﺎ ﻭﺍﺻﺮﺍﺭﺍ
ﻋﻠﻲ ﺍﻟﻤﺤﺎﻓﻈﺔ ﻋﻠﻲ ﺭﺑﺎﻁ ﺍﻟﺰﻭﺟﻴﺔ ﺍﻟﺒﺮﺑﻄﺎ ﺑﻲ ﺑﺪﺭﺍﻟﺪﻳﻦ
ﻷﻧﻮ ﺍﻧﺴﺎﻥ ﻳﺴﺘﺎﻫﻞ ﻛﻞ ﺍﻟﺨﻴﺮ ﻭﻭﻗﻒ ﻣﻌﺎﻫﺎ ﻛﺘﻴﺮ
ﺧﺎﺻﺔ ﺑﻌﺪ ﻣﺎ ﻛﻠﻤﺘﻮ ﻋﻦ ﻣﻘﺎﺑﻠﺘﺎ ﺍﻻﻭﻟﻲ ﻟﻲ ﺩﻛﺘﻮﺭﺓ
ﺁﺧﻼﺹ ﻭﻋﻦ ﺣﺎﺩﺛﺔ ﺍﻟﺨﺘﺎﻥ ﺍﻟﻔﺮﻋﻮﻧﻲ ﺍﻟﻜﺎﻧﺖ ﺳﺒﺐ
ﺍﺳﺎﺳﻲ ﻓﻲ ﺍﻟﻮﺿﻊ ﺍﻟﻨﻔﺴﻲ ﺍﻟﻮﺻﻠﺖ ﻟﻴﻬﻮ ﺍﺭﺗﺒﺎﻃﻮ ﻓﻲ
ﺫﻫﻨﻬﺎ ﺑﺎﻟﻌﻼﻗﺔ ﺍﻟﺤﻤﻴﻤﺔ ﻭﺍﻷﻟﻢ ﻭﺍﻟﻮﺟﻊ ﺍﻟﺒﺘﻼﻗﻴﻬﻮ ﺍﻱ
ﻭﺍﺣﺪﺓ ﺣﺼﻠﺖ ﻟﻴﻬﺎ ﻣﺸﻜﻠﺔ ﺑﺴﺒﺐ ﺍﻟﺨﺘﺎﻥ .. ﺑﺪﺭ
ﺍﺗﻔﻬﻢ ﺍﻟﻤﻮﻗﻒ ﻭﻃﻠﺐ ﻣﻨﻬﺎ ﺍﻟﺘﺮﻳﺚ ﻭﻋﺪﻡ ﺍﻻﺳﺘﻌﺠﺎﻝ
ﻷﻧﻬﺎ ﻛﺎﻧﺖ ﻣﻔﻜﺮﺓ ﺇﻧﻬﺎ ﺗﺨﺖ ﻧﻔﺴﻬﺎ ﻓﻲ ﺍﻟﺘﺠﺮﺑﺔ
ﻭﻣﻬﻤﺎ ﻳﺤﺼﻞ ﻳﺤﺼﻞ ... ﻟﻜﻦ ﺑﺪﺭ ﻃﻠﺐ ﻣﻨﻬﺎ ﺍﻧﻮ
ﺗﻮﺍﺻﻞ ﻣﻊ ﺩﻛﺘﻮﺭﺓ ﺇﺧﻼﺹ ﺑﺎﻹﺿﺎﻓﺔ ﻟﻲ ﻣﺮﺍﺟﻌﺔ
ﻃﺒﻴﺐ ﺍﻣﺮﺍﺽ ﻧﺴﺎﺀ ﻋﺸﺎﻥ ﻳﻮﺿﺢ ﻟﻴﻬﻢ ﻭﺿﻌﻬﺎ
ﺍﻟﺼﺤﻲ ﻭﺍﺫﺍ ﻛﺎﻥ ﻓﻲ ﺍﻱ ﺣﻮﺟﺔ ﻟﻲ ﻋﻼﺝ ﻻﺯﻡ
ﺗﺘﻌﺎﻟﺞ .... ﻭﻗﺎﻝ ﻟﻴﻬﺎ ﺍﻧﻮ ﺑﻌﺪ ﺗﺤﺲ ﺇﻧﻬﺎ ﻧﻔﺴﻴﺎ
ﻣﺴﺘﻌﺪﺓ ﻟﺨﻮﺽ ﺍﻟﺘﺠﺮﺑﺔ ﻭﺑﺪﺍ ﻳﻜﻮﻥ ﻋﻨﺪﻫﺎ ﻗﺒﻮﻝ
ﻟﻠﻔﻜﺮﺓ ﻋﻨﺪﻫﺎ ﻓﻘﻂ ﻣﻤﻜﻦ ﺍﻟﺤﺎﺟﺔ ﺩﻱ ﺗﺤﺼﻞ ﻋﺸﺎﻥ
ﺍﻹﺳﺘﻌﺠﺎﻝ ﻣﺎ ﻳﺆﺩﻱ ﻟﻨﺘﻴﺠﺔ ﻋﻜﺴﻴﺔ ﻭﺗﻀﻴﻊ ﻋﻠﻴﻬﻢ ﺍﻱ
ﺍﻣﻞ ﺑﺎﻟﻌﻼﺝ ...ﻭﻓﻌﻼ ﻭﺍﻇﺒﺖ ﺳﺤﺮ ﻋﻠﻲ ﺯﻳﺎﺭﺓ ﺩﻛﺘﻮﺭﺓ
ﺇﺧﻼﺹ ﺍﻟﺮﺳﻠﺘﺎ ﻟﻲ ﺩﻛﺘﻮﺭ ﺍﻧﻮﺭ ﻋﺸﺎﻥ ﺗﺘﺎﺑﻊ ﻣﻌﺎﻫﻮ
ﺣﺎﻟﺘﺎ ... ﻭﺑﻌﺪ ﻋﺪﺓ ﻓﺤﻮﺻﺎﺕ ﻭﺻﻮﺭ ﻃﻤﻨﺎ ﺩﻛﺘﻮﺭ ﺍﻧﻮﺭ
ﺍﻧﻮ ﻣﺎﻓﻲ ﻣﺸﻜﻠﺔ ﻛﺒﻴﺮﺓ ﻻﻧﻮ ﺍﻟﻌﻼﺟﺎﺕ ﺍﻹﺧﺪﺗﺎ ﻟﻤﺎ
ﻛﺎﻧﺖ ﺻﻐﻴﺮﺓ ﻋﻤﻠﺖ ﺍﻟﻤﻄﻠﻮﺏ ﻟﻜﻦ ﺍﺩﺍﻫﺎ ﻋﺪﺓ
ﺗﻮﺟﻴﻬﺎﺕ ﺗﻌﻤﻞ ﺑﻴﻬﺎ ﻫﻲ ﻭﺯﻭﺟﻬﺎ ﺍﺛﻨﺎﺀ ﺍﻟﻌﻼﻗﺔ ﻋﺸﺎﻥ
ﺗﺨﻠﻲ ﺍﻟﻄﺮﻓﻴﻦ ﻳﺼﻠﻮ ﻟﻲ ﺍﻓﻀﻞ ﻭﺿﻊ ﻣﺮﻳﺢ ﻟﻜﻦ ﺍﺫﺍ
ﺣﺴﻮ ﺍﻧﻮ ﺍﻟﻮﺿﻊ ﻣﺎﻣﺮﻳﺢ ﻣﻊ ﺍﻟﺰﻣﻦ ﻭﺍﺳﺘﻤﺮﺍﺭ ﺍﻟﻌﻼﻗﺔ
ﻣﻤﻜﻦ ﺇﺟﺮﺍﺀ ﻋﻤﻠﻴﺔ ﺑﺴﻴﻄﺔ ﺗﺤﺴﻦ ﺍﻟﻮﺿﻊ ﻭﻣﺎﻓﻴﻬﺎ ﺍﻱ
ﻣﺸﺎﻛﻞ
ﻭﻣﻊ ﺍﻟﻌﻼﺝ ﺍﻟﻨﻔﺴﻲ ﻭﺍﻟﺠﺴﺪﻱ ﻭﺻﻠﺖ ﺣﻴﺎﺓ ﺳﺤﺮ ﻭﺑﺪﺭ
ﺍﻟﺰﻭﺟﻴﺔ ﺃﺧﻴﺮﺍ ﺍﻟﻲ ﺑﺮ ﺍﻷﻣﺎﻥ ﺑﻌﺪ ﺍﻥ ﺯﺍﻟﺖ ﺍﻟﻌﻘﺒﺔ
ﺍﻟﻮﺣﻴﺪﺓ ﺍﻟﻜﺎﻧﺖ ﻣﺴﺒﺒﺔ ﻧﻘﺺ ﻓﻲ ﺣﻴﺎﺗﻢ ﻭﺍﻛﺘﻤﻠﺖ
ﺳﻌﺎﺩﺓ ﺍﻟﺰﻭﺟﻴﻦ ﺃﺧﻴﺮﺍ ﺑﻌﺪ ﻛﺘﻴﺮ ﻣﻦ ﺍﻟﺼﺒﺮ ﻭﺍﻟﻤﻌﺎﻧﺎﺓ
يتبع....
