ﺑﺪﺭﺍﻟﺪﻳﻦ ﻓﺮﺣﺎﻥ ﻭﻣﺒﺴﻮﻁ ﻻﻧﻮ ﺍﺧﻴﺮﺍ ﺗﻤﺎ ﻣﺮﺍﺩﻭ ﻭﺍﺗﺰﻭﺝ
ﺳﺤﺮ ﺍﻟﻜﺎﻥ ﺑﺤﺒﻬﺎ ﻭﺑﺤﻠﻢ ﺑﻲ ﺍﻟﻴﻮﻡ ﺍﻟﺘﻜﻮﻥ ﻓﻴﻬﻮ ﺯﻭﺟﺘﻮ
ﻭﺍﻡ ﺍﻭﻻﺩﻭ ﺻﺒﺮ ﻛﺘﻴﻴﻴﺮ ﻭﻫﻮ ﺧﺎﻳﻒ ﺍﻧﻬﺎ ﺗﻀﻴﻊ ﻣﻨﻮ
ﻟﻜﻦ ﺍﺧﻴﺮﺍ ﺣﻠﻤﻮ ﺍﺗﺤﻘﻖ ﻭﺳﺤﺮ ﺑﻘﺖ ﺯﻭﺟﺘﻮ ... ﺑﺪﺭﺍﻟﺪﻳﻦ
ﻋﻴﻮﻧﻮ ﻛﺎﻧﺖ ﻣﻠﻴﺎﻧﺔ ﺑﺎﻟﺤﺐ ﻭﻫﻮ ﺑﻌﺎﻳﻦ ﻟﻲ ﺳﺤﺮ
ﺍﻟﻘﺎﻋﺪﺓ ﺟﻤﺒﻮ ﻭﻫﻲ ﻻﺑﺴﺔ ﺗﻮﺏ ﺍﻟﺠﺮﺗﻖ ﺍﻻﺣﻤﺮ ﻭﺻﻮﺕ
ﺍﻟﺰﻏﺎﺭﻳﺪ ﺣﻮﻟﻬﻢ ﻣﺎﻟﻴﺔ ﺍﻟﻤﻜﺎﻥ ﻭﺍﻟﻨﺴﻮﺍﻥ ﺑﻐﻨﻮ ﺍﻟﻌﺪﻳﻞ
ﻭﺍﻟﺰﻳﻦ ... ﺍﻭﻝ ﻣﺮﻩ ﺑﺪﺭﺍﻟﺪﻳﻦ ﻣﺎﻳﺪﺱ ﺍﺣﺴﺎﺱ ﺣﺒﻮ ﻟﻲ
ﺳﺤﺮ ﻭﺧﺘﺎ ﻳﺪﻭ ﺣﻮﻝ ﻛﺘﻔﻬﺎ ﻭﻫﻮ ﺑﻘﺮﺑﺎ ﻟﻴﻬﻮ ﻟﻜﻦ ﺣﺴﺎ
ﺍﻧﻮ ﺳﺤﺮ ﻛﺎﻧﺖ ﺑﺘﺮﺗﻌﺶ ﻓﻬﻤﺲ ﻓﻲ ﺍﺿﺎﻧﺎ ﺑﺮﺍﺣﺔ ﻣﻦ
ﺩﻭﻥ ﻣﺎﺯﻭﻝ ﻳﺴﻤﻌﻮ ﺣﺒﻴﺒﺘﻲ ﻣﺎﻟﻚ ﻓﻲ ﺷﻨﻮ
... ﺑﺪﺭﺍﻟﺪﻳﻦ ﻛﺎﻥ ﻗﻠﻘﺎﻥ ﻋﻠﻲ ﺳﺤﺮ ﻷﻧﻮ ﻣﻦ ﻣﺎﺑﺪﺍ
ﺍﻟﺠﺮﺗﻖ ﻭﻫﻮ ﺣﺎﺳﻲ ﺍﻧﻬﺎ ﻣﺘﻮﺗﺮﺓ ﻫﻮ ﻓﺎﺍﺍﻫﻢ ﺍﻧﻮ ﺍﻱ
ﻋﺮﻭﺱ ﻓﻲ ﺍﻟﻠﻴﻠﺔ ﺩﻱ ﺑﺘﺘﻮﺗﺮ ﻟﻜﻦ ﺳﺤﺮ ﺍﻟﺒﺖ ﺍﻟﻘﻮﻳﺔ
ﻭﺍﻟﺸﺨﺼﻴﺔ ﺍﻟﺨﻼﺑﺔ ﻣﺎﻛﺎﻥ ﻣﺘﺨﻴﻞ ﺍﻧﻬﺎ ﺡ ﺗﺘﻮﺗﺮ ﻛﺪﻩ
ﻳﻤﻜﻦ ﺗﻜﻮﻥ ﻓﻲ ﺣﺎﺟﺔ ﻣﻀﺎﻳﻘﺎﻫﺎﺍﻭ ﺗﻌﺒﺎﻧﺔ ﻷﻧﻮ ﺍﻟﻴﻮﻡ
ﻛﺎﻥ ﻃﻮﻳﻞ ﻭﻣﺘﻌﺐ ... ﺳﺤﺮ ﻛﺎﻧﺖ ﺧﺎﻳﻔﺔ ﺑﺎﻟﺠﺪ ﺍﻭﻝ
ﻣﺮﻩ ﻓﻲ ﺣﻴﺎﺗﺎ ﺗﺨﺎﻑ ... ﻭﻣﺎﻋﺎﺭﻓﺔ ﻫﻲ ﺧﺎﻳﻔﺔ ﻣﻦ ﺷﻨﻮ
.. ﻣﻮﺵ ﺩﻩ ﺑﺪﺭ ﺍﻟﺤﺒﺘﻮ ﻭﺍﻣﻨﻴﺘﺎ ﺍﺗﺤﻘﻘﺖ ﻭﻋﺮﺳﺎ ﺗﻤﺎ
ﺑﺪﻭﻥ ﺍﻱ ﻋﻘﺒﺎﺕ ﻭﻋﻠﻲ ﺍﺣﺴﻦ ﻣﺎﻳﻜﻮﻥ ﻃﻴﺐ ﺧﺎﻳﻔﺔ ﻟﻲ
ﺷﻨﻮ ...ﺳﺤﺮ ﻛﺎﻧﺖ ﻫﻮﺍﺟﺲ ﻛﺘﻴﻴﻴﺮﺓ ﻓﻲ ﺑﺎﻻ ﻭﺍﻛﺒﺮﺍ
ﻟﻴﻠﺔ ﺍﻟﺪﺧﻠﺔ ... ﻫﻲ ﻭﺑﺪﺭ ﻋﺮﺳﻬﻢ ﺗﻤﺎ ﺑﺴﺮﻋﺔ ﻛﻠﻬﺎ ﺷﻬﺮ
ﻭﻧﺺ ﻣﻦ ﻳﻮﻡ ﻛﻼﻣﻮ ﻣﻌﺎﻫﺎ ﻭﻋﺪﻭﻫﺎ ﻛﻠﻬﺎ ﻓﻲ ﺍﻟﺠﺮﻱ
ﻭﺍﻟﺸﻴﻠﺔ ﻭﺍﻟﺘﺠﻬﻴﺰﺍﺕ ﻟﻠﻴﻮﻡ ﺩﻩ ... ﺣﺘﻲ ﻣﺎﻟﺤﻘﺖ ﺗﻘﻌﺪ
ﻣﻊ ﺑﺪﺭ ﻭﺗﺘﻜﻠﻢ ﻭﺗﺎﺧﺪ ﻭﺗﺪﻱ ﻣﻌﺎﻫﻮ ﻭﺗﺘﻌﻮﺩ ﻋﻠﻴﻬﻮ
.. ﻻﻧﻮ ﻣﺎﻛﺎﻥ ﻓﻲ ﺑﻴﻨﻢ ﺍﻱ ﺗﻌﺎﻣﻞ ﺧﺎﺹ ﻗﺒﻞ ﻛﺪﻩ ﻏﻴﺮ
ﺍﻟﺪﺭﺍﺳﺔ .... ﻭﺍﻟﺨﺎﻳﻔﺔ ﻣﻨﻮ ﺍﻛﺘﺮ ﺍﻧﻮ ﻣﺎﻓﻲ ﺯﻭﻝ ﻭﺭﺍﻫﺎ
ﺗﺘﺼﺮﻑ ﻛﻴﻒ ﻓﻲ ﺍﻟﻴﻮﻡ ﺩﻩ ﻭﻻ ﻫﻲ ﺣﺎﻭﻟﺖ ﺗﺴﺄﻝ
ﻭﻻﺣﺘﻲ ﺑﺪﺭ ﻣﺎﺣﺼﻞ ﺍﺗﻜﻠﻢ ﻣﻌﺎﻫﺎ ﻓﻲ ﺍﻟﻤﻮﺍﺿﻴﻊ
ﺩﻱ . ﻭﻫﻲ ﺍﻟﻤﻮﺍﺿﻴﻊ ﺩﻱ ﻋﻤﺮﻫﺎ ﻣﺎﺟﺎﺑﺖ ﺳﻴﺮﺗﺎ ﻭﻻ
ﺍﺗﻜﻠﻤﺖ ﻓﻴﻬﺎ ﺣﺘﻲ ﺑﻤﺠﺮﺩ ﺍﻟﻮﻧﺴﺔ ﻭﻛﺎﻧﺖ ﻃﻮﻝ ﻋﻤﺮﻫﺎ
ﺑﺘﻨﻔﺮ ﻣﻦ ﺍﻟﻜﻼﻡ ﻓﻲ ﺍﻟﻤﻮﺍﺿﻴﻊ ﺩﻱ.. ﻭﻛﻞ ﻣﺎ ﻳﻤﺮ
ﺍﻟﻮﻗﺖ ﻭﻛﻞ ﻣﺎﺗﻮﺗﺮﺍ ﻳﺰﻳﺪ ﻭﻛﻞ ﻣﺎ ﺣﺴﺖ ﺍﻧﻬﺎ ﻋﺎﻳﺰﺓ
ﺗﺒﻌﺪ ﻣﻦ ﺑﺪﺭ ....ﺍﻧﺘﻬﻲ ﺍﻟﺠﺮﺗﻖ ﻭﺟﻮ ﺍﻫﻼ ﻳﻮﺩﻋﻮﻫﺎ ﻭﺍﻣﻬﺎ
ﺟﺎﺕ ﺗﺴﻠﻢ ﻋﻠﻴﻬﺎ ﻟﻘﺘﺎ ﻳﺪﻫﺎ ﺯﻱ ﺍﻟﺘﻠﺞ ﺑﺮﺍﺣﺔ ﻛﺪﻩ
ﻗﺎﻟﺖ ﻟﻴﻬﺎ .. ﻣﺎﻟﻚ ﻳﺎﺑﺘﻲ ﺟﺴﻤﻚ ﺯﻱ
ﺍﻟﺘﻠﺞ ... ﻭﺍﺑﺘﺴﻤﺖ ﻟﻴﻬﺎ ﻋﺸﺎﻥ ﺗﻄﻤﻨﺎ ﺧﺘﻲ ﺍﻟﺮﺣﻤﻦ ﻓﻲ
ﻗﻠﺒﻚ ﻛﻠﻨﺎ ﺳﻮﻳﻨﺎ ﺯﻳﻚ ﻛﺪﻩ ﻟﻜﻦ ﺍﻟﺤﺒﺔ ﻣﺎﺟﺎﺗﻨﺎ
... ﺍﻓﺮﺣﻲ ﻭﺍﺗﺒﺴﻄﻲ ﻭﺭﺑﻨﺎ ﻳﻮﻓﻘﻚ ... ﺳﺤﺮ ﻟﺴﺎﻧﺎ ﺍﺗﻌﻘﺪ
ﻭﺣﺘﻲ ﺍﻣﻬﺎ ﺍﻟﺒﺘﻌﺘﺒﺮﺍ ﺻﺪﻳﻘﺘﺎ ﻣﺎﻗﺪﺭﺕ ﺗﻘﻮﻝ ﻟﻴﻬﺎ ﺣﺎﺟﺔ
ﻭﺧﻼﺍﺍﺹ ﺣﺎﺳﺔ ﺍﻧﻮ ﺣﻴﻼ ﻛﻠﻮ ﺑﺮﺩ ... ﻓﻲ ﺯﻭﻝ ﺑﺼﺪﻕ
ﺍﻧﻮ ﺩﻱ ﺳﺤﺮ ﺍﻟﺒﺖ ﺍﻟﻘﻮﻳﺔ ﺍﻟﻔﺎﻫﻤﺔ ﺍﻟﻄﻤﻮﺣﺔ. ﺗﻜﻮﻥ
ﻛﺪﻩ ﻭﻓﺠﺄﺓ ﺍﻟﺪﻧﻴﺎ ﺳﻮﺩﺕ ﻓﻲ ﻭﺷﻬﺎ ﻭﻭﻗﻌﺖ ﻋﻠﻲ
ﺍﻷﺭﺽ
يتبع....
