ﻭﺟﻦ ﺭﻏﻢ ﺍﻧﻬﺎ ﻣﺎﺟﺎﺕ ﺍﻟﺴﻮﺩﺍﻥ ﻗﺒﻞ ﻛﺪﻩ ﺇﻻ ﻣﺮﺓ
ﻭﺍﺣﺪﺓ ﻟﻜﻦ ﻛﺎﻧﺖ ﺻﻐﻴﺮﺓ ﻭﻣﺎﺑﺘﺘﺰﻛﺮ ﻋﻦ ﺑﻠﺪﺍ ﺇﻻ ﺑﻴﺖ
ﺣﺒﻮﺑﺘﺎ ﻭﺍﻭﻻﺩ ﻭﺑﻨﺎﺕ ﺧﺎﻟﺘﺎ ﺳﻌﺎﺩ ﻟﻜﻦ ﺑﺘﺘﺰﻛﺮﻡ ﺯﻱ
ﺍﻟﺨﻴﺎﻝ ﻣﻼﻣﺢ ﻣﺎﻭﺍﺿﺤﺔ ﻟﻴﻬﺎ ﻭﺍﻛﻴﺪ ﺍﺳﻪ ﺍﺷﻜﺎﻟﻢ
ﺍﺗﻐﻴﺮﺕ ... ﻭﺍﻟﺪ ﻭﺟﻦ ﺍﺗﻮﻓﻲ ﻗﺒﻞ ﺳﻨﺘﻴﻦ ﻭﻫﻢ ﻓﻲ
ﺍﻟﻐﺮﺑﺔ ﻭﺩﻱ ﺍﻭﻝ ﻣﺮﺓ ﺗﺠﻲ ﺍﻟﺴﻮﺩﺍﻥ ﻫﻲ ﻭﺍﻣﻬﺎ ﻭﺍﺧﻮﻫﺎ
ﻭﺍﺋﻞ ﻭﺍﻟﺴﺒﺐ ﺍﻟﺮﺋﻴﺴﻲ ﺍﻟﺠﺎﺑﺎ ﺍﻧﻮ ﺍﺑﻮﻫﺎ ﻗﺒﻞ ﻭﻓﺎﺗﻮ
ﻛﺎﻥ ﻭﺍﻓﻖ ﻋﻠﻲ ﺧﻄﺒﺘﺎ ﻟﻲ ﺧﺎﻟﺪ ﺇﺑﻦ ﺻﺪﻳﻘﻮ ﺍﺑﺮﺍﻫﻴﻢ
ﻭﺭﻏﻢ ﺍﻧﻮ ﻣﺎﻓﻲ ﺗﻮﺍﺻﻞ ﺑﻴﻨﻢ ﻭﺩﻩ ﻛﺎﻥ ﻣﺠﺮﺩ ﻛﻼﻡ ﻟﻜﻦ
ﻟﻤﺎ ﻋﻢ ﺍﺑﺮﺍﻫﻴﻢ ﺟﺪﺩ ﻃﻠﺐ ﺍﻟﺨﻄﺒﺔ ﺗﺎﻧﻲ ﻣﺎ ﺍﻋﺘﺮﺿﺖ
ﻭﺟﻮ ﺍﻟﺴﻮﺩﺍﻥ ﻣﺨﺼﻮﺹ ﻋﺸﺎﻥ ﻳﺘﻤﻮ ﺍﻟﺰﻭﺍﺝ ... ﻭﺟﻦ
ﻋﻤﺮﻫﺎ ﻣﺎﻛﺎﻧﺖ ﻣﺘﺨﻴﻠﺔ ﺍﻧﻬﺎ ﺗﺘﺰﻭﺝ ﺑﺎﻟﺼﻮﺭﺓ ﺩﻱ ﻟﻜﻦ
ﻫﻲ ﻛﺎﻧﺖ ﻣﺮﺗﺒﻄﺔ ﺑﻲ ﺍﺑﻮﻫﺎ ﺷﺪﻳﺪ ﻭﻣﺎﺣﺒﺖ ﺗﻜﺴﺮ
ﻛﻠﻤﺘﻮ ﻭ ﻣﺎﻛﺎﻧﺖ ﺑﺘﻌﺮﻑ ﺳﻮﺩﺍﻧﻴﻴﻦ ﻛﺘﻴﺮ ﻻﻧﻮ ﺍﻟﻤﻨﻄﻘﺔ
ﺍﻟﻬﻢ ﻋﺎﻳﺸﻴﻦ ﻓﻴﻬﺎ ﻣﺎﻛﺎﻥ ﻓﻴﻬﺎ ﺳﻮﺩﺍﻧﻴﻴﻦ .. ﻛﺎﻧﺖ
ﺑﺘﻌﺮﻑ ﻋﻢ ﺍﺑﺮﺍﻫﻴﻢ ﻭﺍﻟﺪ ﺧﺎﻟﺪ ﻷﻧﻮ ﺑﺠﻲ ﺍﻟﺒﻠﺪ ﺍﻟﻬﻢ
ﻋﺎﻳﺸﻴﻦ ﻓﻴﻬﺎ ﺑﺲ ﺧﺎﻟﺪ ﻣﺎﻛﺎﻧﺖ ﺑﺘﻌﺮﻓﻮ ﻛﻞ ﺍﻟﺒﺘﻌﺮﻓﻮ
ﺍﻧﻮ ﺍﻛﺒﺮ ﻣﻨﻬﺎ ﺑﻲ ﻋﺸﺮﺓ ﺳﻨﻴﻦ ﻭﺍﻧﻮ ﻣﻘﻀﻲ ﻋﻤﺮﻭ ﻛﻠﻮ
ﺳﻔﺮ ﻣﻊ ﺍﺑﻮﻫﻮ ﻭﻳﺎﺩﻭﻭﻭﺏ ﺟﻮ ﺍﺳﺘﻘﺮﻭ ﻓﻲ ﺍﻟﺴﻮﺩﺍﻥ
ﻟﻴﻬﻢ ﺗﻼﺗﺔ ﺳﻨﻴﻦ ﻭﻓﺘﺤﻮ ﺷﺮﻛﺔ ﻛﺒﻴﺮﺓ ﻭﻧﺎﺟﺤﺔ ﺍﻣﺎ
ﺷﺨﺼﻴﺘﻮ ﻭﺳﻠﻮﻛﻮ ﻣﺎﺑﺘﻌﺮﻑ ﻋﻨﻬﻢ ﺍﻱ ﺣﺎﺟﺔ ﻭﻣﺠﺎﺯﻓﺔ
ﻛﺒﻴﺮﺓ ﺍﻧﻬﺎ ﺗﺘﺰﻭﺝ ﺑﺎﻟﺼﻮﺭﺓ ﺩﻱ ﻟﻜﻦ ﺯﻭﻝ ﻋﻤﺮﻭ ﻛﻠﻮ ﺑﺮﻩ
ﺍﻛﻴﺪ ﺡ ﻳﻜﻮﻥ ﺯﻭﻝ ﻣﺘﻔﺘﺢ ﻭﻣﺎﺷﺎﻟﺖ ﻫﻢ ﻛﺘﻴﺮ
ﻟﻠﻤﻮﺿﻮﻉ ﻷﻧﻬﺎ ﺡ ﺗﻌﺮﻑ ﻛﻴﻒ ﺗﺘﻌﺎﻣﻞ ﻣﻌﺎﻫﻮ ... ﻭﺟﻦ
ﻣﺎﻋﺎﺭﻓﺔ ﺍﻟﻘﺪﺭ ﺡ ﻳﻌﻤﻞ ﻓﻴﻬﺎ ﺷﻨﻮ ﻭﺡ ﻳﻮﺩﻳﻬﺎ ﻟﻲ
ﻭﻳﻦ ... ﻭﻛﻞ ﺍﻟﻤﻬﻢ ﻋﻨﺪﻫﺎ ﺍﺳﻪ ﺍﻧﻬﺎ ﻭﺻﻠﺖ ﻣﻄﺎﺭ
ﺍﻟﺨﺮﻃﻮﻡ ﻭﻟﻘﺖ ﺧﺎﻻ ﺻﻼﺡ ﻭﻭﻟﺪﻭ ﻃﺎﺭﻕ ﻓﻲ ﺍﺳﺘﻘﺒﺎﻟﻢ
ﻓﻲ ﺍﻟﻤﻄﺎﺭ ...ﻃﺎﺭﻕ ﺍﻛﺒﺮ ﻣﻨﻬﺎ ﺑﻲ ﺗﻼﺗﺔ ﺳﻨﻴﻦ ﻭﺯﻣﺎﺍﺍﻥ
ﻛﺎﻧﺖ ﺑﺘﺮﻳﺪﻭ ﺷﺪﻳﺪ ﻭﺍﻛﻨﺮ ﺯﻭﻝ ﻣﺘﺰﻛﺮﺍﻫﻮ ... ﻳﺎﺣﻠﻴﻞ
ﺍﻳﺎﻡ ﺯﻣﺎﻥ
يتبع...
