ﺍﻟﻴﻮﻡ ﻣﻴﻌﺎﺩ ﻣﻊ ﺩﺍﻧﻴﺔوﻭﺟﻦ ﻋﺸﺎﻥ ﺗﻮﺩﻳﻬﺎ ﻟﻲ ﺩﻛﺘﻮﺭﺓ
ﺇﺧﻼﺹ ﻟﻜﻦ ﺍﻳﻤﻦ ﻟﻤﺎ ﻃﻠﻊ ﺍﻟﺼﺒﺎﺡ ﻛﺎﻥ ﻣﺴﺘﻌﺠﻞ
ﻭﻧﺴﺎ ﺍﻟﻤﻮﺑﺎﻳﻞ ﺣﻘﻮ ﻓﻲ ﺍﻟﺒﻴﺖ ﻭﺇﺗﺼﻞ ﻋﻠﻴﻬﺎ ﻭﻗﺎﻝ
ﻟﻴﻬﺎ ﺗﺠﻴﺒﻮ ﻟﻴﻬﻮ ﻓﻲ ﺍﻟﺸﺮﻛﺔ ﻭﻫﻲ ﻗﺎﻟﺖ ﻟﻴﻬﻮ ﺍﻧﻬﺎ ﺡ
ﺗﻤﺸﻲ ﻣﻊ ﻭﺟﻦ ﺻﺪﻳﻘﺘﺎ ﻟﻲ ﻋﻤﺘﺎ ﺇﺧﻼﺹ ﻓﻲ ﺍﻟﻌﻴﺎﺩﺓ
ﻭﻣﻦ ﻫﻨﺎﻙ ﺡ ﺗﺠﻴﻬﻮ ﺍﻟﺸﺮﻛﺔ .... ﺩﺍﻧﻴﺔ ﺳﺎﻗﺖ ﻋﺮﺑﻴﺘﺎ
ﻭﻣﺸﺖ ﻟﻲ ﻭﺟﻦ ﻋﺸﺎﻥ ﺗﻮﺩﻳﻬﺎ ﻟﻲ ﻋﻤﺘﺎ ﻭﻭﺻﻠﻮ
ﺍﻟﻌﻴﺎﺩﺓ ﺑﺲ ﻛﺎﻧﺖ ﻓﻲ ﺣﺎﻟﺔ ﻣﻊ ﺩﻛﺘﻮﺭﺓ ﺇﺧﻼﺹ
ﻭﺍﺿﻄﺮﻭ ﺍﻧﻬﻢ ﻳﻨﺘﻈﺮﻭ ﺷﻮﻳﺔ ﻟﺤﺪﻱ ﻣﺎ ﺍﻟﺤﺎﻟﺔ ﺍﻟﻌﻨﺪﻫﺎ
ﺗﻄﻠﻊ ...ﻭﺑﻌﺪ ﺭﺑﻊ ﺳﺎﻋﺔ ﻃﻠﻌﺖ ﺑﻨﺖ ﺷﺎﺑﺔ ﻣﻦ ﻋﻨﺪ
ﺩﻛﺘﻮﺭﺓ ﺇﺧﻼﺹ ﻭﺍﻭﻝ ﻣﺎﺩﺍﻧﻴﺔ ﺷﺎﻓﺘﺎ ﻧﺎﺩﺗﺎ ﺑﻲ
ﻓﺮﺣﺔ ... ﺳﺤﺮ ﺍﺻﻠﻮ ﻣﺎﻣﻤﻜﻦ ... ﻭﺳﺤﺮ ﻟﻤﺎ ﺷﺎﻓﺖ ﺩﺍﻧﻴﺔ
ﻣﺎﺻﺪﻗﺖ ﺍﻧﻮ ﻫﻲ ﺗﺸﻮﻓﺎ ﻫﻨﺎ ﺍﺻﻠﻮ ﻟﻴﻬﻢ ﻓﺘﺮﺓ ﻃﻮﻳﻠﺔ
ﻣﺎ ﺍﺗﻼﻗﻮ ﻣﻦ ﺍﻳﺎﻡ ﺍﻻﻣﺘﺤﺎﻧﺎﺕ ﻓﻲ ﺍﻟﺠﺎﻣﻌﺔ ... ﻭﻃﺒﻌﺎ
ﺳﻼﻡ ﺷﺪﻳﺪ ﻭﺷﻮﻕ ﺑﻴﻦ ﺍﻟﺼﺪﻳﻘﺎﺕ ﺩﺍﻧﻴﺔ ﻭﺳﺤﺮ
ﻭﺩﺍﻧﻴﺔ ﻋﺮﻓﺖ ﻭﺟﻦ ﻋﻠﻲ ﺳﺤﺮ ﺻﺪﻳﻘﺘﺎ ﻭﺯﻣﻴﻠﺘﺎ ﻓﻲ
ﺍﻟﺠﺎﻣﻌﺔ ﻭﺻﺪﻳﻘﺘﺎ ﻣﻦ ﺍﻳﺎﻡ ﺍﻟﻤﺪﺭﺳﺔ ... ﻭﻛﺎﻥ ﻣﻮﻋﺪ ﻭﺟﻦ
ﺑﻌﺪ ﺳﺤﺮ ﻃﻮﺍﻟﻲ ﻓﻄﻠﺒﺖ ﺩﺍﻧﻴﺔ ﻣﻦ ﺳﺤﺮ ﺇﻧﻬﺎ ﺗﻨﺘﻈﺮﺍ
ﺩﻗﺎﻳﻖ ﻭﺡ ﺗﺠﻲ ﻃﺎﻟﻌﺔ ﻟﻴﻬﺎ ﺑﺲ ﺗﺪﺧﻞ ﻭﺟﻦ ﻟﻲ ﻋﻤﺘﺎ
ﺩﻛﺘﻮﺭﺓ ﺇﺧﻼﺹ ﻭﺗﺠﻴﻬﺎ ﺑﺮﻩ ﻷﻧﻬﺎ ﻣﺸﺘﺎﻗﺔ ﻟﻴﻬﺎ ﺷﺪﻳﺪ
.. ﺳﺤﺮ ﻗﺎﻟﺖ ﻟﻴﻬﺎ ﺩﻛﺘﻮﺭﺓ ﺍﺧﻼﺹ ﻋﻤﺘﻚ ...ﻳﺎﺭﻳﺖ ﻟﻮ
ﻛﻨﺘﺎ ﻋﺎﺭﻓﺔ ﺍﻟﻜﻼﻡ ﺩﻩ ﻣﻦ ﺯﻣﺎﻥ .. ﺧﻼﺹ ﺍﻧﺎ ﺡ ﺍﻧﺘﻈﺮﻙ
ﻫﻨﺎ ﺍﺻﻠﻮ ﻣﺎﻭﺭﺍﻱ ﺣﺎﺟﺔ ﺍﺳﻪ ... ﻭﺩﺧﻠﺖ ﺩﺍﻧﻴﺔ ﻭﻭﺟﻦ
ﻋﻨﺪ ﺩﻛﺘﻮﺭﺓ ﺍﺧﻼﺹ ﺍﻟﺮﺣﺒﺖ ﺑﻴﻬﻢ ﺷﺪﻳﺪ ﻭﺩﺍﻧﻴﺔ ﻋﺮﻓﺘﺎ
ﻋﻠﻲ ﻭﺟﻦ ﺻﺪﻳﻘﺘﺎ ﻭﻗﺎﻟﺖ ﻟﻴﻬﻢ ﺍﺳﺘﺄﺫﻧﻜﻢ ﻋﺸﺎﻥ
ﺗﺎﺧﺪﻭ ﺭﺍﺣﺘﻜﻢ ﻓﻲ ﺍﻟﻜﻼﻡ ﻭﺍﻧﺎ ﺡ ﺍﻃﻠﻊ ﺑﺮﻩ ﻟﺤﺪﻱ
ﻣﺎﺗﺨﻠﺼﻮ ... ﻭﻫﻲ ﻃﺎﻟﻌﺔ ﺗﻠﻔﻮﻥ ﺍﻳﻤﻦ ﺩﻗﺎ ﻭﻋﺎﻳﻨﺖ ﻟﻘﺘﻮ
ﺭﻗﻢ ﻏﺮﻳﺐ ﻣﺎﻣﺴﺠﻞ ﻭﺭﺟﻌﺖ ﺍﻟﺘﻠﻔﻮﻥ ﻓﻲ ﺷﻨﻄﺘﺎ
ﻭﻃﻠﻌﺖ ﺑﺮﻩ ﻟﻲ ﺳﺤﺮ ﺻﺎﺣﺒﺎﺗﺎ .. ﺩﺍﻧﻴﺔ ﻭﺳﺤﺮ
ﺻﺪﻳﻘﺎﺕ ﻣﻦ ﺍﻳﺎﻡ ﺍﻟﻤﺪﺭﺳﺔ ﺍﻟﺜﺎﻧﻮﻳﺔ ﻭﺍﺗﻮﻃﺪﺕ ﻋﻼﻗﺘﻢ
ﺍﻛﺘﺮ ﻟﻤﺎ ﻗﺮﻭ ﻓﻲ ﻧﻔﺲ ﺍﻟﺠﺎﻣﻌﺔ ﻟﻜﻦ ﻓﻲ ﻛﻠﻴﺎﺕ
ﻣﺨﺘﻠﻔﺔ .. ﻭﺍﺗﻼﻗﻮ ﻓﻲ ﻛﺘﻴﺮ ﻣﻦ ﺍﻟﻨﺸﺎﻃﺎﺕ ﺍﻟﺠﺎﻣﻌﻴﺔ
ﺍﻟﻜﺎﻧﺖ ﺳﺤﺮ ﻋﻨﺼﺮ ﺍﺳﺎﺳﻲ ﻭﻓﻌﺎﻝ ﻓﻴﻬﺎ ﻟﻜﻦ ﻟﻴﻬﻢ
ﻓﺘﺮﺓ ﻃﻮﻳﻠﺔ ﻣﺎ ﺍﺗﻼﻗﻮ ﻣﻦ ﺍﻳﺎﻡ ﺍﻻﻣﺘﺤﺎﻧﺎﺕ ﻭﺍﻻﺗﻨﻴﻦ
ﺍﺗﺸﻐﻠﻮ ﺑﻲ ﺍﻟﺘﺠﻬﻴﺰ ﻟﻲ ﻋﺮﺳﻢ ﻭﻣﺎﻓﻲ ﻭﺍﺣﺪﺓ ﻓﻴﻬﻢ ﻛﺎﻥ
ﻋﻨﺪﻫﺎ ﺧﺒﺮ ﺑﻲ ﺯﻭﺍﺝ ﺍﻟﺘﺎﻧﻴﺔ ﻷﻧﻮ ﺩﺍﻧﻴﺔ ﺗﻠﻔﻮﻧﺎ ﺍﺗﺴﺮﻕ
ﺑﻌﺪ ﺍﻻﻣﺘﺤﺎﻧﺎﺕ ﻭﻓﻴﻬﻮ ﻛﻞ ﺍﺭﻗﺎﻡ ﺻﺪﻳﻘﺎﺗﺎ ﻭﺗﺎﻧﻲ ﻣﻊ
ﺗﺠﻬﻴﺰﺍﺕ ﺍﻟﻌﺮﺱ ﻭﺳﻔﺮﺍ ﻟﻲ ﺷﻬﺮ ﺍﻟﻌﺴﻞ ﻣﺎﻓﻜﺮﺕ
ﺗﺠﻴﺐ ﺗﻠﻔﻮﻥ ﺟﺪﻳﺪ ﺇﻻ ﻗﺒﻞ ﻓﺘﺮﺓ ﺑﺴﻴﻄﺔ .. ﻭﺻﺪﻓﺔ
ﺣﻠﻮﺓ ﺍﻧﻮ ﺍﻟﻠﻴﻠﺔ ﻳﺘﻼﻗﻮ ﺧﺎﺻﺔ ﺍﻧﻮ ﺩﺍﻧﻴﺔ ﻟﺴﻪ ﻣﺎ
ﻭﺍﻇﺒﺖ ﻓﻲ ﺩﺭﺍﺳﺘﺎ ﺭﻏﻢ ﺍﻧﻮ ﺍﻟﺪﺭﺍﺳﺔ ﺑﺪﺕ ﻣﻦ ﺣﻮﺍﻟﻲ
ﺷﻬﺮ ﻭﻫﻲ ﻣﺎﻣﺸﺖ ﺍﻻ ﻛﻢ ﻣﺮﺓ ﻭﻓﻲ ﻛﻞ ﺍﻟﻤﺮﺍﺕ
ﺍﻟﻤﺸﺖ ﻓﻴﻬﺎ ﻣﺎ ﻻﻗﺖ ﺳﺤﺮ
يتبع....
