ﺯﻭﺟﺎﺕ ﻭﻟﻜﻦ ﺑﻌﺪ ﺛﻼﺛﺔ ﺳﻨﻮﺍﺕ ﻣﻦ ﺍﻵﻥ ....
ﺳﺘﻨﺎ ﻭﺍﻟﺼﺪﻳﻖ ﻓﻲ ﺇﻧﺘﻈﺎﺭ ﻣﻮﻟﻮﺩﻡ ﺍﻻﻭﻝ ﺍﻟﺢ ﻳﻜﻮﻥ
ﻣﻮﻋﺪ ﻭﻻﺩﺗﻮ ﺑﻌﺪ ﺷﻬﺮﻳﻦ ﻭﺣﺎﻟﻴﺎ ﺳﺘﻨﺎ ﺩﺍﺧﻠﺔ ﺍﻭﻝ
ﺟﻠﺴﺔ ﻹﻣﺘﺤﺎﻧﺎﺕ ﺍﻟﺸﻬﺎﺩﺓ ﺍﻟﺴﻮﺩﺍﻧﻴﺔ ﺍﻟﺜﺎﻧﻮﻳﺔ
... ﺍﻟﻮﺻﻠﺖ ﻟﻴﻬﺎ ﺑﻲ ﻣﺴﺎﻋﺪﺓ ﻭﺗﺸﺠﻴﻊ ﺯﻭﺟﻬﺎ ﺍﻟﺼﺪﻳﻖ
ﻟﻴﻬﺎ ﻋﺸﺎﻥ ﺗﻄﻮﺭ ﻣﻦ ﻧﻔﺴﻬﺎ ﻭﺗﺤﻘﻖ ﺣﻠﻤﻬﺎ ﺇﻧﻬﺎ ﺗﻜﻮﻥ
ﻃﺒﻴﺒﺔ ﺯﻱ ﺩﻛﺘﻮﺭﺓ ﺇﺧﻼﺹ .. ﻭﺍﺻﺒﺤﺖ ﺳﺘﻨﺎ ﻣﻘﺮﺑﺔ ﺟﺪﺍ
ﻣﻨﻬﺎ ﻭﺑﺘﻌﺘﺒﺮﺍ ﺍﻻﻡ ﺍﻟﺒﺘﺮﺟﻊ ﻟﻴﻬﺎ ﻓﻲ ﻛﻞ ﻣﺎﻳﺴﺘﺼﻌﺐ
ﻋﻠﻴﻬﺎ ﻛﻤﺎ ﺍﺻﺒﺤﺖ ﻧﺎﺷﻄﺔ ﻓﻲ ﻣﺠﺎﻝ ﺗﻮﻋﻴﺔ ﺍﻟﻤﺮﺃﺓ
ﻭﺍﻟﻄﻔﻞ .........
ﺻﺒﺎﺡ ﻭﺍﻧﻮﺭ ﻭﺍﻃﻔﺎﻟﻢ ﻣﺴﺎﻓﺮﻳﻦ ﻟﻘﻀﺎﺀ ﺍﻻﺟﺎﺯﺓ ﻓﻲ ﻣﺼﺮ
ﻣﻊ ﺍﺳﺮﺓ ﺻﺒﺎﺡ ﻭﻣﻌﺎﻫﺎ ﺍﻟﺒﻨﺘﻴﻦ ﻭﺍﺣﻤﺪ ﺍﻟﻜﺎﻥ ﺑﺸﺎﻏﻞ
ﻓﻲ ﺍﺧﻮﻫﻮ ﺍﻟﺼﻐﻴﺮ ﻛﺮﻳﻢ ﻭﺑﺤﺎﻭﻝ ﻳﻤﺎﺭﺱ ﻋﻠﻴﻬﻮ ﺩﻭﺭ
ﺍﻻﺥ ﺍﻟﻜﺒﻴﺮ ﻭﻫﻮ ﺑﻄﻠﺐ ﻣﻨﻮ ﺍﻧﻮ ﻳﻘﻌﺪ ﺳﺎﻛﺖ ﻭﻣﺎﻳﺒﻜﻲ
ﻭﻳﻌﻤﻞ ﺍﺯﻋﺎﺝ ﻟﻠﻤﺴﺎﻓﺮﻳﻦ ﻭﻭﻋﺪﻭ ﻟﻮ ﻣﺎﺑﻜﻲ ﺡ ﻳﺠﻴﺐ
ﻟﻴﻬﻮ ﺣﻼﻭﺓ ﻛﺘﻴﻴﻴﻴﺮﺓ ..... ﺩﺍﻧﻴﺔ ﻭﺍﻳﻤﻦ ﺍﻟﻴﻮﻡ ﺑﺤﺘﻔﻠﻮ
ﺑﻌﻴﺪ ﻣﻴﻼﺩ ﺑﻨﺘﻬﻢ ﺁﻳﺔ ﺍﻻﻭﻝ ﻭ ﺍﻟﻜﺎﻧﺖ ﻓﺎﺗﺤﺔ ﺧﻴﺮ
ﻋﻠﻴﻬﻢ ﻷﻧﻮ ﺍﻹﺣﺘﻔﺎﻝ ﻛﺎﻥ ﺑﺸﻤﻞ ﺑﺮﺿﻮ ﺍﺣﺘﻔﺎﻝ ﺑﻲ
ﺍﻓﺘﺘﺎﺡ ﺷﺮﻛﺔ ﺧﺎﺻﺔ ﺑﻲ ﺍﻳﻤﻦ ﻭﺍﻟﺒﺘﺸﺎﺭﻛﻮ ﻓﻴﻬﺎ ﺩﺍﻧﻴﺔ
ﺯﻭﺟﺘﻮ ﻭﺻﺪﻳﻘﺘﻢ ﺍﻟﻌﺰﻳﺰﺓ ﻟﻴﻨﺪﺍ ..
ﺗﻢ ﺍﻧﺘﺪﺍﺏ ﺑﺪﺭﺍﻟﺪﻳﻦ ﻟﻠﺘﺪﺭﻳﺲ ﻓﻲ ﻭﺍﺣﺪﺓ ﻣﻦ ﺟﺎﻣﻌﺎﺕ
ﺩﻭﻝ ﺍﻟﺨﻠﻴﺞ ﻭﻟﺤﻘﺘﻮ ﺳﺤﺮ ﺑﻌﺪ ﻣﺎﺯﺑﻂ ﺍﻣﻮﺭﻭ ﻫﻨﺎﻙ ﻫﻲ
ﻭﻃﻔﻠﻬﺎ ﻣﺤﻤﺪ ﺍﻟﻠﺴﺔ ﻣﺎ ﻛﻤﻞ ﺳﻨﺔ ﻣﻦ ﻋﻤﺮﻭ ...
ﻭﺍﻧﺘﻬﺖ ﻣﺸﺎﻛﻼ ﺑﻌﺪ ﻓﺘﺮﺓ ﻣﻦ ﺍﻟﻌﻼﺝ ﻭﻣﺴﺎﻋﺪﺓ ﺯﻭﺟﻬﺎ
ﻭ ﺩﻛﺘﻮﺭﺓ ﺍﺧﻼﺹ ﻟﻴﻬﺎ ﻭﺍﺻﺮﺍﺭﺍ ﻋﻠﻲ ﻋﻴﺶ ﺣﻴﺎﺓ ﺯﻭﺟﻴﺔ
ﻃﺒﻴﻌﻴﺔ ﻭﻣﻜﺘﻤﻠﺔ ﺑﺪﻭﻥ ﺍﻱ ﻋﻘﺒﺎﺕ ... ﺧﺎﻟﺪ ﺍﺳﺘﻤﺮﺍ
ﻟﻔﺘﺮﺓ ﻳﺘﻌﺎﻟﺞ ﻓﻲ ﺍﻟﻤﺼﺤﺔ ﺍﻟﻨﻔﺴﻴﺔ ﻭﻭﻗﻔﺖ ﻭﺟﻦ ﻣﻊ
ﺯﻭﺟﻬﺎ ﻭﺳﺎﻧﺪﺗﻮ ﻃﻮﻝ ﻓﺘﺮﺓ ﺍﻟﻌﻼﺝ ﻭﺻﺮﺍﻋﻮ ﻣﻊ ﺍﻻﻓﻜﺎﺭ
ﺍﻟﻐﺮﺳﺘﺎ ﻓﻴﻬﻮ ﺯﻳﻨﺐ ﻣﻦ ﺍﻟﻄﻔﻮﻟﺔ ﻭﻣﻌﺘﻘﺪﺍﺗﻮ ﻭﺍﻓﻜﺎﺭﻭ
ﺍﻟﺸﺨﺼﻴﺔ ﺍﻟﻜﻮﻧﺎ ﻣﻦ ﺍﻟﻮﺍﻗﻊ ﺍﻟﻌﺎﺷﻮ ﺑﻲ ﻧﻔﺴﻮ
ﻭﻣﺤﺎﻭﻟﺘﻮ ﺇﺭﺿﺎﺀ ﺯﻳﻨﺐ ﺍﻟﺮﺑﺘﻮ ﻋﻠﻲ ﺣﻘﺪﻫﺎ ﺿﺪ ﺑﻨﺎﺕ
ﺟﻨﺴﻬﺎ ﻭﺑﻴﻦ ﻋﻼﻗﺎﺕ ﺍﻟﺤﺐ ﺍﻟﺠﻤﻴﻠﺔ ﺍﻟﻌﺎﺷﺎ ﻓﻲ ﺣﻴﺎﺗﻮ
ﻭﺍﻟﻜﺎﻧﺖ ﺯﻳﻨﺐ ﺳﺒﺐ ﻓﻲ ﺗﺪﻣﻴﺮﺍ ﻭﺍﻻﺻﺒﺢ ﺍﻟﺘﻀﺎﺭﺏ
ﺑﻴﻨﻢ ﻫﻮ ﺍﻟﺴﺒﺐ ﻓﻲ ﺍﻟﺨﻠﻞ ﺍﻟﻨﻔﺴﻲ ﺍﻟﺤﺎﺻﻞ ﻟﻴﻬﻮ
ﻭﻭﺻﻞ ﺧﺎﻟﺪ ﻟﻲ ﺣﺎﻟﺔ ﻣﻦ ﺍﻻﺳﺘﻘﺮﺍﺭ ﺍﻟﻨﻔﺴﻲ ﻟﻜﻦ
ﻣﻄﻠﻮﺏ ﻣﻨﻮ ﺍﻧﻮ ﻳﺒﻌﺪ ﻧﻔﺴﻮ ﻋﻦ ﺍﻟﻌﺎﻣﻞ ﺍﻻﺳﺎﺳﻲ
ﺍﻟﻤﺆﺛﺮ ﻋﻠﻴﻬﻮ ﻭﺍﻟﺒﺪﻓﻌﻮ ﻟﻠﺘﺼﺮﻓﺎﺕ ﺍﻟﺴﻠﺒﻴﺔ ... ﻋﺸﺎﻥ
ﻛﺪﻩ ﻗﺮﺭ ﺧﺎﻟﺪ ﺍﻧﻮ ﻳﻨﻘﻞ ﻧﺸﺎﻃﻮ ﻟﻠﺨﺎﺭﺝ ﻭﻳﻌﻴﺶ ﻫﻮ
ﻭﻭﺟﻦ ﻓﻲ ﺍﻟﺒﻠﺪ ﺍﻟﻔﻴﻬﺎ ﺍﺳﺮﺗﺎ ﻋﺸﺎﻥ ﻳﺒﻌﺪ ﻧﻔﺴﻮ ﻋﻦ
ﺍﻣﻮ ﺭﻏﻢ ﺣﻨﻴﻨﻮ ﻭﺷﻮﻗﻮ ﻟﻴﻬﺎ ﺍﻟﻜﺎﻥ ﺑﻐﻠﺒﻮ ﻓﻲ ﻛﺘﻴﺮ ﻣﻦ
ﺍﻷﺣﻴﺎﻥ ... ﻭﺃﺟﻠﻮ ﻓﻜﺮﺓ ﺍﻹﻧﺠﺎﺏ ﻟﺤﺪﻱ ﻣﺎ ﺗﺴﺘﻘﺮ
ﺍﻭﺿﺎﻋﻢ ﻓﻲ ﺍﻟﻐﺮﺑﺔ ...
ﺩﻛﺘﻮﺭﺓ ﺍﺧﻼﺹ ﺍﻟﺴﺎﻋﺪﺕ ﻛﺘﻴﺮ ﻣﻦ ﺍﻷﺳﺮ ﻋﻠﻲ
ﺍﻹﺳﺘﻘﺮﺍﺭ ﺍﻟﻨﻔﺴﻲ ﻭﻋﺎﺷﺖ ﺣﻴﺎﺗﺎ ﺗﺤﻞ ﻓﻲ ﻣﺸﺎﻛﻞ
ﺍﻟﺠﻤﻴﻊ ﻣﺤﺎﻭﻟﺔ ﺗﻨﺎﺳﻲ ﻋﺪﻡ ﺇﻧﺠﺎﺑﺎ ... ﻭﻗﺮﺭﺕ ﺍﺧﻴﺮﺍ ﺍﻧﻬﺎ
ﺗﻌﻮﺽ ﻋﻦ ﻋﻘﻤﺎ ﻭﻋﺪﻡ ﺍﻧﺠﺎﺑﺎ ﺑﻲ ﺗﺒﻨﻲ ﻃﻔﻠﺔ ﺻﻐﻴﺮﺓ
ﻣﻠﺖ ﻋﻠﻴﻬﺎ ﺣﻴﺎﺗﺎ ﻭﺧﻠﺘﺎ ﺗﻌﻴﺶ ﺍﺣﺴﺎﺱ ﺍﻷﻣﻮﻣﺔ
ﺍﻟﻔﺎﻗﺪﺍﻫﻮ ﺑﺎﻹﺿﺎﻓﺔ ﻟﻲ ﺳﻌﺎﺩﺍﺗﺎ ﺑﻲ ﺗﻘﺪﻡ ﺳﺘﻨﺎ ﻓﻲ
ﺣﻴﺎﺗﺎ ﺍﻟﻌﻠﻤﻴﺔ ﻭﺍﻧﺪﻣﺎﺟﺎ ﻣﻌﺎﻫﺎ ﻓﻲ ﻧﻔﺲ ﺇﻫﺘﻤﺎﻣﺎﺗﺎ
ﻭﺍﺻﺒﺤﺖ ﺑﺘﻘﺪﻡ ﻟﻴﻬﺎ ﺍﻟﺪﻋﻢ ﻭﺍﻟﺘﺸﺠﻴﻊ ﻭﺗﻌﺪﻫﺎ ﻋﺸﺎﻥ
ﺗﻜﻮﻥ ﺧﻠﻴﻔﺘﺎ
ﺯﻭﺟﺎﺕ ﻭﻟﻜﻦ ....
ﻛﺘﻴﺮ ﻣﻦ ﺍﻟﺤﺎﻻﺕ ﺍﻟﻤﺨﺘﻠﻔﺔ ﻭﺍﻟﻤﺸﺎﻛﻞ ﺍﻻﺳﺮﻳﺔ
ﺍﻹﺿﻄﺮﺑﺎﺕ ﺍﻟﻨﻔﺴﻴﺔ ﻭﺍﻟﺴﻠﻮﻛﻴﺔ ... ﺣﻠﻪﺍ ﻣﻤﻜﻦ ﻳﻜﻮﻥ
ﺑﺴﻴﻂ ﻟﻮ ﺍﺗﻌﺮﻓﺖ ﻣﻦ ﺍﻟﺒﺪﺍﻳﺔ ﻭﺍﻟﺴﻜﻮﺕ ﻋﻨﻬﺎ ﺑﻄﻮﺭ
ﺍﻟﻤﺸﻜﻠﺔ ﻭﺑﺰﻳﺪﺍ ﺍﻛﺘﺮ ﻭﺍﻛﺘﺮ .... ﻛﺘﻴﺮ ﻣﻦ ﺍﻟﻌﺎﺩﺍﺕ
ﻭﺍﻟﺘﻘﺎﻟﻴﺪ ﺍﻟﺨﺎﻃﺌﺔ ﺧﻠﺘﻨﺎ ﻧﻌﻴﺶ ﺣﻴﺎﺓ ﻣﻠﻴﺎﻧﺔ ﻣﺸﺎﻛﻞ
ﻭﻧﺴﺘﻤﺮ ﻋﺎﻳﺸﻴﻦ ﺑﻴﻬﺎ ﺑﺪﻭﻥ ﻣﺎ ﻧﺤﺎﻭﻝ ﺣﻠﻬﺎ ﻷﻧﻮ ﺟﻮﺍﻧﺎ
ﺧﻮﻑ ﻣﻦ ﻛﻼﻡ ﺍﻟﻨﺎﺱ ﻭﻣﻦ ﻛﺴﺮ ﺍﻟﻌﺎﺩﺓ ﺍﻟﺴﺎﺋﺪﺓ ﻓﻲ
ﺍﻟﻤﺠﺘﻤﻊ ﻭﻧﺎﺳﻴﻦ ﺍﻧﻮ ﺍﻟﺘﻐﻴﻴﺮ ﺑﺒﺪﺃ ﺑﺨﻄﻮﺓ
....... الـنـهـايـة ......
