ﺻﺒﺎﺡ ﻣﻦ ﺍﺏ ﺳﻮﺩﺍﻧﻲ ﻭﺍﻡ ﻣﺼﺮﻳﺔ ﺳﻤﺮﺍ ﺯﻱ ﺍﺑﻮﻫﺎ
ﺳﻌﺪ ﻭﻃﻴﺒﺔ ﺯﻱ ﺑﻨﺎﺕ ﺍﻟﺒﻠﺪ ﺍﻟﻤﺼﺮﻳﺎﺕ ...ﻣﻦ ﺍﺳﺮﺓ
ﻣﺘﻮﺳﻄﺔ ﺷﻐﺎﻟﺔ ﻓﻲ ﻣﺼﻨﻊ ﻓﻲ ﻭﺍﺣﺪﺓ ﻣﻦ ﻣﺤﺎﻓﻈﺎﺕ
ﻣﺼﺮ ﻋﻤﺮﻫﺎ 30 ﺳﻨﺔ ﻛﺎﻧﺖ ﻣﺨﻄﻮﺑﺔﻟﻲ ﻭﺩ ﺧﺎﻟﺘﺎ ﻟﻴﻬﺎ
ﺧﻤﺴﺔ ﺳﻨﻴﻦ ﻭﺑﻌﺪ ﺩﻩ ﻛﻠﻮ ﺧﻄﻴﺒﺎ ﻣﺎﻗﺪﺭ ﻳﻌﻤﻞ ﺍﻱ
ﺣﺎﺟﺔ ﻓﻲ ﺍﻟﻔﺘﺮﺓ ﺩﻱ ﻭﻟﻔﺎ ﻟﻴﻬﻮ ﻋﻠﻲ ﻣﺮﺓ ﻋﺠﻮﺯﺓ ﻭﻏﻨﻴﺔ
ﻭﻋﺮﺳﻬﺎ ﻭﻫﻲ ﺣﺴﺖ ﺍﻧﻮ ﻋﻤﺮﻫﺎ ﺿﺎﻉ ﻓﻲ ﺍﻻﻧﺘﻈﺎﺭ
ﻭﻛﻞ ﺍﻟﻔﻲ ﻋﻤﺮﻫﺎ ﺷﺎﻳﻠﻴﻦ ﻋﻴﺎﻟﻢ ... ﺳﺎﻓﺮﺕ ﺍﻟﺴﻮﺩﺍﻥ
ﻣﻊ ﺍﺑﻮﻫﺎ ﻭﺍﻣﻬﺎ ﻳﺤﻀﺮﻭ ﻋﺮﺱ ﻭﻟﺪ ﻋﻤﻬﺎ ﻭﺍﺧﺪﺕ ﺍﺟﺎﺯﺓ
ﻣﻦ ﺷﻐﻼ ﻓﻲ ﺍﻟﻤﺼﻨﻊ ﺍﺻﻠﻬﺎ ﻟﻴﻬﺎ ﺳﻨﻴﻦ ﻭﻫﻲ ﻓﻲ
ﺩﻭﺍﻣﺔ ﻣﻦ ﺍﻟﺠﺮﻱ ﻭﺍﻟﺘﻌﺐ ...ﺍﻟﺴﻔﺮ ﺩﻩ ﺡ ﻳﻐﻴﺮ ﻟﻴﻬﺎ ﺟﻮ
ﻭﺗﺸﻮﻑ ﺍﻫﻼ ﻟﻴﻬﺎ ﺳﻨﻴﻦ ﻃﻮﻳﻠﺔ ﻣﺎﻧﺰﻟﺖ ﺍﻟﺴﻮﺩﺍﻥ
ﻭﻛﻤﺎﻥ ﺍﻟﺮﺣﻠﺔ ﻛﺎﻧﺖ ﻋﻠﻲ ﺣﺴﺎﺏ ﻋﻤﻬﺎ ﺍﻻﺻﺮﺍ ﺍﻧﻬﻢ
ﻳﺠﻮ ﻳﺤﻀﺮﻭ ﻋﺮﺱ ﻭﻟﺪﻭ ..... ﺍﻭﻝ ﻣﺮﺓ ﺗﺤﻀﺮ ﻓﺮﺡ
ﺳﻮﺩﺍﻧﻲ ﻭﻛﺎﻧﺖ ﻣﺒﺴﻮﻃﺔ ﻭﻓﺮﺣﺎﻧﺔ ﻭﺳﻂ ﺑﻨﺎﺕ ﺍﻋﻤﺎﻣﺎ
ﻟﻜﻦ ﻣﻦ ﻣﺎﻗﻌﺪﺕ ﻓﻲ ﺍﻟﺤﻔﻠﺔ ﻭﻫﻲ ﺣﺎﺳﺔ ﺍﻧﻮ ﺍﻧﻮﺭ
ﺑﻌﺎﻳﻦ ﻟﻴﻬﺎ ... ﺍﻧﻮﺭ ﻭﺩ ﻋﻤﻬﺎ ﻋﻤﺮﻭ 40 ﺳﻨﺔ ﺍﺭﻣﻞ ﻭﻋﻨﺪﻭ
ﺑﺘﻴﻦ ﻭﻭﻟﺪ ﻣﻦ ﺍﻭﻝ ﻳﻮﻡ ﺟﺎﺕ ﻭﻫﻲ ﺣﺎﺳﺔ ﺍﻧﻮ ﺑﺮﺍﻗﺐ
ﻓﻴﻬﺎ ﺑﺲ ﻻ ﺑﺘﻜﻠﻢ ﻭﻻﺑﻘﻮﻝ ﺣﺎﺟﺔ ... ﻫﻲ ﻋﺎﺭﻓﺔ ﺍﻧﻮ
ﺯﻭﺟﺘﻮ ﺍﺗﻮﻓﺖ ﻗﺒﻞ ﺗﻼﺗﺔ ﺳﻨﻴﻦ ﻓﻲ ﺍﻟﻮﻻﺩﺓ ﺑﻲ ﺍﻟﻮﻟﺪ
ﺣﺘﻲ ﻣﺮﺕ ﻋﻤﻬﺎ ﻛﺎﻧﺖ ﻣﻠﺼﻮﻗﺔ ﻓﻴﻬﺎ ﻭﻫﻲ ﺣﺴﺖ
ﺍﻟﻤﻮﺿﻮﻉ ﻣﺎﻋﺎﺩﻱ ...ﺍﻧﺘﻬﻲ ﺍﻟﻌﺮﺱ ...ﻭﻛﺎﻧﻮ ﺭﺍﺟﻌﻴﻦ ﺑﻴﺖ
ﻧﺎﺱ ﻋﻤﻬﺎ ﻭﻛﺎﻥ ﻧﺼﻴﺒﺎ ﺗﺮﻛﺐ ﻓﻲ ﻋﺮﺑﻴﺔ ﺍﻧﻮﺭ ﻫﻲ
ﻭﺑﻨﺎﺕ ﻋﻤﻬﺎ ﺃﻣﺎﻧﻲ ﻭﺍﺑﺘﻬﺎﻝ ﻭﺑﻨﺎﺕ ﺍﻧﻮﺭ ﻭﻭﻟﺪﻭ ﺍﺣﻤﺪ
ﺍﻟﻨﺎﻳﻢ ﻓﻲ ﺣﻀﻨﻬﺎ ﺑﻨﺎﺕ ﻋﻤﻬﺎ ﺍﻟﻜﺎﻧﺖ ﺑﺘﺤﺒﻬﻢ ﺷﺪﻳﺪ
ﻭﻫﻢ ﻃﺎﻳﺮﻳﻦ ﺑﻴﻬﺎ ﺍﻟﺴﻤﺎ ﺭﻏﻢ ﺇﻧﻬﺎ ﺍﻛﺒﺮ ﻣﻨﻬﻢ ﺑﻲ ﻋﺸﺮﺓ
ﺳﻨﻴﻦ ﻟﻜﻦ ﻋﺎﺟﺒﺎﻫﻢ ﻟﻬﺠﺘﺎ ﺍﻟﻤﻠﺨﺒﻄﺔ ﻻ ﻫﻲ ﻣﺼﺮﻳﺔ
ﻭﻻ ﻫﻲ ﺳﻮﺩﺍﻧﻴﺔ ..ﺟﻮ ﻣﺎﺭﻳﻦ ﺑﻲ ﺷﺎﺭﻉ ﺍﻟﻨﻴﻞ ﻭﺑﻨﺎﺕ
ﺍﻧﻮﺭ ﺍﺗﻌﻠﻘﻮ ﺍﻧﻮ ﺍﻻ ﺍﺑﻮﻫﻢ ﻳﻨﺰﻟﻢ ﺷﻮﻳﺔ ﻭﺭﻏﻢ ﺍﻧﻮ ﺍﻟﻮﻗﺖ
ﺍﺗﺄﺧﺮ ﻟﻜﻦ ﺍﻧﻮﺭ ﻭﻗﻒ ﻋﺮﺑﻴﺘﻮ ﻭﺃﻣﺎﻧﻲ ﻭﺍﺑﺘﻬﺎﻝ ﻧﺰﻟﻮ
ﻭﻣﻌﺎﻫﻢ ﺍﻟﺒﺘﻴﻦ ﺍﻣﺎ ﺻﺒﺎﺡ ﻓﻜﺎﻧﺖ ﺷﺎﻳﻠﺔ ﺍﻟﻮﻟﺪ ﻟﺼﻐﻴﺮ
ﻭﻧﺎﻳﻢ ﻓﻲ ﺭﺟﻼ .. ﺍﻧﻮﺭ ﻗﺎﻝ ﻟﻴﻬﺎ ﺍﻧﺰﻟﻲ ﻳﺎﺻﺒﺎﺡ ﻣﻊ ﻣﻊ
ﺍﻟﺒﻨﺎﺕ ﻭﺭﺩﺕ ﻋﻠﻴﻬﻮ ﺻﺒﺎﺡ ... ﻭﻫﻲ ﺷﺎﻳﻠﺔ ﺍﺣﻤﺪ ﺍﻟﺼﻐﻴﺮ
ﺍﻟﻨﺎﻳﻢ ﻓﻲ ﺣﻀﻨﻬﺎ ﺑﻬﺪﺅ .... ﺭﻭﺡ ﺍﻧﺘﺎ ﻣﻌﺎﻫﻢ ﻭﺳﻴﺒﻨﻲ
ﻫﻨﺎ ﺃﺣﻤﺪ ﻧﺎﻡ ﻣﻦ ﺷﻮﻳﺔ ﻟﺤﺴﻦ ﻳﺼﺤﺎ ﻭﺍﻟﺪﻧﻴﺎ ﺑﺮﺩ
ﻋﻠﻴﻪ .... ﻛﺎﻧﺖ ﺑﺘﻌﺎﻳﻦ ﻟﻲ ﺍﺣﻤﺪ ﺑﻲ ﺣﻨﺎﻥ ﻭﺑﺘﻔﻜﺮ ﺍﻧﻮ
ﻟﻮ ﻛﺎﻥ ﻓﺮﺣﺎ ﺗﻤﺎ ﻛﺎﻥ ﺡ ﻳﻜﻮﻥ ﻋﻨﺪﻫﺎ ﻭﻟﺪ ﺯﻱ ﺍﺣﻤﺪ
.. ﻭﻟﻤﺎ ﻭﺻﻠﺖ ﻟﻠﻨﻘﻄﺔ ﺩﻱ ﻓﻲ ﺍﻟﺘﻔﻜﻴﺮ ﺿﻤﺖ ﺍﺣﻤﺪ ﺑﻲ
ﺣﻨﺎﻥ ﻭﻫﻲ ﺑﺘﺒﺘﺴﻢ ﻭﻃﺒﻌﺖ ﺑﻮﺳﺔ ﻋﻠﻲ
ﺟﺒﻴﻨﻮ ...ﺳﻤﻌﺖ ﺍﻧﻮﺭ ﺑﻘﻮﻝ ﻟﻴﻬﺎ ﺻﺒﺎﺡ ... ﺭﻓﻌﺖ ﺭﺍﺳﺎ
ﺗﻌﺎﻳﻦ ﻟﻴﻬﻮ ﻭﻟﻘﺘﻮ ﺑﻌﺎﻳﻦ ﻓﻲ ﻋﻴﻮﻧﺎ ﻭﻫﻮ ﺑﻘﻮﻝ ﻟﻴﻬﺎ
ﺑﻬﻤﺲ ... ﺗﺤﺒﻲ ﺗﻜﻮﻧﻲ ﺍﻡ ﺍﺣﻤﺪ ... ﺻﺒﺎﺡ ﺍﺑﺘﺴﻤﺖ ﻭﻫﻲ
ﺑﺘﻘﻮﻝ ﻣﻴﻦ ﺗﺸﻮﻑ ﺍﻟﻤﻼﻙ ﺩﻩ ﻭﻣﺎﺗﺤﺒﺶ ﻳﻜﻮﻥ ﻋﻨﺪﻫﺎ
ﺇﺑﻦ ﺯﻳﻮ ... ﻟﻜﻦ ﻟﻤﺎ ﻟﻘﺖ ﺍﻧﻮﺭ ﻟﺴﻪ ﺑﻌﺎﻳﻦ ﻟﻴﻬﺎ ﺣﺴﺖ
ﺍﻧﻮ ﻭﺭﺍ ﻛﻼﻣﻮ ﺩﻩ ﻓﻲ ﻛﻼﻡ ﺗﺎﻧﻲ ﻭﻓﻌﻼ ﻃﻠﺐ ﺍﻧﻮﺭ
ﻳﺪﻫﺎ ﻟﻠﺰﻭﺍﺝ ﻭﺧﻼﻝ ﺍﺳﺒﻮﻋﻴﻦ ﺡ ﻳﺘﻢ ﺍﻟﻌﺮﺱ ﺑﻤﺒﺎﺭﻛﺔ
ﺍﻟﺠﻤﻴﻊ ﻭﺻﺒﺎﺡ ﺧﻼﺹ ﺡ ﺗﻌﻴﺶ ﻓﻲ ﺍﻟﺴﻮﺩﺍﻥ ﻭﺡ ﺗﻮﺩﻉ
ﻛﻞ ﺯﻛﺮﻳﺎﺗﺎ ﻭﺣﻴﺎﺗﺎ ﺍﻟﺴﺎﺑﻘﺔ ﻓﻲ ﻣﺼﺮ ﻭﺡ ﺗﻌﻴﺶ ﻭﺳﻂ
ﺟﻮ ﺟﺪﻳﺪ ﻭﺍﺳﺮﺓ ﺟﺪﻳﺪﺓ ﻭﺡ ﺗﻜﺘﺸﻒ ﻓﻴﻬﺎ ﺣﺎﺟﺎﺕ
ﻛﺘﻴﺮﺓ ﻭﺍﻣﻬﺎ ﺑﺘﺪﻋﻲ ﻟﻴﻬﺎ ﺭﺑﻨﺎ ﻳﺴﻌﺪﻙ ﻳﺎﺑﻨﺘﻲ ﺑﺮﻛﺔ
ﺍﻟﻌﺸﺖ ﻭﺡ ﺍﺷﻮﻓﻚ ﻋﺮﻭﺳﺔ ﻭﺡ ﺍﺷﻴﻞ ﻋﻴﺎﻟك
يتبع....
