ﺍﻟﻜﻼﻡ ﺍﻛﻴﻴﻴﺪ ﻭﺻﻞ ﻟﻲ ﺍﻟﻤﺪﻳﺮ ﻭﺍﺗﻌﻤﻞ ﺗﺤﻘﻴﻖ ﻓﻲ
ﺍﻟﻤﻮﺿﻮﻉ ﻭﺍﻟﻤﻮﻇﻔﻴﻦ ﺍﻟﺤﻀﺮﻭ ﺍﻟﻤﻮﻗﻒ ﺷﻬﺪﻭ ﺍﻧﻮ ﺭﺷﺎ
ﺟﺎﺕ ﻣﻦ ﺑﺮﻩ ﻭﺍﺗﻬﺠﻤﺖ ﻋﻠﻲ ﻟﻴﻨﺪﺍ ﺑﺎﻟﻜﻼﻡ ﺍﻟﺠﺎﺭﺡ
ﻭﺍﻟﻤﺸﻴﻦ ﻭﻃﺒﻴﻌﻲ ﺍﻱ ﺯﻭﻝ ﺡ ﻳﻜﻮﻥ ﻓﻲ ﻣﻜﺎﻥ ﻟﻴﻨﺪﺍ ﺡ
ﻳﺘﺼﺮﻑ ﻛﺪﻩ ﺑﺎﻟﺬﺍﺕ ﺍﻧﻮ ﻛﻼﻣﺎ ﻛﺎﻥ ﺑﻮﺣﻲ ﺑﻲ ﻣﻌﺎﻧﻲ
ﻣﺎﺟﻤﻴﻠﺔ .. ﻭﻛﻤﺎﻥ ﺭﺷﺎ ﻭﺗﺼﺮﻓﺎﺗﺎ ﺍﻟﻐﻴﺮ ﺍﺧﻼﻗﻴﺔ ﺧﻠﺖ
ﺳﻴﺮﺗﺎ ﻓﻲ ﺍﻟﺸﺮﻛﺔ ﻓﻲ ﻓﺘﺮﺓ ﺑﺴﻴﻄﺔ ﺗﻜﻮﻥ ﺯﻱ ﺍﻟﺰﻓﺖ
ﻭﺍﻟﻜﻞ ﻭﻗﻒ ﻓﻲ ﺻﻒ ﻟﻴﻨﺪﺍ ﻭﺣﺘﻲ ﻣﺠﺎﻫﺪ ﺣﺎﻭﻝ ﻳﺒﻌﺪ
ﻧﻔﺴﻮ ﻋﻦ ﺍﻟﻤﻮﺿﻮﻉ ﻭﻳﺮﻣﻲ ﺍﻟﺤﻜﺎﻳﺔ ﻛﻠﻬﺎ ﻋﻠﻲ ﺭﺷﺎ
ﻭﻟﻤﺎ ﺳﺄﻟﻮﻫﻮ ﻗﺎﻝ ﺍﻧﻮ ﺭﺷﺎ ﺑﺘﺤﺎﻭﻝ ﺍﻧﻬﺎ ﺗﺘﻘﺮﺏ ﻣﻨﻮ
ﻭﺑﺘﺤﺎﻭﻝ ﻗﺪﺍﻡ ﻟﻴﻨﺪﺍ ﺍﻧﻬﺎ ﺗﺒﻴﻦ ﺍﻧﻮ ﻓﻲ ﻋﻼﻗﺔ ﺑﻴﻨﻢ
ﻋﺸﺎﻥ ﻫﻲ ﻋﺎﺭﻓﺔ ﺍﻧﻮ ﻣﻔﻜﺮ ﻳﺮﺗﺒﻂ ﺑﻲ ﻟﻴﻨﺪﺍ ...ﻃﺒﻌﺎ
ﻛﻼﻣﻮ ﻛﺎﻥ ﻣﻔﺎﺟﺄﺓ ﻟﻲ ﺭﺷﺎ ﻻﻧﻮ ﺑﻲ ﻛﻼﻣﻮ ﺩﻩ ﻃﻠﻊ
ﺭﻭﺣﻮ ﻣﻦ ﺍﻟﻤﻮﻗﻒ ﺑﻲ ﻛﻞ ﺑﺮﺍﺀﺓ ﻭﺧﻼﻫﺎ ﻫﻲ ﻓﻲ ﻭﺵ
ﺍﻟﻤﺪﻓﻊ .. ﻭﻟﻴﻨﺪﺍ ﻟﻤﺎ ﻋﺮﻓﺖ ﺑﻲ ﻛﻼﻣﻮ ﺩﻩ ﻗﺮﺭﺕ ﺍﻧﻬﺎ
ﺗﻘﻄﻊ ﺍﻱ ﺗﻌﺎﻣﻞ ﻣﻊ ﻣﺠﺎﻫﺪ ﻷﻧﻬﺎ ﺍﺗﺄﻛﺪﺕ ﺍﻧﻮ ﺯﻭﻝ
ﺧﺴﺒﺲ ﻭﺍﻟﺒﻌﺪ ﻋﻨﻮ ﺃﺣﺴﻦ ... ﺍﻳﻤﻦ ﻛﺎﻥ ﻣﻦ ﺿﻤﻦ
ﺍﻟﻠﺠﻨﺔ ﺍﻟﺤﻘﻘﺖ ﻓﻲ ﺍﻟﻤﻮﺿﻮﻉ ﻭﻃﺒﻌﺎ ﺍﺗﻔﻖ ﺍﻟﺠﻤﻴﻊ ﻋﻠﻲ
ﺍﻧﻮ ﻳﺘﻢ ﺭﻓﺪ ﺭﺷﺎ ﺑﺎﻟﺬﺍﺕ ﺍﻧﻮ ﻟﺴﻪ ﻣﺎﺗﻢ ﺗﺜﺒﻴﺘﺎ ﻻﻧﻮ
ﻓﺘﺮﺓ ﺍﻟﺘﻼﺗﺔ ﺷﻬﻮﺭ ﻟﺴﻪ ﻣﺎﺧﻠﺼﺖ ﻭﺗﻮﺟﻴﻪ ﺍﻧﺰﺍﺭ ﻧﻬﺎﺋﻲ
ﻟﻲ ﻣﺠﺎﻫﺪ ﻭﺑﺮﺃﺕ ﻟﻴﻨﺪﺍ ...ﻭﻣﻦ ﺑﻜﺮﺓ ﺭﺷﺎ ﺗﺠﻲ ﺗﺨﻠﻲ
ﻃﺮﻓﺎ ﻣﻦ ﻛﻞ ﺍﻻﺷﻴﺎﺀ ﺍﻟﻤﺘﻌﻠﻘﺔ ﺑﺎﻟﺸﻐﻞ ﻭﺗﺴﻠﻢ ﻋﻬﺪﺗﺎ
ﻭﺗﺴﺘﻠﻢ ﺣﻘﻮﻗﺎ ﻭﺗﺴﻴﺐ ﺍﻟﺸﺮﻛﺔ ﻧﻬﺎﺋﻴﺎ ... ﻭﻃﺒﻌﺎ
ﻛﺎﻧﺖ ﺣﺎﻟﻔﺔ ﺍﻧﻬﺎ ﻣﺎﺗﺨﻠﻲ ﻟﻴﻨﺪﺍ ﻭﺍﻳﻤﻦ ﻭﻣﺠﺎﻫﺪ ﻓﻲ ﺣﺎﻟﻢ
ﻻﻧﻮ ﻫﻢ ﻟﺴﻪ ﻓﻲ ﺍﻟﺸﻐﻞ ﻭﻣﺒﺴﻮﻃﻴﻦ ﻭﻫﻲ ﻃﺮﺩﻭﻫﺎ
ﻣﻦ ﺍﻟﺸﺮﻛﺔ ﻭﻛﻤﺎﻥ ﺑﻲ ﺳﻤﻌﺔ ﺳﻴﺌﺔ
ﺭﺷﺎ ﻗﺮﺭﺕ ﺍﻧﻬﺎ ﺗﻮﻗﻊ ﺍﻟﻜﻞ ﻓﻲ ﺑﻌﺾ ﻭﺗﺨﺮﺏ ﻋﻠﻴﻬﻢ
ﺯﻱ ﻣﺎ ﺧﺮﺑﻮ ﻋﻠﻴﻬﺎ ﻭﺍﻭﻝ ﺣﺎﺟﺔ ﺡ ﺗﻌﻤﻼ ﺍﻧﻬﺎ ﺗﻨﺘﻘﻢ ﻣﻦ
ﻣﺠﺎﻫﺪ ﻭﻟﻴﻨﺪﺍ ...ﻣﺠﺎﻫﺪ ﺍﻟﺒﺎﻋﺎ ﻓﻲ ﺛﻮﺍﻧﻲ ﻭﺍﻋﺘﺮﻑ ﻗﺪﺍﻡ
ﺍﻟﻜﻞ ﺍﻧﻮ ﻧﺎﻭﻱ ﻳﺮﺗﺒﻂ ﺑﻲ ﻟﻴﻨﺪﺍ .. ﻳﻌﻨﻲ ﻛﻞ ﺍﻟﻜﺎﻥ ﺑﻌﻤﻞ
ﻓﻴﻬﻮ ﺩﻩ ﻋﺸﺎﻥ ﻳﺨﻠﻲ ﻟﻴﻨﺪﺍ ﺗﻐﻴﺮ ﻭﺗﺤﺎﻭﻝ ﺗﻘﺮﺏ
ﻟﻴﻬﻮ ... ﻭﺧﻼﺹ ﻣﺮﺍﺩﻡ ﺗﻤﺎ ... ﻭﺍﻟﺠﻮ ﺧﻼ ﻟﻲ ﻣﺠﺎﻫﺪ
ﻋﺸﺎﻥ ﻳﺤﺐ ﻟﻴﻨﺪﺍ ﺑﻲ ﻣﺰﺍﺝ ﻭﺧﻼﻫﺎ ﻫﻲ ﺗﺘﺮﻣﻲ ﺭﻣﻴﺔ
ﺍﻟﻜﻼﺏ ... ﻻﺍﺍﺯﻡ ﺗﻨﺪﻡ ﻣﺠﺎﻫﺪ ﻭﻟﻴﻨﺪﺍ ﻋﻠﻲ ﺍﻟﻌﻤﻠﻮ ﻓﻴﻬﺎ
ﻭﺗﺨﻠﻲ ﺍﻳﻤﻦ ﺍﻟﻄﺮﺩﺍ ﻫﻲ ﻭﺧﻼ ﺻﺎﺣﺒﻮ ﻭﺻﺎﺣﺒﺘﻮ ﻳﻌﺮﻑ
ﺣﻘﻴﻘﺘﻢ .. ﻭﻗﺮﺭﺕ ﺍﻧﻬﺎ ﺗﺘﺼﻞ ﻋﻠﻲ ﺍﻳﻤﻦ ﻭﺗﺄﻟﻒ ﻟﻴﻬﻮ
ﻗﺼﺔ ﻣﻦ ﺭﺍﺳﺎ ﻋﻦ ﻣﺠﺎﻫﺪ ﻭﻟﻴﻨﺪﺍ ﻭﺍﻧﻬﺎ ﺟﺎﺕ ﻟﻘﺘﻢ
ﺳﻮﺍ ﻓﻲ ﻭﺿﻊ ﻣﺸﻴﻦ ﻭﻟﻤﺎ ﻋﺮﻓﻮ ﺍﻧﻬﺎ ﺷﺎﻓﺘﻢ ﺍﺗﻔﻘﻮ
ﻋﻠﻴﻬﺎ ﻋﺸﺎﻥ ﻳﺮﻣﻮﻫﺎ ﺑﺮﻩ ﺍﻟﺸﺮﻛﺔ ﻭﺟﺎ ﻓﻲ ﺻﺎﻟﺤﻢ ﺍﻧﻮ
ﺍﻟﻤﻮﻇﻔﻴﻦ ﺍﻟﺴﻤﻌﻮ ﺍﻟﻜﻼﻡ ﻣﺎﺳﻤﻌﻮ ﻣﻦ ﺍﻟﺒﺪﺍﻳﺔ ﺑﺲ
ﺳﻤﻌﻮ ﺍﻟﺠﺰﻭ ﺍﻟﻘﺎﻟﺘﻮ ﻫﻲ ﻭﺍﻟﻄﺒﻌﺎ ﺍﻛﻴﺪ ﻟﻮ ﺍﻟﻨﺎﺱ
ﻣﺎﻋﺎﺭﻓﻴﻦ ﺍﻟﺤﺎﺻﻞ ﺷﻨﻮ ﺡ ﻳﺘﻔﺴﺮ ﻛﻼﻣﺎ ﺍﻟﻘﺎﻟﺘﻮ ﻟﻲ
ﻣﺼﻠﺤﺔ ﻟﻴﻨﺪﺍ .... ﻭﻣﻦ ﺍﻣﺲ ﻭﻫﻲ ﺑﺘﺤﺎﻭﻝ ﺗﺘﺼﻞ
ﻋﻠﻴﻬﻮ ﻭﺍﻭﻝ ﻣﺮﻩ ﺭﺩﺍ ﻋﻠﻴﻬﺎ ﻭﻟﻤﺎ ﻋﺮﻑ ﺍﻧﻬﺎ ﺭﺷﺎ ﻗﻔﻞ
ﺍﻟﺨﻂ ﻓﻲ ﻭﺷﻬﺎ .. ﻃﺒﻌﺎ ﺍﺗﻐﺎﻇﺖ ﻣﻨﻮ ﻭﻟﻜﻦ ﻻﺍﺍﺯﻡ
ﺗﺼﺒﺮ ﻋﺸﺎﻥ ﺗﻨﻔﺬ ﺧﻄﺘﺎ ﻭﺗﺨﻠﻲ ﺍﻳﻤﻦ ﻳﻄﺮﺩ ﻟﻴﻨﺪﺍ
ﻭﻣﺠﺎﻫﺪ ﻭﺗﺮﺟﻊ ﻫﻲ ﺍﻟﺸﺮﻛﺔ ﻣﻌﺰﺯﺓ ﻣﻜﺮﻣﺔ ﻭﺑﻌﺪ ﻛﺪﻩ
ﺗﺤﺎﻭﻝ ﺗﺠﺬﺏ ﺍﻳﻤﻦ ﻟﻴﻬﺎ ... ﻭﻛﺮﺭﺕ ﺍﺗﺼﺎﻻ ﻛﻢ ﻣﺮﻩ
ﻭﻟﻤﺎ ﺍﻳﻤﻦ ﺯﻫﺞ ﻣﻦ ﻛﺘﺮ ﻣﺎ ﺍﺗﺼﻠﺖ ﻋﻠﻴﻬﻮ ﺭﺩﺍ ﻋﻠﻴﻬﺎ
ﻭﻗﺎﻝ ﻟﻴﻬﺎ ﺍﻧﺘﻲ ﻋﺎﻳﺰﺓ ﺷﻨﻮ ﻣﻨﻲ ﻣﺶ ﻛﻔﺎﻳﺔ ﺍﻟﻌﻤﻠﺘﻴﻬﻮ
ﻳﺎﺭﻳﺖ ﺗﺎﻧﻲ ﻣﺎ ﺗﺘﺼﻠﻲ ﻭﻻ ﺍﺷﻮﻑ ﺭﻗﻤﻚ ﻓﻲ
ﺗﻠﻔﻮﻧﻲ ... ﺭﺷﺎ ﻗﻌﺪﺕ ﺗﺘﺒﻜﺎ ﻭﻗﺎﻟﺖ ﻟﻴﻬﻮ ﺍﻧﺖ ﺍﻓﻬﻢ
ﺍﻟﺤﺎﺻﻞ ﺍﻭﻻ ﻭﺑﻌﺪﻳﻦ ﻗﻮﻝ ﺍﻟﻌﺎﻳﺰﻭ.. ﺍﻳﻤﻦ ﻗﺎﻝ ﻟﻴﻬﺎ ﺑﻲ
ﻋﺼﺒﻴﺔ .. ﺍﻓﻬﻢ ﺷﻨﻮ ﺍﻛﺘﺮ ﻣﻦ ﺍﻟﺤﺼﻞ ﺩﻩ .. ﻭﺑﺪﺕ
ﺭﺷﺎ ﺗﺤﻜﻲ ﻟﻴﻬﻮ ﻋﻦ ﺍﻟﺘﻔﺎﺻﻴﻞ ﺍﻷﻟﻔﺘﺎ ﻋﻦ ﻟﻴﻨﺪﺍ
ﻭﻣﺠﺎﻫﺪ ﻟﻜﻦ ﺍﻳﻤﻦ ﻣﺎ ﺍﺩﺍﻫﺎ ﻓﺮﺻﺔ ﺗﻮﺍﺻﻞ ﻛﻼﻣﺎ
ﻭﻗﻔﻞ ﺍﻟﺨﻂ ﻓﻲ ﻭﺷﻬﺎ ... ﻟﻜﻦ ﺭﺷﺎ ﻣﺼﺮﺓ ﺍﻧﻬﺎ ﺗﻜﻤﻞ
ﺍﻟﺤﻜﺎﻳﺔ ﻟﻲ ﺍﻳﻤﻦ ﻭﺗﺮﻣﻲ ﺑﺰﺭﺓ ﺍﻟﺸﻚ ﺟﻮﺍﻫﻮ ﺗﺠﺎﻩ ﻟﻴﻨﺪﺍ
ﻭﻣﺠﺎﻫﺪ ﻣﻬﻤﺎ ﺣﺼﻞ ...ﻭﺡ ﺗﻮﺍﺻﻞ ﺍﺗﺼﺎﻻﺗﺎ ﻟﺤﺪﻱ ﻣﺎ
ﺍﻳﻤﻦ ﻳﺴﺘﺴﻠﻢ ﻭﻳﺴﻤﻌﺎ ﻟﻲ ﺍﻟﻨﻬﺎﻳﺔ ... ﻭﻛﺪﻩ ﺗﻜﻮﻥ
ﻋﻤﻠﺖ ﺍﻟﺤﺎﺟﺔ ﺍﻟﻌﺎﻳﺰﺍﻫﺎ
يتبع....
