ﻓﺎﻗﺖ ﺳﺤﺮ ﻭﺍﻟﻜﻞ ﺣﻮﻟﻬﺎ ﻛﺎﻧﻮ ﻗﻠﻘﺎﻧﻴﻦ ﻭﺍﻟﺪﻛﺘﻮﺭ
ﻃﻤﻨﻬﻢ ﻋﻠﻴﻬﺎ ﻭﻗﺎﻝ ﻟﻴﻬﻢ ﻣﺠﺮﺩ ﺍﺭﻫﺎﻕ ﻭﺗﻮﺗﺮ ﺗﺮﺗﺎﺡ
ﺷﻮﻳﺔ ﻭﺗﻨﻮﻡ ﻛﻮﻳﺲ ﻭﺡ ﺗﺒﻘﺎ ﻛﻮﻳﺴﺔ .... ﺑﺪﺭ ﺧﺎﻑ
ﻋﻠﻲ ﺣﺒﻴﺒﺘﻮ ﺷﺪﻳﺪ ﻭﺑﻌﺪ ﺍﻟﺪﻛﺘﻮﺭ ﻃﻤﻨﻮ ﻋﻠﻴﻬﺎ ﺳﺎﻗﺎ
ﻭﻣﺸﺎ ﺍﻟﺸﻘﺔ ﺡ ﻳﻘﻌﺪﻭ ﻓﻴﻬﺎ ﺗﻼﺗﺔ ﺍﻳﺎﻡ ﻭﺑﻌﺪﻫﺎ
ﻳﺴﺎﻓﺮﻭ ﺷﻬﺮ ﺍﻟﻌﺴﻞ ﻭﺻﻠﻮ ﺍﻟﺸﻘﺔ ﻭﺳﺤﺮ ﻛﺎﻧﺖ
ﻟﺴﻪ ﺣﺎﺳﻪ ﺑﻲ ﺍﻧﻬﺎ ﺗﻌﺒﺎﻧﺔ ﻭﺑﺪﺭ ﺍﻭﻝ ﻣﺎﺩﺧﻠﻮ ﺍﻟﺸﻘﺔ
ﻗﺎﻝ ﻟﻲ ﺳﺤﺮ . ﺣﺒﻴﺒﺘﻲ ﺍﻧﺘﻲ ﺍﻣﺸﻲ ﺍﺧﺪﻱ ﺭﺍﺣﺘﻚ ﻓﻲ
ﻏﺮﻓﺔ ﺍﻟﻨﻮﻡ ﻭﺍﻧﺎ ﺡ ﺍﻧﻮﻡ ﻫﻨﺎ ﻋﺸﺎﻥ ﺍﻧﺘﻲ ﻣﺮﻫﻘﺔ
ﺣﺒﻴﺒﺘﻲ ... ﻛﻼﻡ ﺑﺪﺭ ﺟﺎ ﻟﻲ ﺳﺤﺮ ﻓﻲ ﺟﺮﺡ ﺍﺻﻠﻮ ﺩﻩ
ﺍﻟﺪﺍﻳﺮﺍﻫﻮ ... ﻭﺑﻲ ﺻﻮﺕ ﺿﻌﻴﻒ ﻗﺎﻟﺖ ﻟﻴﻬﻮ
ﺣﺎﺿﺮ ... ﻭﺷﺎﻝ ﺷﻨﻄﺘﺎ ﻭﺩﺧﻼ ﻟﻴﻬﺎ ﺍﻟﻐﺮﻓﺔ ﻭﺷﺎﻝ ﻟﻴﻬﻮ
ﻏﻴﺎﺭ ﻭﻏﻄﺎ ﻭﻃﻠﻊ ﻣﻦ ﺍﻟﻐﺮﻓﺔ ... ﺳﺤﺮ ﻣﺎﺻﺪﻗﺖ ﺍﻧﻮ ﺑﺪﺭ
ﺧﻼﻫﺎ ﺗﻨﻮﻡ ﺑﺮﺍﻫﺎ ﺩﻩ ﻫﻢ ﻭﺍﻧﺰﺍﺡ ﻟﻜﻦ ﻟﺤﺪﻱ
ﺑﺘﻴﻦ ... ﺳﺤﺮ ﺩﺧﻠﺖ ﺍﻟﺤﻤﺎﻡ ﻭﻏﻴﺮﺕ ﻫﺪﻭﻣﺎ ﻭﻟﺒﺴﺚ
ﻗﻤﻴﺺ ﻃﻮﻳﻞ ﻭﻣﺎﺷﻔﺎﻑ ...ﻭﻃﻠﻌﺖ ﻣﻦ ﺍﻟﺤﻤﺎﻡ ﻟﻘﺖ
ﻓﻲ ﺻﻴﻨﻴﺔ ﺻﻐﻴﺮﺓ ﻓﻴﻬﺎ ﻋﺼﻴﺮ ﻭﻗﺰﺍﺯﺓ ﻣﻮﻳﺔ ﻭﺻﺤﻦ
ﻓﻴﻬﻮ ﺳﻨﺪﻭﻳﺘﺸﺎﺕ .... ﺍﻙﻳﺪ ﺩﻩ ﺑﺪﺭ ﺟﺎﺑﻢ ﻟﻴﻬﺎ ﻷﻧﻬﺎ
ﻓﻌﻼ ﻣﺎﺩﺧﻠﺖ ﺣﺎﺟﺔ ﻓﻲ ﺑﻄﻨﻬﺎ ﻣﻦ ﺍﻟﺼﺒﺎﺡ ﻭﻣﻨﻈﺮ
ﺍﻻﻛﻞ ﻛﺎﻥ ﻣﻐﺮﻱ ﻟﻜﻦ ﻣﺎﻗﺪﺭﺕ ﺗﺎﻛﻞ ﺍﻛﺘﺮ ﻣﻦ ﻧﺺ
ﻋﻴﺸﺔ ﻭﺷﺮﺑﺖ ﺍﻟﻌﺼﻴﺮ ﻭﻧﺎﻣﺖ .... ﻧﻮﻣﺎ ﻛﺎﻥ ﻣﻘﻄﻊ
ﻻﻧﻬﺎ ﻛﺎﻧﺖ ﻣﺘﺨﻴﻠﺔ ﺍﻧﻮ ﺑﺪﺭ ﻣﻤﻜﻦ ﻓﻲ ﺍﻱ ﻟﺤﻈﺔ ﻳﺠﻲ
ﺩﺍﺧﻞ ﺍﻟﻐﺮﻓﺔ ﻭﺍﻟﻔﻜﺮﺓ ﺩﻱ ﺧﻠﺘﻬﺎ ﻣﺎﻗﺎﺩﺭﺓ ﺗﻨﻮﻡ
ﻛﻮﻳﺲ ... ﺑﺪﺭ ﻛﺎﻥ ﻋﻨﺪﻭ ﺍﺣﺴﺎﺱ ﺍﻥ ﺳﺤﺮ ﺧﺎﻳﻔﺔ ﻣﻨﻮ
ﻋﺸﺎﻥ ﻛﺪﻩ ﻗﺮﺭ ﺍﻧﻮ ﻣﺎﻳﻘﺮﺏ ﻟﻴﻬﺎ ﻟﺤﺪﻱ ﻣﺎﻳﺤﺲ ﺍﻧﻬﺎ
ﻣﺮﺗﺎﺣﺔ ﻭﺍﻧﻮ ﺍﻟﻘﻠﻖ ﺍﻟﻔﻲ ﻋﻴﻮﻧﺎ ﺩﻩ ﺍﺧﺘﻔﻲ ...ﻭﺍﻫﻢ ﺣﺎﺟﺔ
ﺍﻧﻮ ﻳﺨﻠﻴﻬﺎ ﺗﺘﻌﻮﺩ ﻋﻠﻴﻬﻮ ﺑﺪﻭﻥ ﻣﺎ ﺗﺨﺎﻑ ﻣﻨﻮ ﻭﺍﻱ ﺷﻲ
ﺗﺎﻧﻲ ﻣﻠﺤﻮﻕ ... ﺍﺻﺒﺢ ﺍﻟﺼﺒﺎﺡ ﻭﺳﺤﺮ ﺻﺤﺖ ﻣﺘﺄﺧﺮﺓ
