ﻭﺟﻦ ﺣﻜﺖ ﻟﻲ ﺩﻛﺘﻮﺭﺓ ﺇﺧﻼﺹ ﻋﻦ ﻛﻞ ﺍﻟﺘﻔﺎﺻﻴﻞ
ﻭﺍﻟﻤﻼﺑﺴﺎﺕ ﺍﻟﺨﺎﺻﺔ ﺑﻲ ﻣﺸﻜﻠﺔ ﺧﺎﻟﺪ ﺯﻭﺟﻬﺎ ﻭﺗﺈﺛﻴﺮ
ﺯﻭﺟﺔ ﺍﺑﻮﻫﻮ ﺍﻟﺴﻠﺒﻲ ﻭﺗﺪﺧﻼ ﻓﻲ ﺣﻴﺎﺗﻮ .. ﻭﻣﺤﺎﻭﻻﺕﺍ
ﺍﻧﻬﺎ ﺗﻤﺎﺭﺱ ﻋﻠﻴﻬﺎ ﻧﻔﺲ ﺍﻟﺘﺴﻠﻂ ... ﻭﺣﻜﺖ ﻟﻴﻬﺎ ﻋﻦ
ﺍﻟﺘﺠﺮﺑﺔ ﺍﻟﺒﺸﻌﺔ ﺍﻟﺤﺼﻠﺖ ﻓﻲ ﻟﻴﻠﺔ ﺍﻟﺪﺧﻠﺔ ﻭﺍﻟﺘﺠﺎﺭﺏ
ﺍﻟﻤﺨﺘﻠﻔﺔ ﺗﻤﺎﻣﺎ ﻓﻲ ﺍﻻﻳﺎﻡ ﺍﻟﺘﺎﻟﻴﺔ.. ﻭﻋﻦ ﺍﻧﻘﻴﺎﺩ ﺧﺎﻟﺪ
ﺍﺣﻴﺎﻧﺎ ﻟﻲ ﺧﺎﻟﺘﻮ ﻭﺍﺣﻴﺎﻧﺎ ﺍﺧﺮﻱ ﺑﺒﻌﺪﺍ ﻋﻨﻬﻢ ﺗﻤﺎﻣﺎ .. ﻭﻗﺎﻟﺖ
ﻟﻴﻬﺎ ﺍﻧﻬﺎ ﺧﺎﻳﻔﺔ ﻣﻦ ﺗﺼﺮﻓﺎﺕ ﻭﺳﻠﻮﻙ ﺧﺎﻟﺪ ﺍﻟﻤﺘﻘﻠﺐ
ﻭﺍﻧﻮ ﻣﺎﻳﻜﻮﻥ ﺯﻭﺟﺔ ﺍﺑﻮﻫﻮ ﻭﺻﻠﺘﻮ ﻟﻲ ﺣﺎﻟﺔ ﻧﻔﺴﻴﺔ
ﻣﻤﻜﻦ ﺗﻜﻮﻥ ﻫﻲ ﺍﻟﺴﺒﺐ ﻓﻲ ﺗﺼﺮﻓﺎﺗﻮ ﻭﻋﻦ ﺍﻟﺤﺎﻟﺔ
ﺍﻟﻬﺎﺩﺋﺔ ﻭﺍﻟﺼﻤﺖ ﺍﻟﻬﻮ ﻓﻴﻬﻮ ﺣﺎﻟﻴﺎ ﻣﻊ ﺍﻟﻌﻠﻢ ﺇﻧﻮ ﻓﻲ
ﺍﺳﻮﺃ ﺣﺎﻻﺗﻮ ﻣﺎﻛﺎﻥ ﺳﺎﻛﺖ ﻛﺪﻩ ... ﻭﺇﻧﻬﺎ ﺧﺎﻳﻔﺔ ﻣﻦ
ﺳﻜﻮﺗﻮ ﺩﻩ ..ﻭﺭﻏﻢ ﺩﻩ ﻫﻮ ﺑﺮﺿﻮ ﻛﻮﻳﺲ ﻣﻌﺎﻫﺎ ﻭﺇﻥ
ﻛﺎﻧﺖ ﺍﻟﻌﻼﻗﺔ ﺍﻟﺤﻤﻴﻤﺔ ﺑﻴﻨﻢ ﻣﺘﻘﻄﻌﺔ .. ﺑﺎﻟﺬﺍﺕ ﻓﻲ
ﺍﻟﻔﺘﺮﺓ ﺍﻟﺒﻘﺎ ﻓﻴﻬﺎ ﻫﺎﺩﺉ
ﻭﺩﻛﺘﻮﺭﺓ ﺍﺧﻼﺹ ﻗﺎﻟﺖ ﻟﻴﻬﺎ ﺍﻧﻮ ﺍﻛﻴﺪ ﺯﻳﻨﺐ ﻟﻴﻬﺎ ﺩﻭﺭ
ﻛﺒﻴﺮ ﻓﻲ ﺍﻟﻮﺿﻊ ﺍﻟﻬﻮ ﻓﻴﻬﻮ ... ﻟﻜﻦ ﻣﺎ ﺡ ﺗﻘﺪﺭﺗﺒﺖ ﻓﻲ
ﺍﻟﺤﺎﻟﺔ ﺇﻻ ﺇﺫﺍ ﺟﺎ ﺧﺎﻟﺪ ﺑﻲ ﻧﻔﺴﻮ ﻭﺇﺗﻜﻠﻤﺖ ﻣﻌﺎﻫﻮ
ﻋﺸﺎﻥ ﺗﻌﺮﻑ ﺣﺎﻟﺘﻮﺷﻨﻮ ﺑﺎﻟﻀﺒﻂ ﻷﻧﻮ ﻣﻦ ﺧﻼﻝ ﻛﻼﻣﻮ
ﻫﻲ ﺗﻘﺪﺭ ﺗﺎﺧﺪ ﻓﻜﺮﺓ ﺍﻭﺿﺢ .. ﻭﻗﺮﺭﺕ ﻭﺟﻦ ﺇﻧﻬﺎ
ﺗﺤﺎﻭﻝ ﺗﺨﻠﻴﻬﻮ ﻳﺠﻲ ﻳﻘﺎﺑﻞ ﺩﻛﺘﻮﺭﺓ ﺇﺧﻼﺹ ﻭﻗﺮﺭﺕ ﺑﻌﺪ
ﻣﺎ ﺭﺟﻌﺖ ﻣﻦ ﻋﻨﺪ ﺩﻛﺘﻮﺭﺓ ﺇﺧﻼﺹ ﺇﻧﻬﺎ ﺗﺘﻜﻠﻢ ﻣﻊ ﺧﺎﻟﺪ
ﻭﺗﻘﻨﻌﻮ ﺍﻧﻮ ﻳﻤﺸﻲ ﻣﻌﺎﻫﺎ ﻟﻲ ﺩﻛﺘﻮﺭﺓ ﺍﺧﻼﺹ ...ﺩﺧﻠﺖ
ﻭﺟﻦ ﺑﻴﺘﺎ ﻭﺍﺗﻮﻗﻌﺖ ﺍﻧﻮ ﺧﺎﻟﺪ ﻳﻜﻮﻥ ﻣﻮﺟﻮﺩ ﻟﻜﻦ ﻛﺎﻥ
ﻟﺴﻪ ﻣﺎ ﻭﺻﻞ ﻭﺩﺧﻠﺖ ﻏﺮﻓﺔ ﺍﻟﻨﻮﻡ ﻭﻋﻠﻲ ﺍﻟﺘﻮﺍﻟﻴﺖ
ﻟﻘﺖ ﻇﺮﻑ ﻣﻜﺘﻮﺏ ﻋﻠﻴﻬﻮ ﺍﻟﻲ ﺣﺒﻴﺒﺘﻲ ﻭﺟﻦ ﻭﻛﺎﻧﺖ
ﺑﺨﻂ ﺧﺎﻟﺪ ....ﻭﺟﻦ ﻗﻠﺒﻬﺎ ﺍﺗﻘﺒﺾ ﻟﻤﺎ ﺷﺎﻓﺖ ﺍﻟﻈﺮﻑ
ﻷﻧﻮ ﺧﺎﻟﺪ ﻟﻮ ﻋﻨﺪﻭ ﺍﻱ ﺣﺎﺟﺔ ﺍﻭ ﺡ ﻳﺘﺄﺧﺮ ﺑﺘﺼﻞ ﻋﻠﻴﻬﺎ
